Eskualdean 500.000 euro non inbertitu erabakitzeko batzarra egingo dute asteartean
Gipuzkoako Foru Aldundia aurrekontu parte hartzaileak definitzen ari da, eta horren harira, bilera deitu du Errenteria-Oreretan datorren astearterako (hilak 10). Eskualdean milioi erdi non inbertitu erabakiko dute Merkatuzarrera 18:30ean hurbiltzen direnek. Oarsoaldeko lau udalerrietako bizilagunen 370 proposamen jaso dituzte, eta horien artean garrantzitsuenak zein diren lehenetsiko dituzte. Errenteriarrak, lezoarrak, oiartzuarrak eta pasaitarrak gonbidatu dituzte.
