2014ko San Pedro eta San Martzial jaien egitaraua aurkeztu dute

admin

Bidasoa

2014/06/06

Belen Sierra egitarauaren aurkezpenean

Irungo Udaleko Belen Sierra Kultur zinegotziak 2014. urteko San Martzial eta San Pedro jaien egitaraua aurkeztu du gaur goizean. Denen gozamenerako ekitaldiak antolatu ditu udal gobernuak ekainaren 23tik uztailaren 1era bitartean; 80 denera. Baina aurreko egunak kontuan hartuta, ehun jarduera baino gehiago izango direla nabarmendu du. Irungo auzoetan zehar egingo dituzten umeei zuzendutako jarduerak azpimarratu ditu kultur zinegotziak. Jaiak auzoetara hedatzeko xedearekin Behobian, Anakan, Landetxa-Katean, San Migelen, Larreaundin eta Palmera-Monteron egingo dituzte jarduera horiek. Horrez gain, magia ikuskizunak, pailazoak… izango dira Santiagoko Euskal Jai pilotalekuan, eta arte eszenikoekin lotutako emanaldiak San Juan plazan. Bestalde, Urdanibia plaza inguruko ostalariekin hartutako konpromisoa medio, zenbait jarduera ere garatuko dira bertan; hala nola, batukada, mariatxiak, perkusio emanaldiak, ipuin kontalariak…. Guzti horiek hala ere, ezingo dira plazan egin eta beraz, inguru horretan sakabanatuko dituztela jakitera eman du zinegotziak. Horiek horrela, ekainaren 23an 21:30ean, 2014ko jaien irekiera ofiziala burutuko du Diego San Jose irundarrak. Pregoia irakurriko du gidoilariak udaletxeko balkoitik eta horrekin batera, San Pedro eta San Martzial jaiei hasiera emango die. Bukatzeko, Ficoban izango diren kontzertuetara joateko debaldeko autobusak izango direla gogorarazi du Sierrak. Fermin Calbeton kalean kokatutako geltokitik aterako dira autobusak, 15 minutuko maiztasunarekin. Egitarau osoa ezagutu nahi duten lagunek Irungo Udalaren webgunera jo dezakete.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

2014ko San Pedro eta San Martzial jaien egitaraua aurkeztu dute

Gipuzkoa

Pasaiako eta Lezoko alkateek «erantzunak eta neurriak» eskatu dituzte portuko sutearen harira

Gizon bat atxilotu dute Irunen, prostituzio etxe batean emakume bati sexu erasoa egitea egotzita

KASek salatu du Donostiako Udaltzaingoa «jazartzen» eta «zigorra ezartzen» ari zaiela ogitartekoak banatzen dituzten herritarrei

Hondarribiko alarde baztertzailearen aldekoek utzi egin dute konponbiderako elkarrizketa prozesua

GHKk espediente bat irekiko du Zubietako erraustegiko sutearen nondik norakoak argitzeko

Donostiako Harrera Sareak salatu du lau kide identifikatu dituztela etxegabeei janaria emateagatik