Martindozeneak eta Oiassok hitzarmena sinatu dute
Belen Sierra Kultura ordezkariak eta Fernando San Martin Hezkuntza eta Gazteria ordezkariak, Oiasso Museoak eta Martindozenea aterpetxeak sinatutako lankidetza hitzarmenaren berri eman dute gaur goizean izandako prentsaurrekoan, Horiek horrela, hitzarm...
Belen Sierra Kultura ordezkariak eta Fernando San Martin Hezkuntza eta Gazteria ordezkariak, Oiasso Museoak eta Martindozenea aterpetxeak sinatutako lankidetza hitzarmenaren berri eman dute gaur goizean izandako prentsaurrekoan,
Horiek horrela, hitzarmena Gipuzkoa, Bizkaia, Araba, Nafarroa eta ipar Euskal Herriko Lehen Hezkuntzako, Bigarren Hezkuntzako eta Batxilergoko ikasleei zuzenduta dago; bizpairu egun Irunen pasako dituzten ikasleei zuzenduta, hain zuzen ere. Hala, Oiasso Erromatar Museoak ikasleei zuzendutako hainbat jarduera antolatzeko konpromisoa hartu du batetik, eta Martindozenea aterpetxeak ostatua emango diela ziurtatu du, bestetik.
Erromatarren bila
Ekimenari erantzuna emateko asmoz, Oiasso museoak Erromatarren aztarnen bila programa martxan jarriko du. “Ikasle taldeek Irugurutzetako meatze aztarnategiak eta Ama Xantalen ermitako erromatar nekropolia bisitatuko dituzte” jakinarazi dute antolatzaileak. Horrez gain, hainbat joko eta jardueretan parte hartuko dute.
Dagoeneko 7 ikastetxek parte hartuko dute; horietatik 3 gipuzkoarrak, beste 3 bizkaiatarrak eta azkena, iparraldekoa.
