Aste hau berdea da Hondarribian
Aste Berdea egiten ari dira Hondarribian, udalak eta hainbat eragilek bat egin dutelako hilaren 5ean ospatuko den Ingurumenaren Nazioarteko Egunarekin. Askotariko ekitaldiak antolatuko dituzte, denak Ingurumenarekiko errespetuan oinarrituta. “Aste Berdearen helburua, gizartea natur ingurunearen babesean eta garapen iraunkorrean sentsibilizatzea da”, adierazi du udalak.
Aste Berdea Hondarribian
Hilaren 2tik 8ra- Mugikortasun iraunkorrari buruzko lehiaketa, Tokiko Agenda 21 udal webgunean. Erantzun zuzenen artean, bizikleta tolesgarri bat zozketatuko da.
- Azterkosta Erakusketa, Zuloaga Etxean. Astelehenetik ostiralera, 10:00etatik 13:00etara eta 16:00etatik 20:00etara. Larunbatean, 10:00etatik 13:00etara.
- Eskolak Udala Foroa, Eskolako Agenda 21 programaren barruan, 10:30ean, udaletxeko areto nagusian.
- Bizikleta mekanikari buruzko ikastaroa, Zuloaga Etxean, 14 urtetik gorakoentzat. Ostiralean, 17:30tatik 20:00tara eta larunbatean 10:30etik 13:00etara. Izena emateko Udaleko Ingurumena arlora idatzi behar da.
- Bizikleta martxa, Hondarribiko herrian zehar, 11:30ean San Pedro kaletik abiatuta. Iraupena ordu bete ingurukoa izango da.
