Mugikortasunaren Europako Astea da hau, eta horri begira, Errenteriako Udalak hainbat ekimen prestatu ditu. Garrantzitsuena biharko Bizikleta Eguna izango da. Horretarako, Biteri kalea itxita egongo da goizeko hamaiketatik gaueko hamarrak arte. Sinbolikoa izango da, egunero auto mugimendu handia ibiltzen den kalea moztuta egongo delako, eta horren tokian bizikleta izango da garraiobide nagusia. Horren bidez, udalak “praktika egokiak” bultzatu nahi ditu, iraunkortasuna eta osasunaren mesedetan. Atzo aurkeztu zuten ekimena Ingurumen, Trafiko eta Gazteria eta Kirol Patronatuko ordezkariek: Jose Manuel Ferradas, Jon Txasko eta Unai Unsuainek, hurrenez hurren. Bizikleta Festa aitzakia bat izango da bizikletaren eta garraio publikoaren erabilera sustatzeko. Ferradasen arabera, politika aktiboagoak martxan jarriko dituzte datozen hilabeteetan, joan-etorrien %15 bizikletaz egiteko helburura ailegatzeko. Donostian egunero 16.000 lagun mugitzen direla bizikletan esan zuen. Hori posible egiteko Bizikletaren Plan Zuzentzailea martxan jarriko dute, eta lanera bizikletaz joateko, poligonoetan ekingo diote. Horrez gain, azpiegiturak eta bizikleta sarea indartuko dituzte. Hala, egun Zumardian bidegorria zatitu egiten da, eta hor bidegorriari jarraipena emateko lanak egingo dituztela jakinarazi zuen Ferradasek. Dagoeneko obrak esleitu dituztela gaineratu zuen, eta hiruzpalau hilabetetan erabili ahal izango dela. Garraio publikoari dagokionez, berriz, laster Renfe eta EuskoTrenbideak Gipuzkoako garraio publikoen sarera batuko direla gogorarazi zuen Txaskok, eta horietan guztietan, autobus publiko guztietan [...]
Joan den larunbatean, Oskar Santos zuzendariaren Zipi eta Zape eta Puxtarrien Kluba filmaren azken eszenak grabatzen izan ziren Altzibarren, Bianditz aldera. Grabaketarako beharrezko azpiegiturak Agerre-Alde etxadian jarri zituzten (irudian).
Irakurketa klubak antolatu ditu bigarrenez liburutegiak
Real Union futbol taldea Teruel taldearen aurka lehiatuko da etzi, Stadium Galen izango den partidan (18:00etan). Irungo taldeak ligako lehenbiziko partida irabazi beharko du, sailkapen orokorrean puntuak gehitzen hasi ahal izateko. Talde txuri-beltza ...
Bilduko zinegotzi baten bikotekideak eta bere alabak izandako elkarrizketaren harira, gure etxean ere izan dira hainbat eta hainbat elkarrizketa. Horren guztiaren hasiera, nonbait, kalean bikotekideari gaizki begiratzetik hasi da. Hona, gure etxeko elkarrizketa. Udalak administrarien oposaketa-lehiaketa ezarri zuen martxan, prozesu luzea bera. Inondik inora bidezkoa izan ez zen oposaketa-lehiaketa hark ez zuen berdintasun printzipioa bete. Hau da, oposaketa-lehiaketa batean bete beharreko printzipioetako bat, alegia. Udalean lanean ari ziren hautagaiei, gainontzekoei exijitu ez zitzaizkien baldintzak ezarri zizkietelako. Udalarentzako lan egiten zuen 62 urteko persona bat, hilean 500 euroko soldata zuena (BEZa barne, langileak ordaindu beharrekoa) inongo azalpenik eman gabe, kale gorrian uztea. Kulturan, musika eskolako irakasleen auzia eta udal ludotekaren bat-bateko itxiera. Eta segurtasun aldetik, gauetan jadanik ez dugu Udaltzaingoaren zerbitzurik. Krisian omen gaude, baina batzuentzako ez dago krisirik. Zuen soldatek gora egin dute, eta ez da ezer pasatzen. Eredu izan beharko zenukete, hau da, exenplua eman. Gutxien duenari kendu, zergatik ez zarete gehien kobratzen dutenekin hasi? Zaborraren afera alde batera utzita, bestelako arrazoiak daude tartean. Langileok borrokan jarraitu beharko dugu, agintariek zapaltzen jarraitzen duten bitartean. Legea alde dute, baina izango dugu zeozer egiterik, ezta? Ekaitz Arrieta Bergara. Lezo. Aita, eta langabe baten bikotekidea.
Sinadura bilketa egiten ari dira hainbat guraso, udal ludoteka itxi ez dezaten
Belen Sierra Kultura ordezkariak eta Fernando San Martin Hezkuntza eta Gazteria ordezkariak, Oiasso Museoak eta Martindozenea aterpetxeak sinatutako lankidetza hitzarmenaren berri eman dute gaur goizean izandako prentsaurrekoan, Horiek horrela, hitzarm...
Euskal Herriko Kontseiluak eta hainbat gizarte eragilek bultzatuta, Euskaraz Bizi Nahi Dut Eguna izango da bihar Irunen. Horiek horrela, 14 urte bitarteko haurrentzat atletismo olinpiadak antolatu dituzte Zabaltza plazan. Hala, 17:00etatik 18:00ak bitartean kirol ginkana, erreleboak eta xabalina jaurtiketa izango dira. 18:00etatik 18:30ak bitartean aldiz, lasterketa herrikoia egingo dute. Bidasoa Atletiko Taldeak, Irun Iruten euskara elkarteak, Bidasoako EKT-k eta beste hainbat eragilek bultzatu dute ekiemena. Izen-ematea beharrezkoa izango da eta Zabaltza Plazan bertan egin ahal izango da, 15:30etatik aurrera.
Harrera On Gunean izena emateko epea ireki Pasaiako Udalak. Egitasmo hori Euskal Herritik kanpo etortzen diren 6 eta 16 urte bitarteko haur eta nerabeei zuzenduta dago, Pasaiako eskola batean matrikulatuta daudenak. Bertan, hainbat jolas eta jardueren ...
Oarso-Bidasoko ELA sindikatuak bihar larunbaterako eta irailaren 26rako, manifestazio eta greba deialdiak luzatu ditu, hurrenez hurren. Era berean, Irungo Bilduk irailaren 26rako deialdiarekin bat egin eta manifestazioa deitu du. ELAko ordezkariek gaur azaldu dutenez, “krisitik ateratzeko politika ezberdinak daude eta horiek aplikatuz gero, era justuago batean aterako ginake krisitik”. Hala, Euskal Herrian murrizketarik ez ematea eta fiskalitate eta gizarte politikak aldatzea aldarrikatu dute sindikatutik. Hori dela eta, murrizketen aurkako jarrera erakusteko bihar Donostian izango den manifestazioarekin bat egin du sindikatuak (17:30ean, Bulebarretik). Era berean, datorren irailaren 26ko greba orokorrarekin bat egiteko deia luzatu du. Irungo Bilduk bestalde, manifestazioa deitu du irailaren 26an, 10:00etan Arizmendi almirantea plazatik (Mendibil merkatalguneko plazatxoa). Hay salida, burujabetza eta eraldaketa soziala lelopean deitu dute manifestazioa.
Nerea Arruti. Etxekoandrea, Errenteria-Orereta. Etxekoandrea naiz, eta bi seme txiki ditut. Etxean nire bikotekidearen soldata besterik ez dugu jasotzen. Oso kezkatuta nago bizi dugun egoerarekin, ez dakit zer gertatuko den etxean sartzen den diru hori...
John Paul Keith estatubatuarraren rock doinuekin abiatuko da gaur Irun Rock 2012 Jaialdia. Musikaz betetako asteburua antolatu dute horretarako Men of Rock musika elkarteak, Bloody Mary musika dendarekin elkarlanean. Irunen, tankera honetako musika jaialdi bat «beharrrezkoa» zela adierazi du Iñaki Estevez (Irun, 1975) antolatzaileak. Nola sortu zen Irun Rock jaialdia? Men of Rock elkartetik dugun ideia orokorretik abiatzen da: musika eta rocka bereziki, kalera eramatearena, hain zuzen ere. Orain dela urte batzuk, musikarekin lotura genuen Donostialdeko eta Irungo hainbat lagun elkartu ginen, eta Irunen, herritarrak eta musika mobilizatzeko zerbait egin behar genuela pentsatu genuen. Inoiz ez zegoen ezer Irunen, eta urte askotan ez da halako musika ekimenik antolatu. Zer moduz aurreko ekitaldiak? Ondo. Lehen ekitaldia 2010ean egin genuen, Kutxa Kultur ekimenaren barruan. Parte hartzerik zabalena eduki zuen ekitaldia Fito y los Fitipaldis taldearen kontzertua izan zen, Ficoban, eta aurreko jardunaldia Moskun egin genuen. Lau taldek jo zuten bertan; Irungo hiru taldek eta Hendaiako batek, zehazki. Aurtengo ekitaldirako ekimen bat abiatu zenuten Facebook-en. Zertan zetzan ekimena? Mezenasgo kanpaina abiatzeko ideia eduki nuen, jaialdirako dirua biltzeko helburuarekin eta modu horretan pentsatzen genuena baino zertxobait handiagoa egiteko. Diru hori, hasieran, talde gehiago eta garrantzitsuagoak ekartzeko erabili nahi genuen. Kontua da momentu txarrean abiatu [...]
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
