"Poz-pozik" dago Alarde Parekidearen Batzordea

admin

Bidasoa

2014/07/07

Inma Landa jenerala tropak eta udaleko hautetsiak agurtzen

2014ko San Martzial egunarekin “poz-pozik” dagoela adierazi du Alarde Parekidearen Batzordeak, “dena primeran atera da-eta”. Alarde “eder eta alaia” egiteagatik “eskerrik zintzoenak” eman nahi izan dizkio batzordeak alardean parte hartutako herritar orori. Hala, “alardeko konpainia eta unitate guztiei eskertu nahi diegu erakutsi duten jarrera arduratsua, uneoro eta batik bat arratsaldean, halaxe bete ahal izan baitugu hutsik egin gabe aurten Segurtasun Sailak ezarritako ordutegia”. Horrez gain, “eskerrik asko, nola ez, aurten ere edo aurten lehen aldiz animoak ematera eta txalo egitera kalera atera diren guztiei: denon artean egun ahaztezin eta hunkigarria egin dugu”, gaineratu dute. “Harro” agertu dira buruzagiak halaber “urtetik urtera Alarde Publikoa hazi eta sendotu egiten delako” bere ezaugarriei eutsiz: “errespetua, aniztasuna eta alaitasuna”. Era berean, Gipuzkoako Foru Aldundiari, Emakunderi eta Aratekoari erakutsitako sostengua eskertu nahi izan dute Alarde Parekidetik “haiexek ahalbidetzen baitute beren sostenguarekin emakumeek festan parte hartzeko duten eskubidea gauzatzea”. Horiek horrela, “gero eta argiago agertzen zaigu desberdin pentsatzen duten pertsonen arteko errespetua eta ezagutza nagusitzen ari dela gure hirian”. Hala eta guztiz ere, Jose Antonio Santano alkatearen jarrera kritikatu du batzordeak: “Erakunde publikoetako ordezkarien betebehar etiko eta politikoa gizonek eta emakumeek berdintasun osoz parte hartzen ahal duten alardea babestea eta laguntzea” izan beharko lukeelako.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

"Poz-pozik" dago Alarde Parekidearen Batzordea

Gipuzkoa

Donostiako Karmengo jaietan jasandako «jazarpen poliziala» salatu dute dozenaka herritarrek

Jon Sarasua euskaltzain oso izateko hautagai izendatu dute

Donostiako Piratek bertan behera utzi dituzte abuztuaren 14ko kontzertuak

Memoria historikoari begiratzeko bi proposamen bateragarri egin dituzte Carla Filipek eta Taxio Ardanazek

Uholdeak gertatu aurretik abisu emateko sistema bat sortu dute Pasai Donibanen

Hernani eta Irun lotzen dituen Renfeko tren zerbitzua etengo dute uztailaren 25etik irailaren 6ra

Bergarako eta Zarauzko autoen ikuskapen zentroetan greba mugagabeari eutsiko diote

Beasaingo Urkiola jatetxeak irabazi du Jakitea elkartearen Juan Manuel Garmendia gastronomia saria

Torreko Hodia ikusgai jarriko dute Ekainberrin, duela 12.000 urte grabatutako pieza bat

Deeptek-Gipuzkoa fundazioak programa bat abiarazi du enpresa zientifikoei laguntzeko

Ertzaintzak Donostiako Karmengo jaietan «herritarren aurka erabilitako indarkeria» salatu du EH Bilduk

Donostiako Karmengo jaietan jasandako «jazarpen poliziala» salatu du besta batzordeak