Gaur, osteguna, da azken eguna bihar eta etzi Zuloaga Etxean egingo den bizikletentzako mekanika tailerrean izena emateko. Izena eman nahi duenak posta elektronikoz egin behar du.
Gaur, osteguna, da azken eguna bihar eta etzi egingo den bizikletentzako mekanika tailerrean izena emateko. Ikastaroa, astelehenetik udala eta hainbat eragile ospatzen ari diren Aste Berdearen barruan kokatzen da eta 14 urtetik gorako gazte eta helduentzat zuzenduta dago. Izena eman nahi duenak
posta elektronikoz egin behar du.
Zuloaga Etxean emango dute ikastaroa, ostiralean (17:30etik 20:00etara) eta larunbatean (10:30etik 13:00etara). Parte hartzaileek bere bizikleta eramatea komeni da, ematen dituzten azalpenak modu praktiko batean barneratzeko aukera izango baitute horrela. Gainera, hori da ikastaroaren helburua, norberak bere bizikleta konpontzen ikastea, edozein arazo dela eta tailerrera eraman behar ez izateko.
Aste Berdearen helburua, gizartea natur ingurunearen babesaren eta garapen iraunkorraren inguruan sentsibilizatzea da, eta ardatza Ingurumenaren Nazioarteko Eguna da, ekainaren 5ean.