Jone Uria: Xenpelar Sarietako txapelduna Kontrakotasunei aurre egin zien Jone Uriak (Algorta, 1990) larunbatean Errenteria Hiria Kulturgunean. Bost mutilekin batera igo zen oholtzara eta bizkaitar bakarra zen Peio Ormazabalekin batera. Hala ere, bera izan zen nagusi, eta Xenpelar Sariko txapela jantzi zuen. Zer esanahi dauka zuretzat Xenpelar Saria irabazi izanak? Poza beti ematen du txapel bat irabazteak. Horrelako sariketak gazteontzat beste plaza bat izaten dira, eta adin inguru horretan gabiltzan Euskal Herri osoko gazteontzat elkar ezagutzeko aukera bat ere bada. Ni saiatzen naiz beste munduko garrantzirik ez ematen, baina beti joaten gara lan txukuna egiteko gogoz, eta lortzean beti da pozgarria. Zer moduz ikusi zenuen zure burua finalean? Hasieran, ofizioan, gai nahiko serioa tokatu zitzaigun Gorka Maizi eta bioi, eta normalean, kostatzen zait horrelako gaietan ondo aritzea. Baina hortik aurrera, ariketa gehienekin pozik. Bost mutil zenituen arerio, eta zu neska bakarra. Hala ere, guztiei gailentzea lortu zenuen. Azken boladan, gure adinean, ez da ezberdintasunik ikusten, behintzat, kopuruari dagokionez. Bizkaiko finalean lau neska eta lau mutil ariko gara. Gero eta garrantzia gutxiago ematen diot horri, gero eta arruntagoa delako. Egia da lehen arraroa ere bazela final batean neska bat egotea, baina niri final horretan, arraroa egin zait, gutxi egin zaidalako neska [...]
Ereintza eskubaloi taldeak jakinarazi duenez, akordio batera iritsi da Gipuzkoako Elikagai Bankuarekin, eta horren arabera, larunbateko partida ikustera joaten denak hiru kilo janari eramaten baditu, sarrera doan eskuratu ahal izango du. Lehia larunbat...
Gaur goizean abiatu dute Soroetako berriritartze lanen azken fasea. Obraren zatirik handiena amaituta dago eta, ondorioz, trafikoan aldaketak ezarriko dituzte eta lanen eremua bera ere aldatuko da. Udaletik argitu dutenez, “Soroeta kalea, Sainduatik Eguzkilorera doan beherunzko tartean ireki egingo da. Horrela, Pilotalekuaren eta Helduen Hezkuntza Ikastetxearen arteko tartea itxi eta berritzen hasiko dira. Orain arte, azken bi hilabeteetan Soroetaberrira sartu eta ateratzeko Girizi kaletik zegoen sarrera itxiko da, eta beraz, Soroetaberrira ohiko bidetik sartu eta atera beharko da, bi zentzutan”. Auzoko zenbait lekutan ari dira obretan baina, lan txikiak salbu, obra handiena kirol eremuan eta Eguzkiloren dago. Juan Mari Altunak, Alkateordea eta Zerbitzuetako zinegotziak azaldu duenez, “kirol zonaldearen eraikuntza oso erritmo onean doa, azpiegiturak montatzen ari dira orain. Azpiegitura berria Amuten dagoenaren oso antzekoa izango da. 34 x 18’6 metroko azalera duen kantxa balioanizduna, haur eta helduen egonaldirako gunea, saskibaloian aritzeko beste bat —pilotalekuaren atzekaldean—, osasuna zaintzeko beste gune bat, eserlekuak eta txirrindak aparkatzeko guneak ere egongo direlarik”. Udaberrian hasi ziren Soroetako lanak. Guztira, bost milioi euroko aurrekontua onartu zuen udalak auzorako. “15 hilabete iraungo duen obra da. Asmoa 2013ko maiatzean amaitzea da eta epeak betetzen ari gara” azaldu du zinegotziak. Orain artean berriritartu diren guneak Soroetaberri, Girizi, Ama Guadalupekoa, [...]
Etxetik kaleratzeko zorian da Errenteria-Oreretako biztanle bat, eta Ezker Anitzak Kutxabanken jarrera salatu du. Duela hilabete Kutxabankek berehalakoan hipoteka betearazteko prozedura guztiak geldiaraziko zituela jakinarazi zuela gogorarazi du, eta a...
Hirugarren aldiz antolatu du EHGAMek gazteen literatur lehiaketa, eta dagoeneko jakinarazi du zeintzuk diren aurtengo irabazleak. Sari guztiak atzerrira joan dira. 16-18 urte artekoen mailan, Carlos Catena Cozar jaendarra (Andaluzia, Espainia) nagusitu da, eta bigarren Jazline de la Caridad Chavez Quian kubatarra izan da. 18-25 urtekoen mailako sariak Espainiara joan dira: Pamela Fernandez Tovarrek lortu du lehen saria, eta Roberto Carro Vazquezek bigarrena. Guztira, hamazazpi narrazio aurkeztu dituzte, eta sei Euskal Herrikoak izan dira; horietatik hiru lan baino ez dira izan euskaraz. Atzoko Giza Eskubideen Egunean bertan jakinarazi zuten zeintzuk ziren saridunak, baina denak kanpotarrak direnez, ezin izan zizkieten eskura eman. Hala ere, postaz bidaliko dizkiete irabazleei 300 euroko saria, eta bigarren geratu direnei 150 eurokoa, materialean. Ekitaldian izan ziren atzo Irune Balentziaga Kultura zinegotzia, Unai Unsuain Gazteria zinegotzia eta Mikel Martin EHGAMeko kidea. Martinek azaldu duenez, Madelon izena Xanti Altxu zenarengatik jarri diote, EHGAMen sortzailea izan zelako, eta bera izan zelako Euskal Herrian gay, lesbiana eta transexualen aldeko aldarrikapenen alde agertu zen lehenengoetakoa. “Ikuspegi ironikoa” saritu Epaimahaiaren arabera, narrazio askotan “ikuspegi tragikoa” landu dute, eta zentzu horretan, kontrakoa, “ikuspegi ironikoa eta jolasa” saritu dituzte. Joxe Mari Carrere epaimahaiko kideak zehaztu zuen batik bat transexualitatea azaltzen zuten lanek izan dutela [...]
Hilaren 1ean Gipuzkoako maila guztietako Xake Txapelketa jokatu zuten eta Hondarribiko Marlaxka taldeko zortzi jokalari aritu ziren. Bigarren Mailan Daniel Garmendia bigarren geratu zen eta datorren urtean Lehen Mailan ariko da. Iker Arri Hirugarren Mailako Txapeldun geratu zen eta, bera ere, mailaz igo da. Datorren asteburuan Gipuzkoako Xake-Azkar Txapelketa jokatuko dute Ibarran. Larunbatean banaka ariko dira eta igandean taldeka.
Azken Portu eta Artaleku kiroldegietako erabiltzaileentzako diru laguntzak prestatu ditu udalak. Erabiltzaileek errentaren araberako diru laguntza jasoko dute, eta gehienez, urteko kuotaren %50a eskura dezakete. Hilaren 19ra arte izena eman daiteke HAZ...
Judas Arrieta artista hondarribiarrak bere 20. urteurrena beteko du 2013. urtean zehar eta hori ospatzeko helburuarekin, zenbait ekimen prestatzen ari da, hala nola, Show room – Art Outlet estudio bat egokituko du Irunen abendutik martxora bitartean. 1993. urtean ekin zion bere lehenbiziko erakusketari Arrietak eta geroztik, mundu osoan zehar bere lana hedatzea lortu du. Hala, Japonia, Korea, Hong Kong, Singapur, Txina, Australia, Estatu Batuak eta Europan zehar erakusgai izan dira bere artelanak 20 urte hauetan. Horiek horrela, 20 urtean ekoiztutako lanak erakusgai izango dira artistaren Irungo estudioan. Bertan egongo da artista, bere lan egiteko era jarraitzaileei erakutsiz eta bisita gidatuak eskainiz. Halaber, bere artelanak bertan salgai izango dira. Estudioa bisitatzeko interesa duten lagunek aldez aurretik hitzordua finkatu beharko dute, helbide elektroniko bidez edota bestela, 649074406 telefono zenbakian.
FUTBOLA Bigarren B Maila Racing B-Real Union 0-3 Erregional Ohorezko Maila Real Union B-Aloña Mendi 3-2 Preferente Maila Mariño-Tolosa 1-0 Allerru-Behobia 0-1 Emakumeen Euskal Liga Mariño-Añorga 2-0 ESKUBALOIA Zilarrezko Maila Alcobendas-B...
Real Unionek bide onean dagoela erakutsi zuen igandean. Irundarrak Racing B taldearen aurka lehiatu ziren, Santanderreko (Kantabria, Espainia) Albericia zelaian. 0-3 garaitzea lortu zuten txuri-beltzek bertan, eta sailkapen nagusiaren bosgarren postuan kokatzea lortu dute, 26 punturekin. Laugarren sailkatutik puntu bakarrera daude, beraz, Union play-off postuetan sartzeko puntu bakarrera dago. Hasieratik kontrolatu zuen partida talde bisitariak. Racing B erasoei erantzuten saiatu zen, baina ez jokalari eta jarraitzaileek espero zuten moduan. Izan ere, Chupe txuri-beltzaren saiakera batean Saul Garcia Kantabriako taldeko atezainak bere atean sartu zuen lehen gola, partidaren 17. minutuan. Markagailuan gora Real Unionek partidaren 29. minutuan lortu zuen hurrengo gola, 0-2koa. Juan Dominguez eta Colinasen arteko jokaldia izan zen: lehena ezkerretik iritsi zen baloiarekin eta bigarrenari pasa zion eskuinetik baloia atera jaurti zezan. Hala, 0-2ko markagailuarekin joan ziren bi taldeak atsedenera. Azken gola partidaren bukaeran ailegatu zen. Racing Bko Borja Garciak Txutxiren kontra egin, eta lurrera bota zuen area barruan. Epaileak penaltia izan zela erabaki, eta Angulo txuri-beltzak egin zuen 0-3koa. Partidaren 89. minutuan izan zen jokaldi hori. Zaragoza Bren kontra ariko da Real Union, nor baino nor, datorren jardunaldian, Stadium Galek hartuko duen partidan. Zaragoza, sailkapen nagusiko hamabigarren postuan dago. Irabazteko moduko partida dute irundarrek, beraz. Union B, bigarren [...]
Eibarko topaketan izango da Aiton Borda abesbatza
Odola emateko aukera izango da gaur, 18:00etatik 20:00etara anbulatorioan. Elkartasun keinua egitera animatu dituzte herritarrak.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
