Amute eta Plaiaundi arteko bidegorria lehenesten du EAJk

admin

Bidasoa

2014/05/30

Silanas eta Iridoy prentsaurrekoan

Bidasoaldeko hiru udalerriak bidegorriarekin lotzeko proiektuaren barruan, Plaiaundi eta Amute arteko tartea lehenetsiko dutela jakitera eman dute gaur goizean Xabier Iridoy Irungo EAJren bozeramaileak eta Hondarribiko Juan Luis Silanes Ingurumen zinegotziak. Era berean, Plaiaundiko kirol azpiegiturak lekualdatzeko eskatu dute jeltzaleek. Hala, Plaiaundi institutuko atzealdetik igaroko litzateke bidegorria; paduren ertzetik. Mendeluraino iritsi eta bertako industriagunearen atzealdetik segituko luke, eta Zubimuxutik datorren ubidea nola zeharkatu aztertzeke dagoela oraindik onartu dute. Era honetan, “bizikletentzat suposatzen duen arriskua bertan behera geldituko litzateke”, adierazi du Iridoyk. Izan ere, Irunetik Hondarribira eta alderantzizko bidea egiten duten lagunek, bazterrik gabeko errepidetik egin behar dute gaur egun. Egoera hori udan are arriskutsuagoa bihurtzen dela iritzi diote bi jeltzaleek. Hala, denborarekin bidegorria Hendaia aldera luzatzeaz gain, Jaizubiako padurak eta Txingudikoak elkartuko lituzke bide berriak etorkizunean. Izan ere, Jaizubiako paduretan zirkuitua txukundu eta bukatu nahi dutela adierazi du Silanasek, baita Beko Errotatik Amuterainoko bidea ere. Eusko Jaurlaritza, Gipuzkoako Foru Aldundia, eta Irungo zein Hondarribiko udalak elkarlanerako batzordea eratu dute. Jaurlaritzak proiektuaren inguruko azterketa eta diagnosia egin duela baieztatu dute jeltzaleek eta orain, alkate bakoitzak gainontzeko udal taldeen aurrean aurkeztu behar duela jakinarazi dute. Diagnosia datorren astean publiko egingo dutela baieztatu dute. Ekainaren 3. astean elkartuko da berriz ere batzordea ekarpenak egiteko, Txingudiko Ekoetxean.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Amute eta Plaiaundi arteko bidegorria lehenesten du EAJk

Gipuzkoa

‘Noraeza eta bidea’ izeneko erakusketa eta bi artista liburu aurkeztu dituzte Oiartzunen

Patxi Goenaga hizkuntzalaria hil da

Salatu dute Azorak Donostian hutsik dituen etxeetako batzuk legez kanpoko pisu turistikoak direla

Gaur hasiko da Booktegi jaialdia, «literatura zentzu zabalean ospatzeko»

Gipuzkoako Foru Aldundiak %10 handituko du aurrekontua, 1.433 milioi euroraino

‘Desobedienteak 18/98’ antzezlanarekin hasiko dira Azpeitiko antzerki topaketak, bihar

Salatu dute azaroaren 11n bi adingabe dituen familia bat etxegabetu nahi dutela Donostian

Larunbatetik aurrera, Renferen erabiltzaileek Hernani eta Irun arteko ibilbidea trenez egin ahal izango dute beti

Errenteriako Udalak lursail bat laga dio Jaurlaritzari, alokairurako 45 etxebizitza babestu eraikitzeko

Gipuzkoako autoeskolak kexu dira 6.000 pertsona baino gehiago daudela azterketa praktikoa egiteko zain

Donostiako Herrera auzoko bizilagunek salatu dute «bazterturik» daudela, eta elkarretaratze bat antolatu dute etzirako

Txomin Letamendiren sendiak justiziaren aitortza nahi du zikloa ixteko

Gipuzkoako Moeve gasolindegietako langileek bertan behera utzi dute greba