
Lapurriturri informazio guneko denboraldiari bukaera eman zioten iragan astean, Behemendi Landa Garapenerako elkarteak eta Irungo Udaleko Ingurumen departamentuak. Onddo bilketa bat egitea izan zen azken jardueraren helburua eta iragan azaroaren 17an antolatu bazuten ere, eguraldi txarra medio, azaroaren 20ra atzeratu behar izan zuten. Aranzadi Zientzia Elkarteko mikologo batek gidatuta, izena eman zuten 20 lagunek onddo bilketari ekin zioten. Hegoa haizeak lagunduta, gibelurdinak bildu eta onddo toxikoak identifikatu zituzten parte hartzaileek. Horiek horrela, Lapurriturriko informazio gunea iragan apirilean martxan jarri zenetik, 644 bisita jaso ditu; horietatik 194 soilik irailean eman dira. Horrez gain, sei irteera antolatu ditu informazio guneak denboraldia bukatu arte eta 108 lagunek parte hartu dute horietan.

Ostiralean elkarretaratzea egin zuten Urkabe Benetan enpresako langileek, atzoko Emakumeen Kontrako Indarkeriaren Aurkako Eguna zela eta. Lan munduan ere, emakume eta gizonen berdintasuna bermatuko duen eredu sozial eta ekonomikoa aldarrikatu zuten, eta bertan indarkeria sexistak tokirik ez duela gogorarazi zuten. Eredu patriarkalarekin amaitzeko lanean jarraitzeko konpromisoa azaldu zuten.

Hondarribia-Irun saskibaloi taldeak garaipen garrantzitsua eskuratu zuen larunbatean Hondartza kiroldegian Leongo Bembibreren aurka, Emakumeen Ligako zazpigarren jardunaldian (57-50). Garaipenari esker, arnasa hartu dute hondarribiarrek, eta sailkapene...

Asteburu honetan, Oiarpeko Jon Irastorza eta Mikel Martinez oiartzuarrek, Gipuzkoako Txapelketako Helduen Bigarren Mailako finala irabazi dute. Ordu eta erdiko partida jokatu zuten Hernanin, Zegamako Azketa-Atxa bikotearen kontra. Partida gogorra eta polita izan zen, eta azkenean oiartzuarrek jantzi zuten txapelketa, 22-15 irabazita. Oiartzungo bikotea, finalera iristeagatik, Lehen Mailara ere igo da. Datorren urtean Lehen Mailan lehiatuko dira Martinez eta Irastorza.

SASKIBALOIA Senior emakumeak Oiarso (atsedena) Senior gizonak Alde Zaharra B-Oiarso: 44-63 ESKUBALOIA Zilarrezko Maila (gizonak) Teucro-Ereintza: 24-17 Emakumeen Euskal Liga Asador Basusta Pulpo-Ereintza: 8-15 FUTBOLA Erregional Ohorezko Ma...

Abenduak 1, larunbata Katilukadak Lanku haurrentzat ikuskizuna. Amute-Kostako Auzo Elkartean, 17:30ean. Iñaki Salvador musikariaren kontzertua. Itsas Etxeko Auditoriumean, 19:30ean. Bertso afaria, Ion Maia eta Aitor Mendiluze bertsolariekin. Itsas-Lu...

Joan den denboraldian irabazitako banderen bedeinkapen ekitaldia egin du gaur goizean Hondarribia Arraun Elkarteak. Txikia geratu zaie Kale Nagusia, hamalau bandera izan direlako guztira bedeinkatu dituztenak, aulki mugikorreko zein TKE Ligako arraunlariek lortutakoak. 12:00etan hasi dira txafeluak botatzen eta hamar minutu geroago abiatu dira herriko neska eta mutil arraunlariak egoitzatik. Santa Maria atetik igaro direnean txalo artean hartu dituzte herritarrak. Udaletxetik pasa eta gero herriko ordezkariak batu zaizkie eta denak elkarrekin hurbildu dira parrokira, bertan banderak bedeinkatzeko. Jendetza elkartu da eliz kanpoan, arraunlariei harrera egiteko. Mezaren ondoren Hermandadera jaitsi dituzte banderak. Ohikoa den bezala, han geratuko dira, gordeta. Ekitaldia bukatuta, bazkaria egin dute arrantzale eta zale batzuk, Alameda jatetxean.

Xabier Azkue zumaiarrak irabazi du Irungo Luma denbora-pasa astekariak antolatuta Ola sagardotegian egin duten Euskal Herriko Hitz Gurutzatuen 6. Txapelketa. Bera izan da lauko finalean akatsik gabe taula bete duen bakarra. Bigarren Donezteben bizi den Oier Zulaika gasteiztarra izan da (2 akats), hirugarren Javier Altuna getxoztarra (4 akats) eta laugarren Beñat Muguruza irundarra (7 akats). Hirugarrenez parte hartu du Azkue txapeldunak txapelketan eta pozik zegoen txapela jantzita: “Lehenbizikoan ez nuen lortu finalera sailkatzea, iaz finalean izan nintzen eta hirugarren geratu nintzen, eta aurten txapela”. Finalean ez da lehen amaitu duena, baina akatsik egin ez duen bakarra bai. “Besteek bukatu duten arte ez nekien akatsak zituzten edo ez. Ni ataskatuta izan naiz hitz batekin, gaizki neukana, eta hori borratu arte egon naiz ataskatuta. Konturatu naizenean eta borratu dudanean askoz hobeto ibili naiz, baina justu-justu lortu du amaitzea ordubeteko tartean”. 36 jokalarik hartu dute parte Euskal Herriko Hitz Gurutzatuen seigarrek ekitaldian. Horietatik finalerdira hamasei pasatu dira, eta lau onenak lehiatu dira finalean. Altuna bizkaitarrak amaitu du aurrena, 49 minutu eta erdian, ondoren Zulaikak (50:11), hirugarren izan da Azkue (56:30) eta laugarren Muguruza irundarra (ordubete). Baina azkarra izateaz gain antolatzaileek asmatutako definizioak egoki erantzun behar dira eta horretan bakarra izan da zumaiarra. [...]

Gaur hasita eta astebururo jendeak bolondreski prestatuko pintxoak izango dira Xaia ostatuan euskal preso eta iheslarien alde. 11:30etik aurrera izango dira pintxoak dastatzeko aukera. Xaia ostatutik adierazi dutenez, “pintxo goxoak dastatzeaz gain, jendearekin egoteko eta solasteko aukera bikaina izanen da”.

Etxean jokatuko du Hondarribia-Irun saskibaloi taldeak Emakumeen Ligako zazpigarren jardunaldian. Zuzeneko aurkari baten kontra jokatuko du, Bembibre PDM taldearen kontra, 19:00etatik aurrera Hondartza kiroldegian. Anne Peñaren neskek bi garaipen ditu...

Murrizketen kontra elkarretaratzea egin zuten ostiral eguerdian Hondarribiko udal langileak. Urriaren 5ean elkartu ziren lehen aldiz, ELA, LAB eta CCOO sindikatuek osatzen duten langile batzordearen deialdiari jarraituz. Madrilgo Gobernuak krisiari aurre egiteko hartutako neurrien kontra azaldu dira, eta udalari eskatzen dioten neurri horiek ez aplikatzeko. Ostiraleraro elkartzen jarraituko dutela esan dute.

Esteban Cresporen Aquel no era yo film laburra izan da, epaimahaikideentzat, Ikuskaren XIV. ekitaldiko onena. Larunbatean jakinarazi zuten erabakia, Trintxerpeko Alkateordetzan. Horrez gain, zuzendari onenaren saria Haritz Zubillagari (She’s lost...

Nagore Indakoetxea errenteriarra eta Iker Larunbe atarrabiarra izan dira, hurrenez hurren, Euskadiko Doinu Zahar Txapelketaren eta Gipuzkoar Aurresku Txapelketaren irabazleak. Donibanen jokatu ziren bi txapelketa horiek larunbatean, Alkarkidek antolatu...

500 lagun bildu dira atez atekoaren gaineko parte hartze prozesuaren lehen zatian

Hondarribia futbol taldeak Trintxerperekin berdindu zuen larunbatean Hondartzan, Ohorezko Mailako 11. jardunaldiko partidan (2-2). Puntu bakarra lortuta, sailkapenean atzera egin dute hondarribiarrek, bederatzigarren postura, baina aurretik dituzten bi...

Futbola Ohorezko Erregional Maila. Berio-Oiartzun: 1-1. Emakumeen Bigarren Maila. Oiartzun-Castejon: 5-0. Gazteak. Ohorezko Maila. Oiartzun-Usurbil: 1-3. Gazteak. Lehen Maila. Oiartzun-Behobia: 0-3. Kadeteak. Ohorezko Maila. Vasconia-Oiartzun: 2-1. ...

Atzo jokatu zuten XXI. Xenpelar Sariko lehenengo kanporaketan Ane Labaka izan zen garaile, Aitor Urbieta eta Gorka Maizen aurretik. Dena den, Labakak agurrean esan zuenez atzerrira doa, hortaz, finalean ezingo du kantatu. Hori horrela, Urbieta eta Maiz...

Gaur Araba, Bizkaia eta Gipuzkoako euskararen legeak 30 urte bete ditu eta horren haritik Oarsoaldeko Euskal Herrian Euskarazeko kideek elkarretaratzea egin dute Herriko Enparantzan Euskaraz bizi gaitezen. Aska ditzagun kateak lelopean. 30 urte horiek baloratzerako garaian, “ipar egokirik gabeko 30 urte izan” direla adierazi dute, “arrotzek inposatutako mugak nekez urratu ditugun 30 urte”. EHE-ekoen iritziz, instituzioetako jarduna eta gatazka gainditzeko eztabaida oinarrizko bi ideia dira euskara lehen lerroan egon behar duela nabarmentzerakoan, eta bi ideia horietatik hain justu “adostasunak eraiki behar dira”. Horrez gain, arlo juridikoari dagokionez egoera “negargarria” dela nabarmendu dute: “30 urteren buruan zerbitzu oinarrizkoenak ere norbere hizkuntzan jasotzeko ezintasuna, euskaraz bizitzeko debekua bizi dugu euskaldunok, Euskal Herri osoan”. Horren haritik, “hizkuntza politika burujabe” baten beharra aldarrikatu dute. Bestalde, baldintza soziolinguistikoekin euskararen erabilerak goia jo duela ere nabarmendu dute, “euskaraz bizitzeko nahia erakusteaz gain”. Abenduaren 1ean manifestazioa Gaur zortzi euskaraz bizitzearen aldeko manifestaziora joateko deia egin dute Euskal Herrian Euskarazeko kideek. 17:00etan abiatuko da manifestazioa, Donostiako Anoeta estadiotik.

Gutxiago badira ere, badira udazkenean Irunera iristen diren turistak, hiriaren askotariko eskaintzak erakarrita. Oiasso Erromatar Museotik bisita gidatuak eskaintzen dituzte asteburuetan museoa, Ama Xantalen ermita eta Irugurutzetako Labeak ezagutzeko. Gaur eguraldia lagun izan dute parte hartzaileek. Gaur (larunbata) goizez taldetxo bat joan da Ama Xantaleneko bisita egitera, eta beste talde bat gehitu zaizkio, ondoren, museoaren ibilbidea egiteko. Irugurtzetako kizkaltzeko labeen bisitaldia bihar izango da; 11:00etan abiatuko da Oiassotik Tren Berdea Irustara. Patricia eta David gazteak Valladolidetik (Gaztela-Leon, Espainia) etorri dira. Lehen aldia dute Euskal Herrian eta gaur hasi dituzte oporrak Irunen; bihar Donostiara joango dira eta handik segituko dute euskal lurraldea ezagutzen. Gaur goizean Ama Xantalenen izan dira eta, Patriciak esan digunez, harritu egin ditu ermitaren barrukoak: “Oso interesantea da; harrigarria da hain metro koadro gutxitan nola ager daitekeen hainbeste informazio, hainbeste aztarnak, historiako hain garai desberdinetakoak. Ikusiko dugu museoak zer eskaintzen digun, baina niri garai desberdinetako bizitza imajinatzea gustatzen zait eta, gidariak azaldu digunez, Oiasso Erromatar Museoan gehienbat erromatar garaiko eguneroko bizitzako objetuak ikusiko ditugunez. Horregatik, uste dut asko gustatuko zaidala museoaren bisita”.