Kalitateari buruzko informazio saioa, gaur, Arma plazan
Hondarribiko Udalak, Higer Merkatarien Elkarteak eta Bidasoa Bizirik-ek, kalitatezko merkataritzari buruzko informazioa emateko saioa egingo dute gaur, 13:45etik aurrera, Arma plazako interpretazio zentroan. Ekimena Hondarribiko Merkataritza Biziberri...
Hondarribiko Udalak, Higer Merkatarien Elkarteak eta Bidasoa Bizirik-ek, kalitatezko merkataritzari buruzko informazioa emateko saioa egingo dute gaur, 13:45etik aurrera, Arma plazako interpretazio zentroan.
Ekimena Hondarribiko Merkataritza Biziberritzeko Planaren barruan antolatu dute, eta bezeroekiko harremana hobetu nahi duten Hondarribiko merkatariei zuzenduta dago. Hala, Merkalitatea ziurtagiria lortu duten Hondarribiko merkatarien esperientzia entzuteko aukera izango dute interesa dutenek.
Kalitatezko marka
Merkalitateari esker, «dendariek beste merkatarietatik bereizten dituen ziurtagiria lortzen dute», antolatzaileen arabera. Gipuzkoako Bazkundeak ematen die ziurtagiri hori baldintza zehatz batzuk betetzen dituzten dendei.
Hori lortzeko prozesu osoa doan da, Gipuzkoako Bazkundearen eta Eusko Jaurlaritzaren laguntzei esker.

