Errepublikako azken Udalbatzaren omenez plaka jarri dute
Atzo Errepublikako azken Udalbatza omentzeko ekitaldia egin zuten Errenteriako udaletxean, eta hemendik aurrera, euren omenezko plaka bat edukiko dute udaletxeko areto nagusiaren atarian. 19:00etarako deituta zeuden senitartekoak, baina aurretik, atarian, udal txistulari taldeak harrera egin zien bere doinuekin. Ordua baino minutu batzuk lehenago areto nagusira eramaten duten eskailerak igo zituzten partaide guztiek, buruan Miren Mendarte, Serapio Mendarte zinegotzi izandakoaren alaba, eta Julen Mendoza alkatea zituztela. Ate ondoan geratu ziren biak, eta pixkanaka inguruan geratu ziren senitarteko guztiak. Denek begirada toki batera zuzenduta zeukaten: ate ondoan zegoen plaka, ikurrina batek ezkutatua zegoela. Mendartek eta Mendozak agertu zuten txalo artean Errepublikako azken Udalbatza zein orduko udaletxeko langile guztiak gogoan dituen plaka. Aretoa, leporaino beteta Gero, guztiak areto nagusira sartu ziren, eta euren tokiak hartu zituzten. Leporaino beteta zegoen, eta batzuk ate ondoan geratu ziren. Ekitaldia Mikel Zabaleta historialari errenteriarraren hitzaldiarekin hasi zen. Errenteria-Oreretako gerra aurretiko urteak errepasatu zituen: testuinguru politiko eta ekonomikoa, herrian bizi zen giro ezegonkorra eta baita gertaera nagusiak ere. Tarte berezia eskaini zion azken Udalbatzari, eta hura osatzen zuten kide bakoitzari buruz hitz batzuk esan zituen. Gerra ondorengo argazki batekin hasi zen hitzaldia, eta denboran atzera eginez egin zien errepasoa argazkien bitartez 1936az aurreko urteei. Ondoren, Mendartek hartu zuen [...]
Atzo Errepublikako azken Udalbatza omentzeko ekitaldia egin zuten Errenteriako udaletxean, eta hemendik aurrera, euren omenezko plaka bat edukiko dute udaletxeko areto nagusiaren atarian.
19:00etarako deituta zeuden senitartekoak, baina aurretik, atarian, udal txistulari taldeak harrera egin zien bere doinuekin. Ordua baino minutu batzuk lehenago areto nagusira eramaten duten eskailerak igo zituzten partaide guztiek, buruan Miren Mendarte, Serapio Mendarte zinegotzi izandakoaren alaba, eta Julen Mendoza alkatea zituztela.
Ate ondoan geratu ziren biak, eta pixkanaka inguruan geratu ziren senitarteko guztiak. Denek begirada toki batera zuzenduta zeukaten: ate ondoan zegoen plaka, ikurrina batek ezkutatua zegoela. Mendartek eta Mendozak agertu zuten txalo artean Errepublikako azken Udalbatza zein orduko udaletxeko langile guztiak gogoan dituen plaka.
Aretoa, leporaino beteta
Gero, guztiak areto nagusira sartu ziren, eta euren tokiak hartu zituzten. Leporaino beteta zegoen, eta batzuk ate ondoan geratu ziren. Ekitaldia Mikel Zabaleta historialari errenteriarraren hitzaldiarekin hasi zen. Errenteria-Oreretako gerra aurretiko urteak errepasatu zituen: testuinguru politiko eta ekonomikoa, herrian bizi zen giro ezegonkorra eta baita gertaera nagusiak ere. Tarte berezia eskaini zion azken Udalbatzari, eta hura osatzen zuten kide bakoitzari buruz hitz batzuk esan zituen. Gerra ondorengo argazki batekin hasi zen hitzaldia, eta denboran atzera eginez egin zien errepasoa argazkien bitartez 1936az aurreko urteei.
Ondoren, Mendartek hartu zuen hitza. Bere aitak egindako lana azaldu zuen, eta Bilbon fusilatua izan zela gogorarazi zuen. Hitzaldia bukatu zuen esanez, “ez dadila inor herriaren nahiaren kontra altxatu, egin dezagun etorkizun eder bat denon artean eta bakean”.
Mendozak, berriz, beharrezkotzat jo zuen gerra zein frankismo garaian gertatutako ikertzea: “Gizarte bat ez da eraikitzen ahanzturarik; justizia, egia eta konponketatik baizik”. Horrez gain, arduradun politiko gisa barkamena eskatu zien omendu guztiei omenaldia horren berandu etortzeagatik.
