Oarsoaldean ametsak betetzea nahi dute
Zuk Egin Dezakezu egitasmoa jarri dute martxan, pentsamendu positiboa eragiten duen hitzaldi eta tailer sorta Zuk Egin Dezakezu izeneko egitasmoa aurkeztu zuten atzo Oarsoaldea Garapen Agentziaren egoitzan. Pertsonengan pentsamendu positiboa eragin eta aktibatzen duen hitzaldi eta tailer esperientzialez osatutako programa da. Iker Fernandez eta Luis Oiarzabal ekintzaileek proposatutako proiektua da, eta Kutxako Gizarte Ekintzak eta Oarsoaldeak berak babestutakoa. Hitzaldi eta tailerren helburua, pertsonengan jarrera proaktiboa eragitea, eta beraien ekimenei ekin ahal izateko beharrezko baliabideak eskaintzea da. Hiru antolatzaileek argi dute Oarsoaldean ametsak bete daitezkeela eta horretarako antolatu dute egitasmoa. Iker Fernandezek azaldu zuenez, TPA mugimendua (Tu Puedes Hacerlo & Zuk Egin Dezakezu), «ezinegona duten, eta hobetu eta beraien bizitzan aldaketaren bat egin nahi duten pertsona guztiei zuzendua dago». Hala, zazpi hilabetean, «pixkanakako» eraldaketa prozesua eskaintzen du, bost hitzaldi eta zazpi tailerren bidez. Norbanako bakoitzak nahi dituen hitzaldi eta tailerrak aukeratu ahal izango ditu, «bere nahia eta egoerara egokitu ahal izateko». Beatriz Brosak, Oarsoaldearen izenean, jakinarazi zuen emozioz eta sentimenduz betetako proiektua dela: «Zerbait positiboa entzuteko beharra dugu, eta egitasmo hau berritzailea eta ezberdina da; garapen pertsonalean oinarritzen da». Oarsoaldeak halako zerbait behar duela uste du: « Eskualdeak potentzialtasun asko ditu, eskualdeko pertsonek potentzialtasun asko dituzte, eta egitasmoak erremintak emango dizkie [...]
Zuk Egin Dezakezu egitasmoa jarri dute martxan, pentsamendu positiboa eragiten duen hitzaldi eta tailer sorta
Brosa, Fernandez eta Altuna, atzoko aurkezpenean.
Zuk Egin Dezakezu izeneko egitasmoa aurkeztu zuten atzo Oarsoaldea Garapen Agentziaren egoitzan. Pertsonengan pentsamendu positiboa eragin eta aktibatzen duen hitzaldi eta tailer esperientzialez osatutako programa da.
Iker Fernandez eta Luis Oiarzabal ekintzaileek proposatutako proiektua da, eta Kutxako Gizarte Ekintzak eta Oarsoaldeak berak babestutakoa. Hitzaldi eta tailerren helburua, pertsonengan jarrera proaktiboa eragitea, eta beraien ekimenei ekin ahal izateko beharrezko baliabideak eskaintzea da. Hiru antolatzaileek argi dute Oarsoaldean ametsak bete daitezkeela eta horretarako antolatu dute egitasmoa.
Iker Fernandezek azaldu zuenez, TPA mugimendua (Tu Puedes Hacerlo & Zuk Egin Dezakezu), «ezinegona duten, eta hobetu eta beraien bizitzan aldaketaren bat egin nahi duten pertsona guztiei zuzendua dago». Hala, zazpi hilabetean, «pixkanakako» eraldaketa prozesua eskaintzen du, bost hitzaldi eta zazpi tailerren bidez. Norbanako bakoitzak nahi dituen hitzaldi eta tailerrak aukeratu ahal izango ditu, «bere nahia eta egoerara egokitu ahal izateko».
Beatriz Brosak, Oarsoaldearen izenean, jakinarazi zuen emozioz eta sentimenduz betetako proiektua dela: «Zerbait positiboa entzuteko beharra dugu, eta egitasmo hau berritzailea eta ezberdina da; garapen pertsonalean oinarritzen da». Oarsoaldeak halako zerbait behar duela uste du: « Eskualdeak potentzialtasun asko ditu, eskualdeko pertsonek potentzialtasun asko dituzte, eta egitasmoak erremintak emango dizkie transformazio pertsonalerako». Brosak, era berean, eskerrak eman zizkien ekintzaileei Oarsoaldean halako zerbait antolatzeko emandako aukeragatik. Erakundeei eta enpresei babesteagatik (Eusko Jaurlaritzaren Emprenderi, Foru Aldundiko Berrikuntza Sailari eta eskualdeko enpresa sareari), eta esker hitzak izan zituen proiektua antolatzen lagundu duten pertsona guztientzat ere.
Iñaki Altuna Kutxako Gizarte Ekintzako ordezkariak gogorarazi zuen Kutxaren helburua Gipuzkoako bizi kalitatea hobetzea dela, eta aurrera jarraitzeko lan egitea. Hala, egitasmoak zuzenean horrekin zerikusia duelako babestu dutela esan zuen. Eta eskerrak eman zituen egitasmoa antolatzen parte hartu ahal izateagatik.
Izena emateko
Hitzaldi eta tailer guztiak, Errenteria Hiria Kulturgunean izango dira. Hitzaldiak doakoak dira, baina aretoko tokia mugatua denez, izena emateko eskatu dute antolatzaileek. Tailerrek, berriz, 36 euroko prezioa dute. Horietan ere izena eman behar da aldez aurretik.
Informazio gehiago biltzeko, eta izena emateko: kutxasocial.net.
Egitaraua:
- Sergio Fernandez: Beldurrak. Beldurrik gabe ekin. Hitzaldia: hilaren 21ean. Tailerra: hilaren 22an.
- Borja Vilaseca: Baloreak. Ardura pertsonalaren garaia. Hitzaldia: urriaren 5ean. Tailerra: urriaren 6an.
- Luis Gaviria: Pertseberantzia. Ez ezazu inoiz amore eman. Hitzaldia: azaroaren 9an. Tailerra: azaroaren 10ean.
- Iker Fernandez, arrakasta duten abenturen sortzailea: Astintzea. Zuk egin dezakezu. Tailerra: azaroaren 24an.
- Angel Lafuente: Autoestimua. Nola hitz egin beti modu eraginkorrean. Hitzaldia: 2013ko urtarrilaren 25ean. Tailerra: 2013ko urtarrilaren 26an.
- Raimon Samso: Finantza askatasuna. Diruaren kodea. Hitzaldia: 2013ko otsailaren 15ean. Tailerra: 2013ko otsailaren 16an.
- TPA (Tu Puedes Hacerlo & Zuk Egin Dezakezu) taldea: Astintzea. Zure ibilbide orria. Tailerra: martxoaren 9an.
