Mugikortasun astea dela eta, bizikleta kalera aterako dute bihar
Mugikortasunaren Europako Astea da hau, eta horri begira, Errenteriako Udalak hainbat ekimen prestatu ditu. Garrantzitsuena biharko Bizikleta Eguna izango da. Horretarako, Biteri kalea itxita egongo da goizeko hamaiketatik gaueko hamarrak arte. Sinbolikoa izango da, egunero auto mugimendu handia ibiltzen den kalea moztuta egongo delako, eta horren tokian bizikleta izango da garraiobide nagusia. Horren bidez, udalak “praktika egokiak” bultzatu nahi ditu, iraunkortasuna eta osasunaren mesedetan. Atzo aurkeztu zuten ekimena Ingurumen, Trafiko eta Gazteria eta Kirol Patronatuko ordezkariek: Jose Manuel Ferradas, Jon Txasko eta Unai Unsuainek, hurrenez hurren. Bizikleta Festa aitzakia bat izango da bizikletaren eta garraio publikoaren erabilera sustatzeko. Ferradasen arabera, politika aktiboagoak martxan jarriko dituzte datozen hilabeteetan, joan-etorrien %15 bizikletaz egiteko helburura ailegatzeko. Donostian egunero 16.000 lagun mugitzen direla bizikletan esan zuen. Hori posible egiteko Bizikletaren Plan Zuzentzailea martxan jarriko dute, eta lanera bizikletaz joateko, poligonoetan ekingo diote. Horrez gain, azpiegiturak eta bizikleta sarea indartuko dituzte. Hala, egun Zumardian bidegorria zatitu egiten da, eta hor bidegorriari jarraipena emateko lanak egingo dituztela jakinarazi zuen Ferradasek. Dagoeneko obrak esleitu dituztela gaineratu zuen, eta hiruzpalau hilabetetan erabili ahal izango dela. Garraio publikoari dagokionez, berriz, laster Renfe eta EuskoTrenbideak Gipuzkoako garraio publikoen sarera batuko direla gogorarazi zuen Txaskok, eta horietan guztietan, autobus publiko guztietan [...]
Mugikortasunaren Europako Astea da hau, eta horri begira, Errenteriako Udalak hainbat ekimen prestatu ditu. Garrantzitsuena biharko Bizikleta Eguna izango da. Horretarako, Biteri kalea itxita egongo da goizeko hamaiketatik gaueko hamarrak arte. Sinbolikoa izango da, egunero auto mugimendu handia ibiltzen den kalea moztuta egongo delako, eta horren tokian bizikleta izango da garraiobide nagusia. Horren bidez, udalak “praktika egokiak” bultzatu nahi ditu, iraunkortasuna eta osasunaren mesedetan.
Atzo aurkeztu zuten ekimena Ingurumen, Trafiko eta Gazteria eta Kirol Patronatuko ordezkariek: Jose Manuel Ferradas, Jon Txasko eta Unai Unsuainek, hurrenez hurren.
Bizikleta Festa aitzakia bat izango da bizikletaren eta garraio publikoaren erabilera sustatzeko. Ferradasen arabera, politika aktiboagoak martxan jarriko dituzte datozen hilabeteetan, joan-etorrien %15 bizikletaz egiteko helburura ailegatzeko. Donostian egunero 16.000 lagun mugitzen direla bizikletan esan zuen.
Hori posible egiteko Bizikletaren Plan Zuzentzailea martxan jarriko dute, eta lanera bizikletaz joateko, poligonoetan ekingo diote. Horrez gain, azpiegiturak eta bizikleta sarea indartuko dituzte. Hala, egun Zumardian bidegorria zatitu egiten da, eta hor bidegorriari jarraipena emateko lanak egingo dituztela jakinarazi zuen Ferradasek. Dagoeneko obrak esleitu dituztela gaineratu zuen, eta hiruzpalau hilabetetan erabili ahal izango dela.
Garraio publikoari dagokionez, berriz, laster Renfe eta EuskoTrenbideak Gipuzkoako garraio publikoen sarera batuko direla gogorarazi zuen Txaskok, eta horietan guztietan, autobus publiko guztietan bezala, txartel bakarra erabili ahal izango dela.
Bizikleta festa
Biharko jaian, martxa antolatu dute, eta bi txandatan banatuko dira: lehena 11:30ean, 8-9 urteko haurrentzat, eta bigarrena, 12:30ean, gazte eta helduentzat. Bi taldeek bost kilometroko ibilbidea izango dute erdialdeko kaleetan, eta Biteri kaletik abiatuko dira. Haurrek gurasoek lagunduta joan beharko dute.
