Buruhandiak egitea ez da batere zaila
Globo batekin hasten da dena. Hori da gero buruhandi bezala ikusiko dugun eskulanaren abiapuntua. Gero puxika tapatzen joan behar da egunkari paperarekin, kapak eta kapak eginez, nahi den tamaina eman arte. Ondoren, piezak itsatsi, zuloak egin, margotu, dekoratu eta kitto. Abuztuan hasi ziren Kabian buruhandiak egiteko tailerra ematen. Hamarnaka haur dabiltza, eta gurasoen laguntzarekin, zazpi buruhandi dituzte martxan. Hasieran sei egitekoak ziren, baina Itziar Bandres arduradunak azaldu duenez, espero baino jende gehiago animatu eta bat gehiago egitea erabaki dute. Buruhandiak euskal mitologiako pertsonaietan oinarrituta daude: Amalur, Akerbeltz, Galtzagorri, Tartalo, Mari, Mari Domingi, Basajaun eta sorgina. Guztiak ongi osatutakoan, asmoa kalejira bat egitea da, herrian barrena. Hala ere, Bandresek adierazi du aurrerago zehaztuko dutela noiz izango den. Eta kalejiraren ondoren zer gertatuko da buruhandiekin? Bost buruhandi herriko auzo elkarteen artean banatuko dituzte. Pontikakoari bereziki eskerrak eman dizkiote, ekimenean laguntzeagatik. Geratzen diren beste bi buruhandiak, berriz, parte hartu duten haurren artean zozkatuko dituzte. Oriotik Errenteria-Oreretara Bandresek badu eskarmentua halako lanak egiten. Duela sei urte ere, Orion, Balearen Egunaren harira, itsasoan oinarritutako buruhandiak egin zituzten. Kabian ere halako zerbait egin nahian Bandresekin harremanetan jarri ziren, eta ekimenak interes handia piztu du hasieratik. Hala, lehenengo bilera egin zuten, eta taldetxo bat eratu. Orain astean [...]
Globo batekin hasten da dena. Hori da gero buruhandi bezala ikusiko dugun eskulanaren abiapuntua. Gero puxika tapatzen joan behar da egunkari paperarekin, kapak eta kapak eginez, nahi den tamaina eman arte. Ondoren, piezak itsatsi, zuloak egin, margotu, dekoratu eta kitto.
Abuztuan hasi ziren Kabian buruhandiak egiteko tailerra ematen. Hamarnaka haur dabiltza, eta gurasoen laguntzarekin, zazpi buruhandi dituzte martxan. Hasieran sei egitekoak ziren, baina Itziar Bandres arduradunak azaldu duenez, espero baino jende gehiago animatu eta bat gehiago egitea erabaki dute.
Buruhandiak euskal mitologiako pertsonaietan oinarrituta daude: Amalur, Akerbeltz, Galtzagorri, Tartalo, Mari, Mari Domingi, Basajaun eta sorgina. Guztiak ongi osatutakoan, asmoa kalejira bat egitea da, herrian barrena. Hala ere, Bandresek adierazi du aurrerago zehaztuko dutela noiz izango den.
Eta kalejiraren ondoren zer gertatuko da buruhandiekin? Bost buruhandi herriko auzo elkarteen artean banatuko dituzte. Pontikakoari bereziki eskerrak eman dizkiote, ekimenean laguntzeagatik. Geratzen diren beste bi buruhandiak, berriz, parte hartu duten haurren artean zozkatuko dituzte.
Oriotik Errenteria-Oreretara
Bandresek badu eskarmentua halako lanak egiten. Duela sei urte ere, Orion, Balearen Egunaren harira, itsasoan oinarritutako buruhandiak egin zituzten. Kabian ere halako zerbait egin nahian Bandresekin harremanetan jarri ziren, eta ekimenak interes handia piztu du hasieratik. Hala, lehenengo bilera egin zuten, eta taldetxo bat eratu. Orain astean hiru egunetan elkartzen dira Kabian buruhandiak egiteko. Norbaitek interesa badu kabia[a bildua]errenteria.net helbidera idatzita lor dezake informazioa.
Atrezzista
Bandres Arte Ederrak ikasitakoa da. Zinean lan egin izan du atrezzista bezala, eta duela hamabi urte, Bainet ekoiztetxetik deitu zioten Karlos Argiñanoren telebista saiorako. Ziur batek baino gehiagok ikusi dituela berak egindako dekoratu bereziak.
