Lanbarren txukuntzen hasi da Oiartzungo Udala
Eremuari eman zaion erabilera desegokiagatik degradatuta dago; beste eremu industrialetan gauza bera egin nahi du Lanbarren txukuntzen hasi da udala: «Eremuan egindako erabilera okerrak —kamioiak eta erremolkeak edozein gisara aparkatzeko erabili dute tokia garraiolari askok—, ingurua hondatu du eta jarduera ekonomiko berriak martxan jartzea oztopatu du». Udala gaizki utzitako kamioi horiek guztiak Lanbarrendik erretiratzen hasi da, eremua txukuntzen hasteko lehendabiziko neurri gisa. Horretarako, kamioientzako zepoak erosi ditu eta isunak jartzen hasi da. Behin kamioiak erretiratuta, konponketak egingo ditu eremua txukuntzeko: «Argiteri-altzariak konpondu, hondatuta dauden arketak aldatu…». Zazpi hilabeteko epean eremua berriz ere txukun egongo dela espero du udalak. Enpresekin lankidetzan Lanbarren txukuntzeko ezinbestekoa da bertan jarduera ekonomikoa duten enpresekin lankidetza, udalaren iritziz. Udalak jada egitasmoa aurkeztu die Lanbarrengo eremu logistikoan dauden enpresei (22tik 17rekin bildu da), haien ekarpenak ere jaso asmoz. Honela, Lanbarrengo eremuko enpresen zortzi ordezkarirekin lantaldea osatu du udalak. Udalak zenbait proposamen aurkeztu dizkie bertako enpresei, egoera hobetzeko: «Ingurua kamioiak aparkatzeko egokitzea eta enpresa bakoitzari bina plaza uztea, beste 30 plaza alokairu arrazional batean eskaintzea edota inguruan sartzen diren garraiolariak kontrolatzea». Enpresek neurri horietako batzuk begi onez ikusi dituzte eta beste batzuk egokitzeko proposamenak egin dituzte. Lanbarrengo eremu industrialean dauden enpresekin ere antzeko zerbait egingo du udalak: «Hauen [...]
Eremuari eman zaion erabilera desegokiagatik degradatuta dago; beste eremu industrialetan gauza bera egin nahi du
Lanbarren txukuntzen hasi da udala: «Eremuan egindako erabilera okerrak —kamioiak eta erremolkeak edozein gisara aparkatzeko erabili dute tokia garraiolari askok—, ingurua hondatu du eta jarduera ekonomiko berriak martxan jartzea oztopatu du».
Udala gaizki utzitako kamioi horiek guztiak Lanbarrendik erretiratzen hasi da, eremua txukuntzen hasteko lehendabiziko neurri gisa. Horretarako, kamioientzako zepoak erosi ditu eta isunak jartzen hasi da.
Behin kamioiak erretiratuta, konponketak egingo ditu eremua txukuntzeko: «Argiteri-altzariak konpondu, hondatuta dauden arketak aldatu…». Zazpi hilabeteko epean eremua berriz ere txukun egongo dela espero du udalak.
Enpresekin lankidetzan
Lanbarren txukuntzeko ezinbestekoa da bertan jarduera ekonomikoa duten enpresekin lankidetza, udalaren iritziz. Udalak jada egitasmoa aurkeztu die Lanbarrengo eremu logistikoan dauden enpresei (22tik 17rekin bildu da), haien ekarpenak ere jaso asmoz.
Honela, Lanbarrengo eremuko enpresen zortzi ordezkarirekin lantaldea osatu du udalak. Udalak zenbait proposamen aurkeztu dizkie bertako enpresei, egoera hobetzeko: «Ingurua kamioiak aparkatzeko egokitzea eta enpresa bakoitzari bina plaza uztea, beste 30 plaza alokairu arrazional batean eskaintzea edota inguruan sartzen diren garraiolariak kontrolatzea». Enpresek neurri horietako batzuk begi onez ikusi dituzte eta beste batzuk egokitzeko proposamenak egin dituzte.
Lanbarrengo eremu industrialean dauden enpresekin ere antzeko zerbait egingo du udalak: «Hauen beharrak jaso ondoren, ingurunea hobetzeko beharrak proposatuko dira». Lehendabiziko bileran, bertan dauden 12 enpresetatik 8rekin bildu da udala.
Lehiakortasun ekonomikoa
Oiartzungo Udalaren iritziz, krisi ekonomikoa kontuan hartuz, ezinbestekoa da jarduera ekonomikoa babesteko neurriak hartzea. Udalak bide horretan urratsak egiten jarraitzeko asmoa du, beti ere bere eskuduntzen baitan. Esfortzu garrantzitsua da eta Udalak gisako esfortzua egin nahiko luke herriko beste eremu industrialetan ere.
Kontuan hartzekoa da Lanbarren Gipuzkoako industrigune handiena dela, 500.000 metro koadroko eremuarekin. Udalaren baliabideak mugatuak direnez, ezinbestekoa da erakundeen arteko elkarlana gisa honetako eremuak biziberritu eta indartzeko.
