Mendebaldeko Saharako umeei ongietorria eman diete

admin

Bidasoa

2014/07/04

Harrera ekitaldia egin diete Saharako umeei

Oporrak Bakean programaren barruan Saharatik etorritako 11 umeei harrera egin diete gaur eguerdian udaletxean egindako ekitaladian. Alderdi politiko ezberdinetako hautetsiak, umeak eta harrera gurasoak elkartu dira ongietorrian. Ekaina bukaeran iritsi ziren umeak Irunera, Tadamum elkarteak eta udaleko Gizarte Ongizate, Hezkuntza eta Gazteria sailek egindako elkarlanari esker. Udaletik azaldu dutenez, beste ume bat gehiago iritsi da Irunera, baina harrera gurasoak faltan, egoitza batean dago hezitzaile eta beste gaztetxoekin batera. Programaren 14. ekitaldia da aurtengoa eta kontent agertu dira bertan parte hartzen ari diren alde ezberdinak. Umeek adierazitakoaren arabera, bidaia “ona” egin zuten Euskal Herriraino eta gustura daude harrera gurasoekin, baina euren familiak faltan botatzen dituztela esan dute. Hala eta guztiz ere, uda azkar pasatzen dela eta segituan ikusiko dituztela berriz ere gaineratu dute. Txingudi Sahararekin Tadamum Elkarteko Miren Olaskoaga kide eta harrera amak hitza hartu nahi izan du harrera ekitaldian. Pozik agertu da Oporrak Bakean programaren ekitaldi berri honekin baina Saharako umeekin “ez ahazteko” eskaria luzatu die hautetsiei. Hala, hark hartutako umearen kasua azaldu du Olaskoagak: “11 urte dauzka eta 25kg-ko pisua du, Euskadin 6 urteko haurrek izaten dute pisu hori” salatu du. Smararekin senidetza 2003. urtean Irungo Udala Mendebaldeko Saharan kokatutako Smara hiriarekin senidetu zen, eta urtero, lankidetzarako hitzarmen bat sinatzen dute geroztik. Horren arabera, umeen bisa, hegaldiak eta aseguruak ordaintzen ditu Irungo Tokiko Gobernuak. Hitzarmen horren barruan era berean, Minen Biktimentzako Sostengu Gunearekin elkarlanean ari da udala.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Mendebaldeko Saharako umeei ongietorria eman diete

Gipuzkoa

Donostiako Karmengo jaietan jasandako «jazarpen poliziala» salatu dute dozenaka herritarrek

Jon Sarasua euskaltzain oso izateko hautagai izendatu dute

Donostiako Piratek bertan behera utzi dituzte abuztuaren 14ko kontzertuak

Memoria historikoari begiratzeko bi proposamen bateragarri egin dituzte Carla Filipek eta Taxio Ardanazek

Uholdeak gertatu aurretik abisu emateko sistema bat sortu dute Pasai Donibanen

Hernani eta Irun lotzen dituen Renfeko tren zerbitzua etengo dute uztailaren 25etik irailaren 6ra

Bergarako eta Zarauzko autoen ikuskapen zentroetan greba mugagabeari eutsiko diote

Beasaingo Urkiola jatetxeak irabazi du Jakitea elkartearen Juan Manuel Garmendia gastronomia saria

Torreko Hodia ikusgai jarriko dute Ekainberrin, duela 12.000 urte grabatutako pieza bat

Deeptek-Gipuzkoa fundazioak programa bat abiarazi du enpresa zientifikoei laguntzeko

Ertzaintzak Donostiako Karmengo jaietan «herritarren aurka erabilitako indarkeria» salatu du EH Bilduk

Donostiako Karmengo jaietan jasandako «jazarpen poliziala» salatu du besta batzordeak