Juneren Hegoak elkartearen alde, egun osoko jaia antolatu dute biharko
Juneren Hegoak elkartearen alde egun osoko jaia egingo dute bihar Erreteria-Oreretan. Elkartasunaren motorra izena jarri diote jaialdiari eta egun osoan zehar Errenteriako kale nagusietan ibilgailuen erakusketa izango da. Quadak, autoak, motoak… denetarikoak ikusteko aukera izango da, Biteri, Morrongilleta, Xenpelar eta Maria De lezo kaleetan. Txikienentzako tailerrak eta jokoak ere ez dira faltako egun osoan zehar.
Motorraren mundua herritarrei hurbildu nahi diete Juneren Hegoak elkartearen alde lan egin da antolatzaileek: “Bildutako diru guztia Juneren Hegoak elkartearentzat izango da”. Horretarako askotariko egitaraua antolatu dute eta bertan besteak beste, magoak, pailazoak, disko festa, txokolate jatea, haurrentzako gastronomia tailerra, eta Juneri omenaldia izango dira egunean zehar.
Hainbat lagun ezagunen babesa dute antolataileek, Reala, la oreja de Van Gogh musika taldea, Alex Ubago abeslaria, Karlos Argiñano sukaldaria, Los Del Gas eta Gorka Aginagalde besteak beste.
Egitaraua:
- 11:00: Eureka Dance Group taldearen emanaldia
- 12:00: Shazadi dantza taldeak Sabel Dantza egingo du
- 12:30: Holly Dance-ren emanaldia
- 14:00: Irene Ipuin Kontalariaren “Munduko ipuinak Irenekin”
- 15:00: Pelax-en Rock Folk kontzertua
- 15:30: Quadetan ibilaldia
- 16:00: Inabis taldearen rock abestien bertsioak egingo ditu
- 17:00: Txokolate jatea
- 18:00: Juneri omenaldia. Los 40 Donostiako Olga Grande estaariak aurkeztuta.
- 18:30: Oparien zozketa.
- 19:00:Rockalean taldearen kalejira
- 20:15: Zozongo perkutsio taldearen emanaldia
- 20:45: Bussy Deejaik amaituko du ekitaldia.
- Egun osoan zehar, ibilgailuen erakusketa, jokuak tailerrak eta ekintzak txikientzat; kamiseten salmenta postua; Txosna solidarioa.
