
2013rako aurrekontuak onartu zituen atzo Udalbatzak, Bilduren aldeko botoekin. EAJk kontra bozkatu zuen (Hamaikabat!eko zinegotzia ez zen egon udalbatzarrean). Hala ere, behin-behinekoak dira aurrekontu horiek, eta jendaurrean jarri dituzte. EAJren izenean Mikel Idiazabalek kritika egin zuen, “2012an inbertsioetako partida apenas” ukitu dela. Aiora Perez de San Roman alkateak erantzun zion: “Inbertsio batzuk atzeratu egin ditugu, zerbitzu hobea eskaini ahal izateko —esaterako, Manuel Lekuona bibliotekako sabaia ez dugu aurten konpondu iruditzen zaigulako irisgarritasuna hobetzeko lanekin batera egitea egokiagoa dela— eta beste inbertsio batzuk udalaz kanpoko faktoreengatik ezin izan dira gauzatu”. Hala ere, inbertsio horiek 2013an gauzatzea aurreikusten du udalak. Idiazabalek “gizarte-ongizate partida jaitsi egin dela krisi garaian” esan zuen. Alkateak hori ez dela egia esan zion: “Diru kopurua murriztua ikusten da, baina kontzeptuak begiratu behar dira. Oarsoaldea Garapen Agentziaren ekarpenean daude moldaketak, eta beraiek eskatutakoak dira. Oiartzuarrek gizarte-ongizatetik jasotzen dutena mantendu egin da, eta kontzeptu batzuk gehikuntzak dituzte”. Petra Lekuona Fundazioari “ekarpena murriztu diozue” esan zuen Idiazabalek. Gobernu Taldeak egoera zertan dagoen azaldu zuen: “Aste honetan bertan kontaktua izan dugu eta fundazioak ez zuela hitz egin nahi esan zigun. Hala ere, proposamen batekin etorri dira eta positibotzat jotzen dugu urrats hori eman izana. Udala hitz egitera eseriko da, helburua bien arteko [...]

Lurzoru industrialetako tasa igotzeko emendakina sartu du Bilduk, termikaren desegituratzearen harira Pasaiako Udalak datorren urteko ordenantza fiskalak zehaztu ditu. Herenegun onartu zituzten behin betiko, Trintxerpeko alkateordetzan egindako ezohiko udalbatzarrean. Hiru aldaketa zeuden aurreikusita. Alde batetik, urriko plenoan onartutako akats tekniko bat konpondu zuten, Bildu eta Ezker Anitzaren aldeko botoekin. Bestetik, udaltzainek egindako proposamen bat aztertu zuten, kaleetan jartzen diren eta txanponez funtzionatzen duten makinen gainekoa. Ordaindu beharrekoaren koefizientea unitatetik 0,5era jaitsiko litzateke. Askoz korapilatsuagoa izan zen PSE-EEk higiezinen gaineko zerga igotzeari jarritako emendakina aztertu zutenean. Herrian etxebizitza hutsak dituztenei zerga %150 igotzearen kontra proposamena egin zuten. Horrek Espainiako Konstituzioaren atal bat urratzen dutela uste dute sozialistek, «pertsonek duten bizitokia aukeratzeko eskubidea» urratzearena, hain zuzen ere (19. artikuluan). Ogasun zinegotzi Jose Luis Sanzek erantzun zien Pasaiatik kanpo bizi direnen interesak defendatzen zituztela, eta udalerrian norbaitek etxe hutsen bat balu, zerga igotzearen helburua berau alokairuan jartzea bultzatzea dela. Gainera, jasoko den dirua pasaitarrei bideratuko zaiela argitu zuen. Ezker Anitzako Xabier Pombok, berriz, sozialistei esan zien ezin dela «ezkerreko ikuspuntu batetik» higiezinak pilatzea defendatu. Urriko plenoan aurrera atera zen gehiengo osoz udal zergak igotzea, PPko eta PSEko zinegotziek udalbatzarra utzi zutelako. Bixen Itxaso sozialistak Pombori zein EAJko zinegotziei esan zien herenegun zutela aukera [...]

Herri bilguneak eta herriko kirolari talde batek antolatu dute, preso eta iheslarien egoera salatzeko Oraindik izena emateko aukera dago Herrira-k eta herriko kirolari talde batek hilaren 30erako antolatutako herri lasterketan. 170 pertsonek eman dute izena oraingoz, eta gutxienez 200 apuntatzea da helburua. Horregatik, herritarrei eta inguruko herrietako bizilagunei deia egin diete parte hartzeko. Zerrendak herriko tabernetan eta kiroldegian egongo dira igandera arte, eta edonork parte har dezake: haur, gazte edo heldu izan. Izan ere, «preso eta iheslarien egoera salatzea da asmoa, eta eurei elkartasuna adieraztea». Beraz, ez da korrikalaria izan beharrik parte hartzeko. Norberak bere erritmora sala dezake presoen egoera. Izena emateko interesa duten helduek 6 euro oraindu behar dituzte kamisetarekin korri egin nahi izanez gero. Bestela, bi euro. Igandea baino lehen izena ematen dutenek ziurtatuta izango dute kamiseta, baina ondoren apuntatzen direnei ez diete bermatzen izango dutenik. Egunean bertan ere izango da izena emateko aukera, lasterketa baino lehen plazara agertuta. 1.200 kilometrora Helduek egin beharreko ibilbidea 6,5 kilometrokoa da: 12:00etan plazatik atera, Fortalezara joan, Altzibar, Iturriotz eta Ugaldetxo pasatu, Tolaitara igo, Belutenera iritsi, eta plazara itzuli. Antolatzaileek jakinarazi dutenez, herriko presoak 1.200 kilometrora daude, eta 200 pertsonek 6,5 kilometro eginez gero, 1.200 kilometro pasatxo izango lirateke: «Presoengandik bereizten gaituzten [...]

Gazte mugimendu berri bat eratzen da ari da azken denboraldian Euskal Herrian, eta Irunen ere. Zukgua da mugimendu horren izena eta momentuz, hori eratzearen aldeko eztabaidak eta parte hartze prozesuak aurrera eramaten ari dira. Irunen, datorren astean berriz ere biltzekoak dira “hirugarren blokearen” gainean lan egiteko. Aurrerantzean ere, zenbait hitzordu finkatuko dituzte. Beñat Alzaga (Irun, 1987) gazteak mugimenduaren xehetasunak azaldu ditu. Zertan datza Zukgua prozesua? Zer egin duzue orain arte? Lehenik eta behin azaltzea prozesua nolabait hiru bloketan banatu genuela eta bloke bakoitzean gai ezberdinak jorratu ditugula. Orain arte lehenengo bi blokeak jorratu ditugu. Aurrenekoan mundu mailako egungo egoeraren azterketa orokorra egin genuen; nola ikusi eta zein irakurketa egiten genuen. Bigarrenean, gaur egun Euskal Herrian abiatu den ziklo politiko berriaren irakurketa egin genuen. Pixka bat ulertzeko, orain arte ziklo politiko bat bizi izan dugu eta orain, agertoki berri batean aurkitzen gara. Honen guztiaren baldintza positibo eta negatiboak, bertan nola ahal dugun eragin eta egoerak nola baldintzatzen gaituen daude gure jardunean. Zeintzuk izango dira hurrengo urratsak? Orain prozesu guztian emango diren eztabaida mamitsuenak datoz. Benetan definitu behar dugu orain antolakuntza nolakoa izan behar duen, helburu estrategikoak… Azken finean, gazte estrategia bat definitzea, horren izaera, antolakuntzaren izaera, funtzionamendua, funtzioak… zehaztu gabe daude. [...]

Urtea bukatu baino lehenago izango da aurtengo Neguko Kontzertua, Soinuenea Fundazioaren eskutik. Hilaren 29an izango da, 18:30ean, Ergoiengo Auzokalte elkartean. Bizkaiko Joka taldea eta Kantabriako Alba Gutierrez igoko dira oholtza gainera. Euskal he...

Bihar izango da, 19:30ean, Doneztebe parrokian; abesti ezagunak prestatu dituzte, denek abesteko Ibargain Musika Eskolak, Gabon abestien kontzertua antolatu du biharko. Hainbat taldek eskainiko dute euren saioa: biolin, biolontxelo eta gitarraz osaturi...

Astelehen eguerdira arte egongo da zabalik Ttur-ttur Euskaltzaleon Bilguneak udaletxean jarritako liburu eta disko azoka. Bihar eta igandean, hala ere, itxita egongo da. Azokarekin lotutako emanaldiak ere izango dira. Informazioa, hemen.

Kale ekintzako arduradunak, Ttak taldeak, haurrentzako ekimenak antolatu ditu Gabonetarako. Etzi hasi eta urtarrilaren 4era arte, zerekin gozatua izango dute 3 urtetik hasi eta 12 urtera arteko haurrek eta gaztetxoek. Egitaraua antolatzeko, Soinuenea Fundazioaren, Ugaldetxoko lokaletako kideen eta Oiartzungo Irrien Lagunen laguntza izan dute Ttak-eko kideek. Haurrei eta gurasoei, antolatutako ekimenetan parte hartzeko deia egin diete. Egitaraua Etzi, hilak 22. Olentzeroren Laguntzaileek ikatza aterako dute Arditurriko txondorretik. 16:00etan, kalejira, Herri Musikaren Txokotik Arditurrirantz. Eguraldi txarra eginez gero, 16:30ean, Arditurriko aparkalekuan. 17:00etan, ikatza aterako dute. Irrien Klubeko pertsonajeak izango dira bertan. Asteazkena, hilak 26. Olentzerok ekarritako opariekin jolasean, 17:00etan, plazan. Osteguna, hilak 27. Txalaparta tailerra, Soinuenearen eskutik. 17:00etan, Herri Musikaren Txokoan. Ostirala, hilak 28. Irrien Klubaren puzgarriak, 10:30etik 13:30era, Doneztebe plazan. 17:00etan, Mundutik plazara, plazatik mundura! ikuskizuna plazan, Oiartzungo Irrien Lagunen laguntzarekin. Larunbata, hilak 29. Kontzertu pedagogikoa, Soinueneak antolatuta eta Kantabriako musikarien eskutik. 11:30ean, Herri Musikaren Txokoan. Asteazkena, urtarrilak 2. Funky tailerra, Ugaldetxoko lokaletako kideen laguntzarekin. 17:00etan, Doneztebe plazan. Osteguna, urtarrilak 3. Gurpil zaharrekin jolasak, 17:00etan, Doneztebe plazan. Ostirala, urtarrilak 4. Zinema, Oiartzungo Irrien Lagunen laguntzarekin. HH eta LH 1, 2 eta 3ko ikasleentzat, 17:00etan, ikastolako jantokian: Surfaz txoratuta. LH 4, 5 eta 6koentzat, 17:00etan, udaletxeko areto nagusian: Izuaren gela (beldurrezko filma [...]

Pasaiako Udalak jakinarazi duenez, Gabonetako oporrak direla eta, etenaldia egongo da barrutietako alkateordeek egiten dituzten harreretan. Atzo hasi zen etenaldia (ezohiko udalbatzarra zegoelako), eta datorren astean zein hurrengoan (urtarrileko lehen...

Orereta Ikastolako LHko 3. eta 4. mailako haurrekin batera abestiak tartekatuko dituzte Udal Txistulari Bandak eta Orereta Ikastolako LHko 3. eta 4. mailetako ikasleek Gabonetako kontzertua emango dute etzi, igandean, 12:30ean, udaletxean. Txistulariek...

15.500.000 euro inguruko aurrekontua izango du udalak; auzolanak ere garrantzia «handia» izango du 2013rako aurrekontuak aurkeztu zituen atzo udal gobernu taldeak. 15.500.000 euro inguruko aurrekontua izango du udalak, eta «lehentasuna herritarren gizarte ongizateak» izango du. Auzolana ere garrantzitsua izango da. Gizarte ongizateari dagokion partida bere horretan mantendu dute, «garrantzia berezia duelako, ezinbestekoa baita aukera eta egoera txarrenean daudenak babesteko». Udalaren erronka nagusia egoera ekonomiko larria sufritzen ari diren familia oiartzuarrei babesa ematea izango da. Prebentzio talde berria ere martxan jarri du, eta parekidetasunaren gaiari «indar berezia» emango dio. Herriko eragileek jasotzen dituzten laguntzak «mantentzeko ahalegina» ere egin du udalak. Auzolana izango da «garrantzia handia» izango duen beste gaietako bat: «Egitasmo nagusienetarikoa izango da eta 100.000 euroko partida mantenduko da». Datorren urtean herriko beste auzo batzuetan gauzatuko dituzte auzolan saioak (aurten bidegorrian eta Ergoienenen egin dituzte). Horiek prestatzen ari dira udala eta Auzolan Brigada. Udalak bere buruari jarritako beste erronka zerbitzuak hobetzea izango da: «Atez ateko hondakin bilketari dagokionez, urrats berriak egin nahi ditugu zerbitzua hobetu eta baliabideak optimizatzeko; garraio publiko propio eta bideragarria sustatzen jarraituko dugu, eta Bibliotekako sabaia konpondu eta igogailua jarriko dugu». Krisia eta murrizketak Gainontzeko partida guztietako egokitzapenak murrizketak izan dira, udalak zehaztu duenez. Eta nabarmendu du, [...]

EAJren proposamena sorpresa ez dela izan esan dute Oarsoaldeko Eguzkik eta Errenteria Orereta Bizirik-ek Gipuzkoako Foru Aldundiaren aurrekontuen harira, hondakinen gaiarekin herritarren borondatearen aurka jo dela nabarmendu dute Oarsoaldeko Eguzki et...

Korri, Xalto eta Brinko pailazoek ‘Dantzan’ lan berria argitaratu dute. Diskoa osatzen duten hamar kanta dantzagarriak etxean aurkeztuko dituzte, Bekoerrotan, hilaren 28an egingo duten emanaldian. Korri, Xalto eta Brinkok bigarren diskoa argitaratu dute. Aurreko Kantari diskotik bederatzi urtera heldu da Dantzan lana, «elkarlanaren emaitza gisa», Mikel Susperregik azaldu duen moduan. Izan ere, Usurbilgo Ganbarakada taldearekin batera grabatu dute azken lana Lezoko hiru sudurgorriek: «Herriko musika eskolako irakasle Joxan Anduagak egin ditu musika moldaketak, eta berak jarri gintuen harremanetan Usurbilgo taldearekin, bertako musika eskolan ere klaseak ematen dituelako. Ganbarakoak bertatik pasatutako musikariak dira». Hamar kantu bildu dituzte, «belarritik erraz sartzen diren horietakoak», bazterrak dantzan jartzea helburu duen lanean, eta askotariko estiloak landu dituzte. Hiru txoro dantza ere txertatu dituztela nabarmendu du, oholtza gainean Xalto bihurtzen den Susperregik. Horien adibide gisa jarri du diskoko hirugarren abestia, Barizela. Diskoarekin, euskarazko produktu polita eta freskoa eskaini nahi izan dutela zehaztu du, bestalde, Susperregik: «Gure helburua ez da negozioa egitea, taldea bizirik dagoela erakustea baizik». Lan berria aurkezteko, berriz, Lezo eta Usurbil aukeratu dituzte. Pailazoen etxean estreinakoz egingo dute emanaldia, hilaren 28an, Bekoerrota kiroldegian, 18:00etan. Hurrengo egunean, berriz, Usurbilgo kiroldegian aurkeztuko dute. Ordubeteko saioan, disko berriko kantuak, eta hainbat esketxekin gozatzeko aukera izango dute kiroldegira [...]

Irun Hiria Musika Bandak, Erain Txiki ikastetxeko ikasleekin batera, 2012ko Gabonetako Jaialdia emango dute igandean, hilaren 23an, Amaia KZko auditorioan. Eguerdiko 12:30ean hasiko da emanaldia. Iñaki Gurrutxagak zuzendutako musika bandak eskainiko duen kanta sorta ondorengoa izango da: Bands around the world (Paul Yoder) Pique dame (Franz Von Suppe) A Christmas dance party nº1 (Michael Carros) Birjiña maite (Aita Madina) Haur eder baten bila (Iñaki Urkizu) White Christmas (Irving Berling) Navidad llego la paz (Ivan Calderon)

Pin Pan Pun Haur Parkea abiatzeko dena prest dago dagoeneko. Ficobako hiru pabilioi egokitu dituzte abenduaren 22tik urtarrilaren 4ra arte bertan egingo den txikientzako parkerako. Aurtengo ekitaldian gainera, teknologia berriak izango dira protagonista. “Garaiak aldatu dira, eta haurrak ere bai” azaldu dute Ficobako ordezkariek. Hori dela eta, aurten planetario bat instalatzeaz gain, software libreko hastapen gunea eta roboten inguruko tailerra berritasun moduan prest izango dira. Horrez gain, auto telegidatuen lasterketa pista, gaztelu puzgarriak eta karruselak ere izango dira Ficoban, besteak beste: matxinsaltoa, haurren trena, talka autoen pista, ohe elastikoak… Txikietatik nerabeetara Gabonetako parkea 3 eta 14 urte arteko txiki eta gaztetxoentzat zuzenduta dago. Aurten gainera, ume autistei zuzendutako ekintza eta ordutegi bereziak antolatu dituzte. Gainera, aurtengo ekitaldian aparkalekua debalde izango da. Prezioak ezagutu nahi izanez gero, Ficobak prestatutako webgune berezira jo dezakete interesatuek.

Oiasso Erromatar Museoak Egiptoko animalia sakratua: momifikazioaren sekretuetara bidaia erakusketa abiatu du gaur. Nafarroako Unibertsitatearekin egindako elkarlanari esker iritsi da bilduma Irunera. 2.700 urte baino gehiago dituzten animalien momiak biltzen ditu erakusketak. Belen Sierra Kultur zinegotziak, Maria Jose Noain Oiasso museoko ordezkariak eta Maria Luz Mangado egiptologoak atzo eman zuten erakusketaren berri eta bertan azaldutakoaren arabera, Nafarroako Unibertsitateko talde batek 2009 eta 2012 urteen artean egindako ikerketa lanak azaleratzen ditu erakusketak. Izan ere, animalia egiptoarren inguruko diziplina anitzetako ikerketa garatu du taldeak. Ikerketa sakona Nafarroako Unibertsitateko ikertzaile taldeak jakitera eman duenez, ikerketa teknika berritzaileak medio, fauna mota ezberdinak ezagutzeko aukera eduki dute. Horrez gain, baltsamatzeko teknikak eta materialak aztertu dituzte; baita momiak estilizatzeko makil, kanabera edo ontzirik ote zegoen ere frogatu ahal izan dute. Era berean, momia horien data zehaztu eta jankoei babesa eskatzeko zinginarririk ote zegoen ikertu ahal izan du taldeak. Horiek horrela, artearen bidez jainkoak nola irudikatzen zituzten eta horiei egindako gurtza nolakoa zen ikertu du Nafarroako Unibertsitateko taldeak. Denera, hamaika momia, baltsamatzearekin lotutako zinginarriak eta hileta gaien inguruko objektu artistikoak ikusgai dira Oiasso museoko erakusketan. Bilduma gaurtik apirilaren 15era bitartean ikusgai izango da, asteartetik igandera 10:00etatik 14:00etara. Ostiral eta larunbatean arratsaldez ere bisita daiteke, 16:00etatik 19:00etara bitartean.

Berpiztu GKEak eta EAJren udal taldeak Santiagoko auzo elkartean astero egingo den elikagai banaketaren berri eman zuten atzo goizean. Xabier Iridoy Irungo jeltzaleen bozeramaileak azaldu zuenez, “martxoan onartutako 2012ko aurrekontuetan EAJk egindako zuzenketa bati esker, elikagai banaketarako 4.000 euro bideratuko dira”. Beharra duten lagunei zuzendutako laguntza izango da elikagaiena, eta asteartero egingo dute banaketa auzo elkartearen egoitzan, 10:30etik 11:30era. Irungo familiak, Donostian Berpiztuk garatutako Erreferentzia Puntua izeneko proiektuaren barruan kokatzen da ekimena. Donostiako Alza auzoan egiten zuten banaketa hasieran, baina elikagai bila joaten zen Irungo familien kopuruak gora egin zuen. Ondorioz, tokiko gobernuarekin harremanetan jarri eta elikagai banaketarako hitzarmena lortu zuten.