Nerea Seijok brontzea lortu du Espainiako ergometro txapelketan

admin

Bidasoa

2014/02/04

Seijo, betaurrekoekin, taldekideekin Sevillan

Santiagotarrak Arraun Elkartearekin lehiatzen den Nerea Seijo hondarribiarrak hirugarren postua lortu zuen asteburuan Sevillan (Andaluzia, Espainia) egin zen Espainiako Remoergometro Txapelketan, 23 urtez azpiko mailan. Arraun Federazioak antolatutako denboraldiko lehen proba izan zen eta, ergometrokoaz gain, skiffeko 6.000 metroko probak egin zituzten. Seijorekin batera Garazi Lasarte, Beñat Rekarte, Ander Legazkue eta Borja Portos taldekideak izan ziren Sevillan. Seijo eta Lasarte oreretarra —Oiartzunen bizi da baina jaiotzez Errenteriakoa da— proba berean lehiatu ziren eta bien artean egon zen brontzezko dominagatik borroka. Azken txanpan aurreratu zen hondarribiarra eta hirugarren postua bereganatu zuen, Lasarte bi segundora geratu zelarik. Esportiu Olimpic Barcelona taldeko Anna Boadak irabazi zuen proba (7:06); Labradores taldeko Macarena Llano andaluziarra bigarren geratu zen (7:13) eta haren atzetik bi gipuzkoarrak, Seijo (7:25) eta Lasarte (7:27). Bosgarren Clara Palacio sailkatu zen (7:32), Nautico Sevillako kidea. Oarso Bidasoko bi ordezkariek marka hobetu zuten, baina, Seijok gehiago egin zezakeela onartu dio HITZAri. “Hirugarren geratu arren, denbora hobeagoa egitea espero nuen. Entrenatua nago hobeto egiteko baina, kirola egiten urte asko daramadan arren, oraindik ez dut urduritasuna kontrolatzen, asko ikasi behar dut oraindik. Baina pozik nago eta poliki-poliki nire markak hobetzen ari naiz”. 23z azpiko mailan aritzen da Seijo, baina helburu bakarra egunero hobetzen joatea duela adierazi du: “Ez dut goi mailan ibiltzeko entrenatzen, eta oso urruti nago. Entrenatzen dut klubeko mailan aritzeko eta helburua nire markak hobetzen joatea eta, batez ere, gustura egotea da”. Horretarako, gustura egoteko, Santiagotarrakeko giroa nabarmendu du Seijok: “Entrenadore bikaina dugu eta oso lan ona egiten ari da gurekin. Gora goaz, giro ona daukagulako eta gogo handiak jartzen ditugulako”. Irungo klubeko bi neskek ergometroko proba prestatu zuten baina, han zirenez, skiffean aritzeko izena eman zuten. “Proba hori ez genuen ezer prestatu baina espero baino hobeto atera zitzaigun. Selekzioko jendearen aurka aritu ginen eta haien azpitik geratu ginen, baina gainontzekoei irabazi genien”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Nerea Seijok brontzea lortu du Espainiako ergometro txapelketan

Gipuzkoa

Jon Sarasua euskaltzain oso izateko hautagai izendatu dute

Donostiako Piratek bertan behera utzi dituzte abuztuaren 14ko kontzertuak

Memoria historikoari begiratzeko bi proposamen bateragarri egin dituzte Carla Filipek eta Taxio Ardanazek

Uholdeak gertatu aurretik abisu emateko sistema bat sortu dute Pasai Donibanen

Hernani eta Irun lotzen dituen Renfeko tren zerbitzua etengo dute uztailaren 25etik irailaren 6ra

Bergarako eta Zarauzko autoen ikuskapen zentroetan greba mugagabeari eutsiko diote

Beasaingo Urkiola jatetxeak irabazi du Jakitea elkartearen Juan Manuel Garmendia gastronomia saria

Torreko Hodia ikusgai jarriko dute Ekainberrin, duela 12.000 urte grabatutako pieza bat

Deeptek-Gipuzkoa fundazioak programa bat abiarazi du enpresa zientifikoei laguntzeko

Ertzaintzak Donostiako Karmengo jaietan «herritarren aurka erabilitako indarkeria» salatu du EH Bilduk

Donostiako Karmengo jaietan jasandako «jazarpen poliziala» salatu du besta batzordeak

Abuztuaren 11tik 14ra jokatuko dute Donostia Hiria torneoa