Espainiako banderaren kontra eta ikurrinaren alde, Pasaian
"Inposaketa" , "gurea da ikurrina" eta "Carlos Urquijo" hitzak eta esaldiak izan dituzte gaur Antxon egin den ekitaldian ahotan parte hartzaileek. Horiek izan dira Pasaiako alkateak, Bai Euskal Herriari eragileko kideek zein bertsolariek maizen erabili dituzten esaldiak. Izan ere, EAEn Espainiako Gobernuko ordezkari Carlos Urquijok abiatutako prozeduraren ondorioz, Espainiako bandera jarri beharko dute astelehenean Donibaneko udaletxean. Horren kontrako, eta ikurrinaren aldeko ekitaldia izan da gaur eguerdian Antxon egin dutena, Pasaia mailakoa. Herriko hainbat balkoitan Euskal Herriko ikurrak jarrita daude. http://youtu.be/gNfiEv0pSHU
“Inposaketa” , “gurea da ikurrina” eta “Carlos Urquijo” hitzak eta esaldiak izan dituzte gaur Antxon egin den ekitaldian ahotan parte hartzaileek. Horiek izan dira Pasaiako alkateak, Bai Euskal Herriari eragileko kideek zein bertsolariek maizen erabili dituzten esaldiak. Izan ere, EAEn Espainiako Gobernuko ordezkari Carlos Urquijok abiatutako prozeduraren ondorioz, Espainiako bandera jarri beharko dute astelehenean Donibaneko udaletxean. Horren kontrako, eta ikurrinaren aldeko ekitaldia izan da gaur eguerdian Antxon egin dutena, Pasaia mailakoa. Herriko hainbat balkoitan Euskal Herriko ikurrak jarrita daude.
Bertan udalerriko lau barrutietako biztanleak izan dira. Amaia Agirregabiria alkateak, erakunde ikuspegitik, esan du Euskal Herria “Espainiatu” nahi dutela hango banderarekin, beste hainbat alorretan egin nahi duten bezala, erakundeetatik hasita, “Euskal Herria desagerrarazi eta horretarako euskal herritarrak desagerrarari nahi dituzte, haien ikurrak, gureak bailiran har ditzagun”. Ikurrina bertako bandera dela defendatu du, eta ikurretatik harago, eredu bat inposatu nahi dutela jakinarazi du, eta ikurrinak euskal gizartea batzen duela adierazi du, “Espainiako bandera da gatazka eta talka sortzaile den ikurra”.
Termino beretsuetan hitz egin du Bai Euskal Herriari taldeko kide batek, esanaz, Espainiako banderaren “inposaketa” ez dela kasualitatea, “herri bat mendean hartzeko nahiaren beste adierazle bat da”. Horren adibidetzat, besteak beste, jarri dituzte Espainiako Gobernuaren hezkuntza erreforma eta abortuaren legea, euskal selekzioen ukatzea, eta “lege arrotzen bidez inposaturiko ikurren ildoan ere sakontzen hasiak direla”. Pasaitarrak “eraso horren aurrean” batu direla esan du Bai Euskal Herriari-ko kideak, “indarrak jarriko ditugu Urquijorenak bezalako ziztadei aurre egiteko”.
