Maritxu Sorgina hegan heldu zen atzo arratsaldean Gaztañora eta berarekin batera iritsi zen jaia. Puski eta Txurruski pailazoen emanaldiarekin gustura izan ziren haurrak eta hura amaituta jaurti zuten txupina. Patata tortila lehiaketak hartu zuen ondoren lekukoa eta Iratxo Iturritik asetu arte edan zuten sagardoa Gaztañora bildutako hamarnaka eta hamarnaka lagunek. Gauean eta goizaldera arte, berriz, rock kontzertuak izan dira nagusi.
Parrandaren arrastoak garbituta, Gaztañoko III. Krosak hasiko du gaur eguna. Sei kilometro eta erdiko proba da Arramendiko kaskoraino igo beharko dute parte hartzaileek. Haurrek ere izango dute korrika aritzeko aukera, beraientzako II. Haur krosa egingo baitute. Biak amaituta berriz, sari banaketa izango da.
Arratsaldean, 17:00etan hasita haurrentzako jolasak izango dira. jaietako antolatzaileek arropa aproposa eramateko aholkatu diete zikintzeko prest dadudenei. 21:00 herri afariaren txanda iritsiko da. Gaztetxean kontzertuen txandahasiko da 23:00etan eta Gaztañoko plazan berriz Rockalean taldeak emanaldia egingo du.
Aitzol Gogorza euskal presoa, herrira
Jaietan ez dute ahaztu bertako auzokidea den Aitzol Gogorza euskal presoa. Pasa den asteazkenean aurkeztu zuten haren aldeko herri iniziatiba eta Gaztañoko jaietan ere aldarria presente izan dute, eta kamiseta ugaritan irakur ziteeken herri iniziatibaren leloa den
Denborak ez du etenik. Aitzol Etxera . Maritxu sorginak berak Aitzol Herrira dion kartela eta euskal preso eta iheslarien aldeko ikurra ditu soinean.
Basauriko espetxean dago preso Gogorza eta gaixotasun larri eta sendaezinak dituzten hamabi euskal presoetako bat da. Nahasmen obsesibo konpultsiboa du Gaztañoko presoak eta azken hilabeteetan sarri ospitalera eraman behar izan dute krisiak direla eta.
Gaztañoko jaietako, gaurko, biharko eta hilaren 23ko egitaraua:
Ekainak 14, larunbata
- 10:30ean: Gaztañoko III. Herri Krosa. Jarraian, II. Haurren Krosa. Sari banaketaren ondoren, aizkolari proba: Joxean Loiarte, Mikel Juanikorena, Bittor Elizagoien eta Lorentzo Goñi.
- 16:00etan: Mus txapelketa, Bukagaitz elkartean.
- 17:00etan: Haur jolasak.
- 21:00etan: Herri afaria, Gaztañoko plazan. Ondoren, Drac de Sarria.
- 23:00etan: Kontzertua Gaztetxean, Bad Sound System eta Glaukoma.
- 23:30ean: Rockalean taldea, plazan. Ondoren, DJ Bull. Goizaldean Sorginen Edabe Magikoa banatuko dute.
Ekainak 15, igandea
- 12:00etan: Toka eta bote txapelketa.
- 14:00etan: “Gazte izandakorientzako” bazkaria.
- 17:00etan: Apar festa.
- 18:30ean: Mundutik Gaztañora, Gaztañotik Mundura.
Ekainak 23, asteartea
- 18:00etan: Haurrentzako herri kirolak. Arratsaldean zehar, mokaduak eta sagardoa egongo da txoznan.
- Iluntzean, sua piztea eta jaien bukaera.
Maritxu Sorgina hegan heldu zen atzo arratsaldean Gaztañora eta berarekin batera iritsi zen jaia. Puski eta Txurruski pailazoen emanaldiarekin gustura izan ziren haurrak eta hura amaituta jaurti zuten txupina. Patata tortila lehiaketak hartu zuen ondoren lekukoa eta Iratxo Iturritik asetu arte edan zuten sagardoa Gaztañora bildutako hamarnaka eta hamarnaka lagunek. Gauean eta goizaldera arte, berriz, rock kontzertuak izan dira nagusi.
Parrandaren arrastoak garbituta, Gaztañoko III. Krosak hasiko du gaur eguna. Sei kilometro eta erdiko proba da Arramendiko kaskoraino igo beharko dute parte hartzaileek. Haurrek ere izango dute korrika aritzeko aukera, beraientzako II. Haur krosa egingo baitute. Biak amaituta berriz, sari banaketa izango da.
Arratsaldean, 17:00etan hasita haurrentzako jolasak izango dira. jaietako antolatzaileek arropa aproposa eramateko aholkatu diete zikintzeko prest dadudenei. 21:00 herri afariaren txanda iritsiko da. Gaztetxean kontzertuen txandahasiko da 23:00etan eta Gaztañoko plazan berriz Rockalean taldeak emanaldia egingo du.
Aitzol Gogorza euskal presoa, herrira
Jaietan ez dute ahaztu bertako auzokidea den Aitzol Gogorza euskal presoa. Pasa den asteazkenean aurkeztu zuten haren aldeko herri iniziatiba eta Gaztañoko jaietan ere aldarria presente izan dute, eta kamiseta ugaritan irakur ziteeken herri iniziatibaren leloa den Denborak ez du etenik. Aitzol Etxera . Maritxu sorginak berak Aitzol Herrira dion kartela eta euskal preso eta iheslarien aldeko ikurra ditu soinean.
Basauriko espetxean dago preso Gogorza eta gaixotasun larri eta sendaezinak dituzten hamabi euskal presoetako bat da. Nahasmen obsesibo konpultsiboa du Gaztañoko presoak eta azken hilabeteetan sarri ospitalera eraman behar izan dute krisiak direla eta.
Gaztañoko jaietako, gaurko, biharko eta hilaren 23ko egitaraua:
Ekainak 14, larunbata
