Gazte Egunak berotuko ditu madalenetako motorrak
Uztailaren 19an egingo dute Gazte Eguna. Egun osoko egitaraua prestatu dute antolatzaileek: sormen tailerra, ekitaldia, bazkaria, bakarrizketak eta kontzertuak egingo dituzte. Gainera, txozenen irekiera ere egingo dute
Ekaineko azken larunbatetik uztaileko hirugarrenera. Aldaketa hori egin dute aurten Oreretako Gazte Eguneko antolatzaileek, madalenetako jai giroa luzatuz. Txozna gunean izango dira eguneko ekitaldi guztiak. Horrela, goizean goiz —10:00etan—, sormen tailerra egingo dute bertan. 13:00ak arte izango da, orduan ekitaldia egingo baitute. Ondoren, bazkariaren txanda izango da, eta bakarrizketek girotuko dute kafe garaia.
Arratsalde parterako, txoznen irekiera egingo dute, eta gauean, berriz, musikaren txanda izango da. 22:00etan Lagrimas de Sangre, En Tol Sarmiento eta Ezinean taldeek joko dute.
Bazkariko txartelak
Kateak apurtu, gazteok elkartu lelopean egingo da Gazte Eguna, eta bertako bazkarira joateko txartelak eros daitezke jada. Arkaitza eta Sindikato tabernan eskura daitezke, hamabi euroren truke.
