Kirol instalazioetan ere BEZa igo dute
Errenteriako Udal Kirol Patronatuak jakinarazi duenez, kirol zerbitzuetan ere BEZa igoko dute uztailaren 13ko 20/2012 Dekretu-Legeari jarraituz. BEZa %8tik %21era igoko da. Bestalde, udal instalazioak kudeatzen dituen Serviocio enpresak uda osteko kanp...
Errenteriako Udal Kirol Patronatuak jakinarazi duenez, kirol zerbitzuetan ere BEZa igoko dute uztailaren 13ko 20/2012 Dekretu-Legeari jarraituz. BEZa %8tik %21era igoko da. Bestalde, udal instalazioak kudeatzen dituen Serviocio enpresak uda osteko kanpaina martxan jarri du Metamorfosia. Oporraldiaren ondoren, azken lauhilabeterako harpidedunak erakarri nahi ditu, eta “herritarrak aktibatu”. Hainbat beherapen izango dituzte irailean (hilaren 30era arte) harpidetzen direnek, eta hainbat kasutan 90 euro aurrezteraino irits daitezke.
Kuota hiru ordainketetan zatituko da: lehenengoa, matrikula egiten den unean bertan kopuruaren erdia kobratuko dute, hain zuzen. Hurrengoa, berriz, urriaren 1ean laurdena, eta azken laurdena, berriz, azaroaren 1ean.
Informazio gehiago Galtzarabordako (943 44 96 90) eta Fanderiako (943 34 44 23 ) udal kiroldegietan.

