Biteri kaleko lanen harira, udalak bere aparkamendu politika zein den "argi" utzi duela esan du Maite Peña EAJko bozeramaileak. Hala, Biteri kalean kenduko dituzten aparkamendu plazen alternatiba garajeak "alokatzea" dela esan du.

EAJko zinegotziak
Biteri kaleko lanen harira, udalak bere aparkamendu politika zein den “argi” utzi duela esan du Maite Peña EAJko bozeramaileak. Hala, Biteri kalean kenduko dituzten aparkamendu plazen alternatiba garajeak “alokatzea” dela esan du.
Peñak gaineratu du Biteri kalean bizi direnek gertuen dituzten aparkaleku sozialak Santa Klara kalean daudenak direla. “Bilduren proposamena ez da ez soziala, ezta irtenbidea herritar askorentzat”.
Horrez gain, beste udal taldeekin ez dela adostasunetara iritsi berretsi du, eta gaia ere ez dela bozkatu batzordeetan. Hori horrela bada, “aktak erakusteko” eskatu dio. Horrez gain, herritarrek egindako kexak ez dituela aintzakotzat hartu gaineratu du, eta horretarako, sare sozialak ikusi besterik ez dagoela jakinarazi du EAJko zinegotziak.
Azkenik, Biteri kaleko bidegorria egiteko 243.000 euro gastatzea justifikatzen duen ikerketarik ez dutela egin gaineratu du.
Horrenbestez, gaiarekin bukatu nahi dutela esan du, baina udalaren kudeaketa “oso txarra” izan dela berretsi du.