Iker Abanzabalegi: Hauteskundeak Hondarribian
Hauteskundeen bueltan, hauen inguruan eta emaitzen inguruan hausnarketan jardutea izan beharko litzateke egokiena, eta ez kazetari bati buruz eta kazeta baten inguruan espero edo nahiko genukeen iritzia plazaratzeko moduaren inguruan idazten ibiltzea, denon iritzi eta hausnarketak kontutan hartzeko bezalakoak baitira, norbait seinalatzea ez baita inoren gustuko, eta gainera bildu edo batu baino, horrelako jarrerek banatzen baikaituzte, aurretik ikusia dugu hori.
Emaitzak ikusita eta inor engainatu nahi gabe, EAJk Hondarribian 1.906 bozka lortu ditu, 150 boto irabaziz, bozka kopuru nabarmen baten aldearekin EH Bildu 1.186 bozekin bigarren indarra izan da. Hirugarren indar bezala PSOE dugu, 432 bozka galduz eta Podemos 405 bozekin indartsu sartu da Hondarribian, beraz ezker ikuspegitik berri ona dugu, badago PSOEri botoak urratzerik ezkerreko ikuspegi batetik, modu desberdin batean noski, Podemosek lortu du.
EA eta Aralar orain EH Bildun daude, eta 2009an 428 bozka lortu zituzten, nora joan ote dira? EH Bilduk ez ditu bere osotasunean bereganatu, eta horrek zer pentsa eman beharko lioke, botoak lortu nahi baditu noski.
Nahiz eta PPk hauteskundeak galdu, UPDk botoak irabazi ditu eta Vox alderdiak ere bozka batzuk lortu ditu, beraz, gauza onik ez Hondarribiarentzat, ezkerreko eta abertzale ikuspegi batetik.
Ezker Anitza eta Ezker batua batuz gero 250 bozetik gora lortu dituzte, aurrekoetan EBk 57 boza lortu zituen, ezker ikuspegitik begiratuta poztekoa da, baina aztertu beharrekoa da EH Bildurentzat agian boto aldatu edo boto berri kopuru garrantzitsua baitago; gainera Alternatiba ere EH Bildu barruan egonik are kezkagarriagoa.
Abstentzioa pixka bat txikiagoa izan da, eta beste alderdiek jaso dituzten bozak aurrekoekin konparatuta ere gehiago izan dira, kanpaina eskasaren ondorio izan daiteke, EH Bilduren presentzia eskasa izan da Hondarribian hauteskundeetan zehar.
Azken azterketa bezala, iruditzen zait EH Bildu barruan egonda EA, Aralar eta Alternatiba, EH Bilduk ez duela asmatu ezkerreko eta abertzalea den boz asko bereganatzen, zergatik? EA, Ezker Anitza, EB, Podemos? Aralar eta bozkatzera joan dela jendea argi dago abstentzioa jaitsi baita, eta botoak? Botoen tendentzia ez da ohikoa, jendea konbentzitu eta bereganatu beharra dago, beraz gehitzea nahi izanez gero hobe inor ez seinalatzea eta seinalatzekotan aurkaria seinalatu.
Nire babesik beroena kazetariari eta baita Berria eta Hitzari.