Herrira herri bilguneak euskalpreso eta iheslarien alde lanera biltzeko deia luzatu die herritar guztiei gaur arratsaldean egindako agerraldian. Bertan bildutakoak, euskal preso eta iheslarien “auziarekiko kezka eta konpromisoak” batu dituela nabarmenduta, Jokin Urain Kixkur eta Aitzol Gogorza oreretarrak “muturreko egoeretan” mantentzen dituztela salatu dute: “Lehenengoak 197/2006 doktrina ezarria du, eta bigarrenak berriz,gaixotasun larria, eta biak,Espainiako Estatuko espetxeetan bahituta dituzte ezartzen dieten salbuespen politikaren ondorioz”. Bi egoera horiei aurre egin eta euskal preso eta iheslarien eskubideen defentsan, hainbat lantaldeetan lanean denbora bat daramatela zehaztu dute Herrira bilguneko kideek eta horrenbestez, herritar guztiak deitu dituzte preso eta iheslarien aldeko “dinamikan lan egitera”. Horretarako,orereta@herriraorereta.org helbidean harremanetan jarri beharko dute Herrira bilguneko kideekin, taldean parte hartu nahi dutenek. Amaitzeko Oreretako Herriaren aurkezpena ekitaldia maiatzaren 4ean,ostirala, Niessen Aretoan 19:00etatik aurrera egingo dutela jakinarazi dute eta herritar guztiak animatu dituzte bertan parte hartzera.
Eleak mugimenduak herritar guztiak deitu ditu “eskubide zibil eta politiko guztien aldeko harresia eraikitzera”. Horretarako, etzi, 11:30ean hasi eta 13:00ak arte Donostiako Bulebarrean egingo duten puzzle erraldoia osatzera animatu dituzte oreretarrak, baita maiatzaren 5ean Bilbon egingo den manifestazioan parte hartzera ere. Donostiako ekimenean 1.200 pieza izango dituen puzzle erraldoia osatzea du helburu Eleak-ek. Goizean zehar, musika eta bertsolariak ez dira faltako eta puzzlea osatuta, berriz, ekitaldia egingo dute. Hainbat herritarren babesarekin herenegun egindako agerraldian, Espainiako Gobernuak epaiketa politikoekin jarraitzen duela salatu zuten Eleak-eko kideek, eta horren harira, laster D3M eta Askatasuna hauteskunde plataformen aurkako epaiketa hasiko dela gogorarazi zuten. Horren ondorioz, hurrengo hilabeteetan hamarnaka pertsonak epaitegietatik pasatu beharko dutela salatu zuen Jose Luis Maritxalar Eleak-eko kideak. 150 lagunetik gora Errenteria-Orereta ere “politika horren” ondorioak jasaten ari dela gaineratu zuen Maritxalarrek. “Izan ere, gure herrian bere proiektuaren aldeko lana egiteagatik bi pertsona daude espetxean, beste sei lagunek espetxe zigorra jaso dute eta espetxeratzear daude, eta 150 lagunetik gora ezin dute kargu publikoa izan”. Eskubideen murrizketaz ere aritu zen Eleak mugimendua herenegun egindako agerraldian: “Azken boladan murriztuta ikusi dugu biltzeko, manifestatzeko, greba egiteko, edo aldarrikapenerako eskubidea. Poliziaren kargak eta atxiloketak ez datoz bat Euskal Herrian zabaldu den garai berriarekin”. Horrenbestez, herritarren eskubide [...]
Preso ohiek hartu dute hilabete bukaerako kartelada antolatzeko lekukoa apirilean. Ohiko kartelada deitu beharrean, erronka antolatu dute biharko. «Indarra eta arrazoia» beraienak direlako, herritarrei parte hartzeko deia egin diete. Sokaren beste aldean zer ote dago? Hitzordua jarrita dago. Preso ohiek deituta, erronka egingo dute bihar, herritarrei banatutako soka muturrekin, 20:00etan, Doneztebe plazan. Leloa: Gurekin batera tira soka. Presoak etxeratzeko daukagu erronka. Ez da hilabete bukaerako ohiko kartelada izango. Eta herritarrei agertzeko deia egin diete, sokatik tiratzen laguntzeko. Apirilean, preso ohiek hartu dute azken ostiraleko kartelada deitzeko lekukoa. Ane Beristain, Estanis Lopez, Ander Errandonea eta Inaxio Mendiburu preso ohiek azaldu diote HITZAri zergatik erabaki duten hilabete bukaerako ekimena ezberdina izatea. Euskaldunen erronka zaletasuna hartu dute aitzaki, eta horregatik bota dute beraiena. Euskaldunek, eta erronka zaletasun horrek, bi alderdi dituztela nabarmendu du Beristainek: «Indarra eta kemena, batetik; eta konbentzimendua eta arrazoia, bestetik». Indarra eta kemena aipatzean, Euskal Herriak, herri bezala dituenaz ari dira: «Determinazioa, konpromisoa, koherentzia eta duintasuna dugu». Arrazoia eta konbentzimenduarekin, euskal herritarrei dagozkien eskubideei egiten diete erreferentzia: «Eskubide indibidual eta kolektiboak zor dizkigute, gureak direnak, eta horren konbentzimendu osoa dugu». Indarra, kemena, konbentzimendua eta arrazoia «desaktibatzeko», baina, Espainiako eta Frantziako estatuek biolentzia erabiltzen dutela gogorarazi du Beristainek: «Inpunitate osoz darabilte, [...]
Area 3 aretoak Habana son taldearen kontzertua programatu du larunbat goizalderako, 01:00etan hasita. Kubako doinu tradizionalak jotzen ditu taldeak: batxata, son, merengea… Ateak gaueko hamaiketan irekiko dituzte.
Denboraldia hasiz geroztik antxoa ez zen ageri. Gaur, baina, 200.000 kilo antxoa deskargatu dituzte euskal portuetan. Getarian harrapatu dute gehien: 100.000 kilo. 50.000 kilo Ondarroan eta beste hainbeste Hondarribian. Pasaian, azkenik, 16.000 kilo harrapatu dituzte bo ontziren artean. Arrandegian, gaur, 4 eurotan saldu da antxoa kiloa.
Portu Agintaritzako mendi taldeak irteera antolatu du larunbaterako (hilak 28). Elgoibarko Karakate (749 m) eta Hirukurutzeta (898) mediak igoko dituzte. Interesdunek 943 35 18 44 telefono zenbakira deitu behar dute.
Hurrengo udalbatzarrera Antxoko anbulatorio zaharrean Gaztelekua kokatzeko proposamena eramango du PSE-EEk. Horrez gain, Gazte Informazio Bulegoa bertan kokatzeko eskatuko dute. Mozio bidez egingo dute eskaera. PSE-EEren ustez, udalak Pasaian Gazte Plana aurrera eramateko “esfortzu garrantzitsua” egin zuen bere garaian, baina haien iritziz, “apustu hura eten egin da azken urtetan”. PSE-EEk gogorarazi du San Pedrok eta Donibanek badituztela Gaztelekuak, baina bere garaian non kokatu ez zegoela-eta Antxon ez dagoela halako azpiegiturarik. Horrez gai diote, aipatu zerbitzuak oso harrera ona izan duela herriko gazteen artean.
Metal hotseko dantza urratsak izan ziren nagusi lehengo asteburuan Oroitzene euskaltegiaren egoitzan. Izan ere, Tip Tap Clap elkarteak klake ikastaroa antolatu zuen, ostiraletik igandera. Elkartearen arduradun Celine Urzaizek balantze positiboa egin du ikastaroaren gainean. Izan ere, 40 bat lagun inguruk eman zuten izena, lau mailak kontuan hartuta. Ruben Sanchez dantzari kataluniarra izan zen masterclass-a emateaz arduratu zena. Larunbat gauean, berriz, Donostiako Altxerri tabernan jam sessiona egin zuten Urzaizek zein Sanchezek, VO Trio taldeko musikariekin batera. Klake zapatak musika instrumentu bezala erabili zituzten bertan, eta emanaldiaren bukaeran ikasleekin prestatutako dantza bat egin zuten oholtzan.
Zerua urdin dago eguzkia dirdiraka eta gu plazara atera ortzadarra ikusteko. Zerua urdin dago gaur baina koloretako ortzadarrik ez guri irribarretsu. Zerua urdin dago igande eguzkitsu honetan negar tanta batek irrist egin dit masailean behera, baina ez...
Eskulangintza Azoka indar betean dator, eta aurten inoiz azokan izan ez diren hemeretzi artisauk parte hartuko dute. Guztira, baina, 50 izango dira 34. ekitaldian izango diren artisauak, gehienak gipuzkoarrak. Inoiz baino egun gehiago izango dituzte eurek egindako produktuak erakutsi eta saltzeko, zubia dela eta, lau egun izango baitituzte aurretik: etzitik asteartera. Etzi arratsaldez bakarrik bisitatu ahal izango da, baina gainontzeko egunetan goiz eta arratsaldez honako ordutegi honetan: 11:00etatik 14:00etara eta 16:30etik 20:00etara. Urtero gai berezi bat lantzen dute azokan, eta aurtengoa eltzegintza eta zeramika da. Hala, arlo horretan lan egiten duten hamar artisauk parte hartuko dute, eta kanpoan, berriz, karpa bat jarriko dute; bertan, Eltzegintza Maratoia egingo dute. Ereintza elkarte antolatzaileak jakinarazi duenez, ahalegin berezia egin dute askotariko tokietako zeramikagileak ekartzeko, “izan ere, teknika eta forma barietatea oso handia da”. Honakoak izango dira hamar partaideak: Huerva tailerreko Javier Fanlo eta Montse Mazas, Gerardo Pescador, Torrado eltzegintza, Lorea Lasa, Baob@ tailerreko Edyluz Torres, Karine Duhalde, Bruno Hurault, Alfacer tallerra, Imanol Aranburu eta Arketipo zeramika. Beste artisau batzuk ere nabarmendu ditu antolakuntzak: Joseba Burusko eskultorea, Gorka Urra musika tresnagilea, Richard Santana pieza bitxien egilea eta Mayte Domingos ehunak erabiltzen dituen artisaua. Horrez gain, 60 euroko zazpi erosketa txartel zozkatuko dituzte azokan zehar. [...]
Atzo egin zuten apirileko udalbatzarra, udaletxeko areto nagusian. Beste hainbat punturen artean, Xorrola zerbitzua emateko enpresa aukeratu zuten. Bost urterako esleitu diote Xorrolaren zerbitzua Cuadrabus enpresari. Lehiaketa publikora bi enpresek a...
XXIV. Sagardo Eguna izango da etzi, eta aurten 59 sagardogileren sagardoa probatzeko aukera izango da Zumardian eta Agirre Lehendakaria plazan egun osoz, eta goizean, Foru plazan. Urtero sagardotegi eta sagardogile bat omentzen dituzte, eta aurten Le...
Bilgunearen nondik norakoak azalduko dizkiete herritarrei eta maiatzaren 19rako deia egingo dute Herrira mugimenduaren Oiartzungo taldeak aurkezpen publikoa egingo du gaur. 19:30ean izango da, Manuel Lekuona Bibliotekan. Herritarrei agertzeko deia egin...
Hirugarren aldiz, Txin’goody Paradise reggae festibala egingo dute, bihar, Hendaian. Merkatu Zaharrean egingo dute jaialdia, 19:00etatik aurrera. Hainbat artistaren musikaz gozatzeko aukera izango dute hurbiltzen direnek: I & I Livity, Soon Come, Ras Miguel & Tafari, Txin’goody Root’s Band, Soundsystems, Equalbrothers, Thunda Clap eta Watts Attack.
Anton Mendizabalek erakusketa jarri du Frantziako hiriburuan. Olivier Messiaen (1908–1992) konpositore frantziarraren heriotzaren 20.en urteurrena ospatzen ari dira han. Konpositore hori XX. gizaldiko garrantzitsuenen artean dago, eta bere eragina oso nabarmena izan zen musika garaikidean. Urteurren hori dela eta, ospakizunak egiten ari dira La Trinite elizan, hau da, Olivier Messiaen 62 urtez organista titularra izan zen elizan. Hitzaldiak eta kontzertuak egiten ari dira, baita Messiaenen lanetan inspiratutako pintura eta eskulturen erakusketa ere. Erakusketa horretan, Toshiko Nishimoto japoniarraren pinturak eta Mendizabalen Soinuak Soin bildumaren eskulturak daude.
Etzi hasiko dira Iztieta-Ondartxoko jaiak, eta lau egunez iraungo dute asteartera arte. Lau egun luze horietarako hainbat ekitaldi prestatu ditu Gurekin eta Batasuna auzo elkarteek, eta horietan janaria, kirola eta musika izango dira protagonista. EGITARAUA Etzi, hilak 28 11:00: Txupinazoa oinezko zubitik, trikitixa eta buruhandiekin poteoa. 12:00: Motor handien erakusketa eta paseoak. 12:30: Tortilla lehiaketa (12:00ak arte entregatu ahal izango dira, David tabernan). 16:30: Puzgarriak eta haurrentzako txokolate jatea, Diputazio plazan. 17:00: Dardo txapelketa, Trebol tabernan. 17:30: Krosa, Iztietako pasealekuan. 20:00-21:30: Modestorekin dantzaldia, Diputazio plazan. 23:30-01:30: Modestorekin dantzaldia, Diputazio plazan. Igandea, hilak 29 10:00: Diana auzotik, udal txistularien bandarekin. 12:00: Batasuna elkartearen danborrada, auzotik. 16:30: Taloak Diputazio plazan. 17:00: Puzgarriak, Diputazio plazan. 18:00: Futbol 3 txapelketa kirol eremuan (Mataderoan). Astelehena, hilak 30 09:00: Diana auzoan zehar. Egunean zehar: Haurraren Eguna. Tailerrak, puzgarriak eta jokoak izango dira, Diputazio plazan. 17:00: Futbolin txapelketa, Trebol tabernan. 17:30: Skate txapelketa Skate parkean (Mataderoan). 18:00: Saskibaloi 3×3 txapelketa kirol eremuan. 23:00: Berbena, Diputazio plazan. Asteartea, Maiatzak 1 09:00: Diana auzoko kaleetatik. 10:00-13:00: Arrantza txapelketa, Iztieta pasealekuan. 12:00: Meza parrokian. 12:00: Toka txapelketa, Hondarribia kalean. 14:00: Herriko bazkaria, Batasuna elkartean. 16:00: Haur joko eta tailerrak, Diputazio plazan. 18:30: Dantza erakustaldia, Diputazio plazan. Atsedenaldian: Sari banaketa. 21:00: [...]
Aritz, Unai, Goiatz, Aitzuri, Ane, Markel, Oier, Josune, Endika eta Nekane : Gazte Foruko kideak. Merkatruke azoka antolatu dute lehen aldiz. Etzi izango da, 16:30etik aurrera, plazan. Gazte Foruak lehendabiziko aldiz Merkatruke azoka antolatu du. Atzo arte, dirurik gabeko truke azoka horretan aldatzeko materiala bildu zuten Gazte Informazio Bulegoan, baina egunean bertan ere eraman daitezke trukatzeko objektuak azokara (etzi). Aritz, Unai, Goiatz, Aitzuri, Ane, Markel, Oier, Josune, Endika eta Nekane Gazte Foruko kideek azaldu dute zertan datzan truke azokak. Zergatik erabaki duzue Merkatruke azoka antolatzea? Nahi genuen jendea konturatzea dirua ez dela mundu honetan balio duen gauza bakarra, dirurik gabe ere lor daitezkeela gauzak. Gabonetan bigarren eskuko azoka egiten dugu, baina dirua erabiltzen dugu hor. Beste azoka mota bat egin nahi genuen. Zer trukatu daiteke? Eta nork? Liburuak, gailu elektronikoak, arropa, jostailuak… edozer gauza, etxean soberan duguna. Edonork har dezake parte merkatruke azokan, objektuak trukatuz. Nola funtzionatuko du Merkatruke azokak? Mahaiak jarriko ditugu eta gu egongo gara hor. Behar ez diren objektuak Gazte Informazio Bulegora eraman zitezkeen lehenengo. Han, bertako informatzaileak koloretako txartel bat eman die eraman dituztenei. Kolorearen arabera, mahai bateko edo besteko objektu bat hartu ahal izango dute. Txartel urdina mahai urdineko objektu batengatik trukatu ahal izango dute. [...]
Olaberriako Bitamine Espazioak Gregoire Lavigneren Partida de pesca en el prado goiburuko erakusketa inauguratuko du bihar, ostiralarekin, 19:00etan. Instalazio bat eta hainbat argazki erakutsiko ditu Lavignek Bitaminen.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
