Musikara hurbiltzeko jarduera berezia prest du Ibargainek
Ibargaingo kideek herritarrak musikara hurbiltzeko, haur nahiz heldu, kanpaina berria abian jarri dute. Hiru musika saioz hiru euroren truke jasotzeko aukera izango dute baiezkoa esaten diotenek Oiartzungo musika eskolaren proposamenari. Lau aukera ezberdin jarri dituzte eskura, gainera, eta horrez gain, izena ematen dutenentzat beste saio bat doan emango dute. Horietan izena emateko egunak ere ezarrita daude, honakoak:
- Ekainaren 2an, 15:30etik 20:30era, eta ekainaren 3an, 10:30etik 14:30era eta 15:30etik 20:30era. Ibargainen bertan eman behar da izena (Aialde 8, behea. Telefono zenbakia: 943 49 38 85.
- Musika tailerra, taldeka, 4-5 urtekoentzat: ekainaren 17, 18 eta 19an, 15:00etatik 15:45era Ibargainen. Taldea osatzeko gutxienez 4 ikasle behar dira, gehienez 16.
- Musika tailera, taldeka, 6-7 urtekoentzat: ekainaren 17, 18 eta 19an, 16:00etatik 16:45era Ibargainen. Taldea osatzeko gutxienez 4 ikasle behar dira, gehienez 16.
- Musika lengoaia, taldeka, 8-9 urtekoentzat: ekainaren 3, 10 eta 17an, 18:45etik 19:30era, Ibargainen. Taldea osatzeko gutxienez 4 ikasle behar dira, gehienez 16.
- Musika lengoaia taldea, helduentzat: ekainaren 3, 10 eta 17an, 19:00etatik 19:45era, Ibargainen. Taldea osatzeko gutxienez 4 ikasle behar dira, gehienez 16.
- Doako saioa: edozein adinekoentzat izango da 30 saioa, musika instrumentuekin: akordeoia, bateria, biolina, biolontxeloa, flauta, gitarra, harpa, klarinetea, pianoa edo tronpeta. Ordutegia ikasle bakoitzarekin adostu behar da.
