Atez atekoaren alde egin dute pasa den legegintzaldiko hautetsiek
Agerraldia egin dute pasa den legegintzaldiko alkateek eta zinegotziek; irtenbide onena sistema hori dela uste dute Atez atekoaren aldeko jarrera berresteko, eta Gipuzkoan sistema hori martxan jarri nahi duten 34 udalerriei babesa emateko, agerraldia egin zuten ostiralean Donostian. Bertan izan ziren pasa den legentzaldian atez atekoa martxan jarri zuten Antzuolako, Hernaniko, Usurbilgo eta Oiartzungo Gobernu Taldeko kideak. Oiartzundik Pavel Viñas zinegotzi ohia izan zen prentsaurrekoan. Hernanitik, Marian Beitialarrangoitia alkate ohia. Usurbildik, Xabier Mikel Errekondo alkate izandakoa. Eta Antzuolatik Pedro Iturbe, hori ere alkate izana. Lau hautetsi ohiek gogorarazi zutenez, herritar guztiek sortzen dituzte hondakinak, eta guztiek parte hartu behar dute soluzioan: «Denok sortzen dugu arazoa, eta denok parte hartu behar dugu arazoarekin bukatzeko. Izan ere, hondakinen kontuak ez du kolorerik, ez du inolako kolore politikorik». Hondakinen arazoari soluzioa emateko sistema onena atez atekoa dela nabarmendu zuten: «Emaitzak ikusi besterik ez dago». Atez atekoa martxan jartzea inposizioa ez dela ere azaldu zuten, hori leporatzen dietenei erantzuteko: «Guri inposizioa leporatzen digute,baina herritarrak aintzat hartzen esperientzia dugu guk. Usurbilen, esaterako, egin zuten gaiaren gaineko herri galdeketa. Eta parte hartzea eskatzen duten horiek ez dute halakorik egin errausketarekin, esaterako». Hala, giroa nahasten eta jendea izutzen ari diren horiek aintzat ez hartzeko gomendioa eman zieten [...]
Agerraldia egin dute pasa den legegintzaldiko alkateek eta zinegotziek; irtenbide onena sistema hori dela uste dute
Atez atekoaren aldeko jarrera berresteko, eta Gipuzkoan sistema hori martxan jarri nahi duten 34 udalerriei babesa emateko, agerraldia egin zuten ostiralean Donostian. Bertan izan ziren pasa den legentzaldian atez atekoa martxan jarri zuten Antzuolako, Hernaniko, Usurbilgo eta Oiartzungo Gobernu Taldeko kideak.
Oiartzundik Pavel Viñas zinegotzi ohia izan zen prentsaurrekoan. Hernanitik, Marian Beitialarrangoitia alkate ohia. Usurbildik, Xabier Mikel Errekondo alkate izandakoa. Eta Antzuolatik Pedro Iturbe, hori ere alkate izana.
Lau hautetsi ohiek gogorarazi zutenez, herritar guztiek sortzen dituzte hondakinak, eta guztiek parte hartu behar dute soluzioan: «Denok sortzen dugu arazoa, eta denok parte hartu behar dugu arazoarekin bukatzeko. Izan ere, hondakinen kontuak ez du kolorerik, ez du inolako kolore politikorik». Hondakinen arazoari soluzioa emateko sistema onena atez atekoa dela nabarmendu zuten: «Emaitzak ikusi besterik ez dago».
Atez atekoa martxan jartzea inposizioa ez dela ere azaldu zuten, hori leporatzen dietenei erantzuteko: «Guri inposizioa leporatzen digute,baina herritarrak aintzat hartzen esperientzia dugu guk. Usurbilen, esaterako, egin zuten gaiaren gaineko herri galdeketa. Eta parte hartzea eskatzen duten horiek ez dute halakorik egin errausketarekin, esaterako».
Hala, giroa nahasten eta jendea izutzen ari diren horiek aintzat ez hartzeko gomendioa eman zieten orain atez atekoarekin lanean hasiko direnei: «Gure garaian berdina egin zuten, baina ez zuten lortu euren helburua, eta zuek ere hala egin behar duzue».
«Ohitura aldaketa txiki batek onura handiak ekartzen ditu», azaldu zuten berriro.
Atez atekoa martxan jarri nahi duten Gipuzkoako 34 udalerrien artean, Oarsoaldeko bi herri daude: Lezo eta Pasaia.
