
Asteazken goizetan Damarri plazan duela bi urte egiten hasi ziren nekazaritza azoka, orain larunbat goizetan ere egingo dute, udan garaian. Duela zenbait urte azoka jartzeko saiakerak egin eta aurrera atera etziren arren, Hondarribiko hamaika ekoizle inguruk parte hartzen dute asteazken goizetan egiten duten baserritarren azokan. Azoka hauen helburua, bertako produktuak ezagutzera ematea eta Hondarribiko baserritarrei salmenta errazteko tresna ematea da. Hondarribian badira Irunera eta inguruko beste herrietako azoketara saltzera joan ohi diren baserritarrak, baina badira ere bertako denda txikien bitartez produktuak merkaturatzen dituzten ekoizle txikiagoak. “Tamalez, denda horiek desagertzen doaz pixkanaka eta asteazken eta orain larunbatetan ere egingo den azoka hau salmentarako bidea izan daiteke ekoizle horientzat”, esan du gaur goizean, Damarri plazan egin zuten prentsaurrekoan, Gregorio Berrotaranek, Udaleko Landa zinegotziak. Uda sasoiko produktuak Azoka egiten hasi zirenetik, salmenta kopurua bikoiztu egin zen, eta ekoizleak gehitzen joan dira. “Larunbatetan egitea polita izango da, jende gehiagok eguna libre dauka, eta kanpotik ere jende asko hurbiltzen da Hondarribira uda garaian. Itxaropena jende ezberdin gehiago biltzea da”, gehitu du Landa zinegotziak. Larunbateko azoketan parte hartuko duten baserritarrak asteazkenetako berdinak izango dira eta horiekin batera, beste baserri bat ere izango da: Pantxilenea. Gainera, Bidezko Merkataritzako produktuak saltzen dituen postu bat egongo da. Larunbatean egingo [...]

Hondarribiko Udaleko Euskara zerbitzuak hizkuntza honen erabilera sustatzeko diru-laguntzen deialdia ireki du. Udalak guztira 19.832 euro bideratuko ditu deialdi honen baitan dauden euskararen erabilera sustatzeko helburua duten bost ataletara. Horien...

Akelarrek antolatuta, Mediatekak Hasier Etxeberriaren ‘Inesaren balada’-ren irakurketa publikoa jasoko du gaur Gaur, Akelarre Euskal Kultur Elkartearen Literatur Menturak antolatzen duen Irakurraldiaren hirugarren ekitaldia eginen dute Francois Miterrand Hendaiako Mediatekan, 14:00etatik aurrera. Hasier Etxeberriaren Inesaren balada liburua hautatu dute aurten, eta Etxeberriak berak eginen du irakurketa publikoaren aurkezpena. Guztira 80 pertsonak parte hartuko dute ekimenean, baina askoz gehiago izanen dira Irakurraldia jarraitzeko aukera izanen dutenak: batetik, Mediatekaren kanpoaldean pantaila erraldoia jarriko dutelako, eta, bestetik, lehen aldiz streaming bitartez emango dutelako. 2010ean antolatu zuten lehen irakurketa publikoa; orduan euskal ipuin eta kondairak irakurri zituzten; 75 lagun elkartu ziren Mediatekan. Iaz, animalien gaia landu zuten, eta ehunetik gora pertsonak parte hartu zuten. Aurtengo saiorako Hasier Etxeberriaren Inesaren balada liburua hautatu dute. «Irungo Toki Alai ikastetxean liburua irakurketarako eduki zutela, eta ikasleen artean arrakasta handia izan zuela entzun nuen, eta lantaldean proposatu nuen. Ondo iruditu zitzaien, gazteak erakartzeko egokia zelako», dio Gema Elorriagak, Irakurraldiko antolatzaileetako batek. Berak eta Miren Intxaustik hartu dute lan gehiena. «Itsasoarekin lotutako liburu bat aukeratu nahi genuen», gaineratu du Intxaustik. Arratsaldeko ordubietan hasiko da gaurko irakurketa publikoa. Jendeari garaiz joateko eskatu diote, batez ere, hasierako ekitaldirako. Liburuaren egileak aurkeztuko du ekitaldia, eta puntu eta amaieraren ondoren ere Etxeberria izanen [...]

Emakumeen indarkeriaren kontrako elkarretaratzea egingo dute larunbatean, 12:00etatik aurrera, Zabaltza plazan. Udaleko Ongizate Aholku Batzordeak eta hiriko emakume taldeek antolatu dute elkarretaratzea, hilabetero bezala.

Osteguneko 24:00etatik ostiraleko 06:00ak arte argi mozketa izango da Elizalde auzoko honako kale hauetan: Yon Oñatibia etorbidea; Iparralde etorbidea; Manuel Lekuona etorbidea; Mendiburu kalea; Rafael Pikabea etorbidea; Doneztebe plaza; Landetxe plaz...

Pilar Peña, Kuki Garcia eta Carlos Zapirain dantza eskoletako ehunka dantzarik parte hartuko dute asteburuan Dantzaburua 2012 ekimenaren zazpigarren urtean. Hiru eguneko jaialdia Hondartza kiroldegian egingo dute, eta ikasturtean zehar eskoletan egiten duten lana erakutsiko dute. Saskibaloi kantxa, dantza taula bihurtuko dute. Dantza eskola bakoitzak egun bat dauka bere lanak erakusteko eta Pilar Peña dantza eskola beteranoak hasiko du ekimena, etzi. 28 urte bete ditu aurten eskolak, eta adin guztietako 200 dantzari inguruk parte hartuko dute etziko saioan. Taldeko dantzak izango dira guztiak, eta jazza, funkya eta egungo dantza estiloen koreografiak erakutsiko dituzte, bi orduz. Bigarren egunean, Kuki Garcia dantza eskolaren txanda izango da. Eskola gazteagoa den arren, Dantzaburua egiten hasi ziren urtetik parte hartu du dantzaldian. Dantza modernoak egingo dituzte eta taldeko koreografiak izango dira nagusi. Hala, dantza estilo berriak jorratuko dituzte. Areto dantzak Dantzaburuaren hirugarren emanaldia izango da ezberdinena. Carlos Zapirain dantza eskolak emango du eta aretoko dantzak izango dira. Aurreko bi egunetako agertokia kenduko dute, eta kantxa libre utziko dute bikoteen arteko dantzez gozatzeko. Carlos Zapirain dantza eskola, Pilar Peñarenaren antzera, herriko eskola zaharrenetakoa da. Sarrerek bi euro kostatuko dute eguneko, eta kiroldegian bertan eros daitezke, saioak hasi aurretik. Egitaraua Etzi, Hilak 15 Pilar Peña dantza eskola. [...]

11:00etan irekiko dute. Irailaren 15era arte egongo da zabalik. Ekainean, abuztuan eta irailean, 11:00etatik 20:00etara egongo da irekita, eta uztailean 10:00etatik 21:00etara.

Oiartzun barruko autobus lineak ibilgailu berria du: 32 lagunentzako tokia du, eta egokituta dago Oiartzun Lurraldebus txartelarekin ordain daiteke Xorrola herri barruko autobusa pasa den asteazkenetik. Ibilgailu berriarekin batera jarri dute martxan o...

Gazte Izanak Erretiratuen Elkarteak antolatuta, herriko helduenek irteera egingo dute gaur herrian zehar. 08:30ean atera dira Altzibartik, eta bidegorritik Ergoien aldera joan dira. Askosti eta Olatxe pasatuta, Arditurrira joan dira. Han egin dute hama...

Euskadiko Trialsin Txapelketako bigarren proban 42 parte hartzaile izan dira denera Euskadiko Trialsin Txapelketako bigarren proba jokatu zuten Arditurrin larunbatean. Elite Mailan, Ion Areitio hondarribiarra izan zen onena. Eta emakumeetan, Irene Caminos tolosarra. Ramon Cruz antolatzaileak zehaztu duenez, guztira 42 parte hartzaile izan ziren. Eguraldiak ateri eutsi zionez, erakustaldi polita egin zuten kirolariek, eta inork ez zuen minik hartu. Elite Mailan, Gorka Susperregi izan zen bigarrena, eta Andoni Asenjo hirugarrena. Nahiz eta berez, azken postu hori Irene Caminosek irabazi zuen. Izan ere, bera izan zen neska bakarra, eta mutilekin lehiatu zen. Hala ere, Euskadiko sailkapenean, Asenjo da hirugarrena, eta Caminos nesken zerrendan dago. Euskadiko Trialsin Txapelketan zazpi proba jokatuko dituzte txirrindulariek, eta horietan guztietan emaitza onenak lortzen dituztenek jantziko dute txapela. Sailkapenak Elite Maila (mutilak) Ion Areitio. Gorka Susperregi. Andoni Asenjo. Emakumeak Irene Caminos. Gazteak/Helduak Aitor Murua. Javier Guillen. Patxi Cruz. Kadeteak Sergio Fernandez. Julen Arjona. Iker Cuellar. Haurrak Daniel Augusto. Gaizka Cuellar. Alex Nuñez. Alebinak Iker Rodriguez. Julen Gomez. Julen Saez. Benjaminak Josu Perez. Oihan Gordaliza. Haimar Etxeberria.

Larunbatetik hasita eta irailaren 15a arte, Biztanlearen Arreta Zerbitzuak udako ordutegia izango du. Astelehenetik ostiralera 09:00etatik 13:30etara irekiko dute eta arratsaldez eta larunbatetan itxita egongo da.

Lepo izan zen atzo Antxoko Kultur Etxea. Han egin zen udalbatzarra, eta gobernu taldea eta oposizioko hautetsiek ez ezik, ehiztari ugari bildu zen plenoa jarraitzera. Eguzki taldeko ekologistak, bestelako herritarrak, eta Aldundiko hainbat ordezkari ere izan ziren bertan, publiko artean. Izan ere, Usoa eta Galepertarrak elkarteek Ulian ehiza berriro baimentzeko eskatuz aurkeztutako mozioa zegoen erabaki beharrekoen artean. Iazko urrian Ulian ehiza debekatzen zuen mozioa onartu zuen udalbatzarrak, Bilduren ekimenez eta Pasaiako Ezkerraren babesaz. Erabaki horrekin Pasaiako Udalak Uliako hiri parkea babesteko apustua egin zuen, Eguzki Talde ekologistaren eskariz. Erabakiak, baina, herriko ehiztarien haserrea piztu zuen, eta orduz geroztik, hainbat protesta burutu dituzte ehiztariek udalak urrian hartutako erabaki haren kontra, azkena atzoko udalbatzarrean. Udalak debekuaren erabakia haien iritzia kontuan hartu gabe hartu duelako kexu agertzen dira ehiztariak, eta hori leporatu zioten behin eta berriz gobernu taldeari atzoko udalbatzarrean. Erabakia beraiekin hitz egin gabe hartu izana da ehiztarien haserrea piztu duena. “Adarra jotzea iruditu zaigu udalaren jarrera. Formetan jokaera penagarria izan da”, salatu zuten. 2009an udalak Uliako ehiza postuen egoera aztertzeko eta horien berri txosten batean jasotzeko akordioa hartu zuela gogoratu zioten gobernu taldeari oposiziotik, eta akordio hori gaindituz, debekuaren alde egin izana leporatu zioten. Izan ere, EAJk, PPk eta PSE-EEk ehiztarien [...]

Azaroko uholdeek kalte ugari sortu zituzten, batik bat, ibaiaren ondoko auzoetan, eta oraindik, kalte guztiak ez direla konpondu salatu du Eguzki talde ekologistak. Sei hilabete horietan “kalte ekonomikoak konpontzeko bidean” jarri dituztela iritzi dio; ez, ordea, “ingurumenean sortutako kalteak”. Orduz geroztik Fanderian dagoen errotara doan erreka hustua dagoela azaldu du, eta auzoa eta Alcamporen artean zegoen presaren aztarnak ere ibaian jarraitzen dutela. Beharrezkotzat jo du kalteak konpontzea, “errekaren biotopoa bizirik irauteko”. Udaran ur emaria gutxituko dela arrazoituta, neurriak “lehenbailehen” hartzeko eskatu du.

Gizarte Agenteek hiru asteko kanpaina egin dute —urteko laugarrena—, hiritarren mugikortasun ohituren berri izateko, eta informazioa emateko. Informazioaren alorrean oinezkoen auto harrapatzeak saihesteko segurtasun neurriak jakinarazi dituzte, eta...

Asteburuan Ordizian zein Anoetan jokatu dute Gipuzkoako Helduen Mailako Txapelketa, eta EAT Errenteriako Atletismo Taldeak bi brontzeko domina lortu ditu: Jose Cazorlak jauzi hirukoitzean, eta emakumeen taldeak 4×100 erreleboan. Ordizian lortu zut...

Oiartzun Kirol Elkartean (OKE) nesken lehen taldea sortu zutela 30 urte betetzen dira aurten. Hori ospatu zuten pasa den larunbatean (hilaren 2an) Karla Lekuona zelaian. Bertan, urte hauetan guztietan OKEtik pasatutako jokalariak, entrenatzaileak eta familiartekoak bildu ziren.

PILOTA Udaberri Txapelketa. Haurrak. Oiarpe-Azkoitia: 9-18. Irun. Final-laurdenak. Azpiroz-Flores (Oiarpe)/Unsalo-Eizmendi: 8-22. Urretxu. Finalerdiak. Ugalde (Oiarpe)- aunarena (Leitza): 18-5. Usurbilgo Txapelketa. Final-laurdenak. Hernandez-Flo...

SOS Deiak-eko kamioi batek su hartu zuen larunbat goizean AP-8 autobidean, Irungo norantzan. Herrizaingo Sailak jakinarazi duenez, kamioiari kea ateratzen hasi zitzaion atzeko aldetik Irungo bidesarira iritsi zenean. Ertzaintza eta suhiltzaileak bereha...