
Haizea eta sustraiak Iñaki Agirrek zuzendutako dokumentala ikusteko aukera izango da hilaren 16an Lezoko Kultura Aretoan, 18:30etik aurrera. Sarrera doan izango da. Ordu eta erdi irauten duen dokumental horrek Jon Paredes Manot Txiki 1975eko irailean, Franco diktadorearen azkenetan, fusilatutako ETAko militantearen bizitza du oinarri. Berarekin batera Anjel Otaegi bere erakundeko kidea eta FRAPeko beste hiru fusilatu zituzten egun hartan (Jose Humberto Baena, Jose Luis Sanchez Bravo eta Ramon Garcia Sanz). Horrela, Txikiren senideak eta militantzia kide izandakoek hari buruz hitz egiten dute, baita berak zituen ideien gainean ere. Hala ere, ez da historia pertsonala soilik. Txikiren bizitza dokumentalaren ildo nagusia den arren, frankismoaren azken urteetako testuingurua zein izan zen kontatzen dute. Hala, Miguel Castells edo Francisco Letamendia abokatu eta politika munduan ibilitakoek ere hitza hartzen dute. Horrez gain, garai hura bizi zuten beste hainbatek ere euren testigantza ematen dute. Dokumental horrekin memoria historikoa berreskuratzeko ahalegina egiten dute egileek eta parte hartzaileek. Argia emanaldiak Haizea eta sustraiak dokumentala Argia Emanaldiak ekimenaren barruan dago. Ekimen horren helburua da euskarazko kalitatezko dokumentalak ematea, jatorrizko bertsioan zein azpititularrekin (hilaren 16ko dokumentalak gaztelerazko zatiak ditu). Dagoeneko Euskal Herri osoko 30 elkartek baino gehiagok hartu dute parte edo hartuko dute parte ekimenean. Argiarekin batera, Lezoko [...]

LAB sindikatuko ordezkariak etzi goizean bilera egingo dute Ibai Ondon, 09:30ean. Sindikatuak jakinarazi duenez, martxoaren 29ko greba orokorra prestatzeko izango da bilera. Horrez gain, enpresa batzordeetako bilerak egiteko laguntza emango dutela jaki...

Oiartzungo Bertso Eskolakoek bertso poteoa antolatu dute larunbaterako. Oiartzunen tabernaz taberna egingo dute, eta 19:30ean hasiko da, Amazkarren. Beñat Gaztelumendi, Andoni Egaña eta Iñaki Gurrutxaga izango dira bertsolari gonbidatuak. Azken urte...

Igande goizean, hilaren 11n, Udaberriko Torneoa egingo dute Elorsoro kiroldegian, Tximeleta taldeak antolatuta. Gipuzkoako gimnastika erritmikoko federazioarekin batera antolatutakoa da torneoa, eta Gipuzkoako hainbat herritako alebinek, infatilek eta ...

Hip hop talde ezagunenetakoak, bere azken lana aurkeztuko du; artista gonbidatuak izango dira. Trintxerpe-Bidebietako Kontadores gaztelekuak Falsa Alarma hip hop talde katalanaren (Las Termes de Sabadell, Bartzelona) kontzertua antolatu du larunbaterak...

Apirilaren 5ean Arratera joango dira eta apirilaren 7an Oñatira, jendea animatuz gero, autobusean. Pozez hartu dute Astarloza Taldeko kideek albistea. Arazo ekonomikoak itota desagertzear izan den Euskal Herriko Itzulia egingo dela jakin da herenegun,...

Ordezkaritza duten udaletan prozesu parte hartzaileak zabal daitezen eskatuko dute, mozio bidez. Herritarrek «zaborren bilketaren eta tratamenduaren inguruan «benetako informazioa, gardena eta osoa» izan dezan nahi du Ezker Anitzak, baita erraustearen arriskuen inguruan ere, eta hori dela eta, ordezkaritza duen udaletan gaiari buruzko parte hartze foroak abiatu daitezen eskatuko duela iragarri du. Mozio bidez egingo dute eskaera, udalbatzarretan, «udalerriek bitartekoak ezarri ditzaten hiritarren iritzia ezagutzeko». «Zinismoa eta hipokresia» Atez atekoaren harira, Ezker Anitzak «zinismoa eta hipokresi politikoa» egotzi die EAJri eta PSEri , PPren laguntzaz «erreferendumak egitea oztopatzen duen foru araua onartu zutelako». Horrez gain, errausketaren kontrako hiritar ekimeneko 35.000 sinadurak «paperontzira botatzea» leporatzen die arestian aipatutako hiru alderdiri, «legebiltzarrean eztabaidatu gabe». Hausnarketarako galdera zuzena eta zehatza ere zuzentzen die: «prest egongo lirateke EAJ, PSE eta PP herritarrei ea beren herritan errauste plantarik nahi duten galdetzeko?». Bildu «trakets» Atez atekoaren gainean sortu den eztabaidan Bilduk jokatutako papera kritikatu du ere Ezker Anitzak, «aldebakarraz iragarri duelako non eta noiz ezarriko diren atez ateko sistemak, aurretik inorekin hitz egin gabe, eta gainera modu traketsean, EAJk, PSEk eta PPk nahi duten eztabaidan sarturik». Ezker Anitzaren ustez, Bilduk hartutako jarreraren ondorioz herritarrek «inposizio bat bezala» ikusi dute atez atekoaren iragarpena «pertsona askoren haserrea eraginez». [...]

Betti Gotti Euskara Kultur Elkartea San Martzial Jaietako herri bazkaria arriskuan ikusi duelako horren aldeko sinadurak biltzen hasi da. “Murrizketa garai hauetan, hain polita den ekitaldiaren aldeko apustua egin nahi dugu”, esan dute. Ald...

Emakumearen Astearen barruan poesia errezitaldia antolatu du Argoiak elkarteak gaurko, Por y para las mujeres goiburuarekin. Rosa Gomezek idatzitako izen bereko liburuaren aurkezpena izango da.

Hilaren 19an beteko dira 50 urte Aljeriako gerra bukatu zela. Herriko Etxeak data horri lotutako elkarretaratzea egingo du egun horretan, 19:00etatik aurrera, Gaztelu Zahar plazan. Ondoren aperitifa banatuko dute.

Etxe jabeek ere martxoan eskatu behar dute Ondasun Higiezinen Gaineko zergarako diru laguntza . Beren etxeak Etxebizitza Hutsa Programan-n alokairuan jarri duten pasaitarrek hobariak jastozeko eskubidea dute. Interesdunek hilaren 15era arteko epea dute...

Ardanatz eta Labiano arteko bidea egingo dute mendizaleek, Irulegiko gaina zeharkatuz. Hurrengo larunbatean, hilak 10, Iruñerriko itzuliko (Gr-220) bigarren ibilbidea egingo dute Jaizkibel Mendizale Taldeko kideek, Ardanatz eta Labiano artean. Hamabost kilometroko bidea egingo dute, eta guztira 700 metroko desnibela izango du. Ardanatzen hasiko dute ibilbidea, hiriburutik ekialdera dagoen herrian. Gorantz hasiko dira, zazpigarren kilometroan Irulegiko gaina (893 metro) zapaldu arte. Izen bereko gazteluaren aztarrenak daude bertan. Hortik Taxoare mendizerratik jarraituko dute, Lubiano herriraino. Informazio gehiago nahi duenak elkarteko telefono zenbakira dei dezake (943 51 47 00), asteazken eta ostiraletan, 19:30etik aurrera. Webgunean ere irteera bakoitzaren informazio jartzeko ohitura dute Jaizkibelekoak: www.jaizkibelmt.tk.

Gaur, Oiartzun Irratiko Kirolez blai!-n OKEren Ohorezko Erregionaleko taldearen eta Realaren denboraldiak aztertuko dituzte, Beñat Apaolaza eta Unai Arbelaitzekin (OKE), eta David Zurutuza, Asier Illarramendi eta Iñigo Martinezekin (Reala). Saioa 13:...

Emakumearen Asteari lotutako ekitaldien barruan, Gaurko Andreak emakume taldeak Ruth Lopezen Los paraos, mujeres en lucha dokumentalaren emanaldia antolatu du gaurko. Nabartenean izango da, 19:30etik aurrera.

Maider Galarza ipuin kontalariak Ipuin ahokadak ipuin saioa prestatu du gaurko udal liburutegian, 3 eta 7 urte bitarteko haur euskaldunei zuzenduta.

Jose Maria Zabalza irundar zinegilearen gainean Amaia Kultur Zentroan antolatu duten erakusketaren harira, Zabalzaren hainbat pelikula proiektatuko dituzte Amaian, auditorioan batzuk, eta hitzaldi aretoan beste batzuk. Aste honetan Julieta engaña a Romeo (gaur) eta Yo no soy un asesino ikusteko aukera izango da, biak hitzaldi aretoan biak. Erakusketak irundar zuzendari handietako baten figura berreskuratzen du, haren lanak nabarmentzen diren jatorriko zenbait materialen bidez. Jose Maria Zabalza; Irundar zinezale amorratua erakusketa martxoaren 2tik apirilaren 22ra bisitatu ahal izango da, Amaia KZn, ohizko ordutegian: asteartetik larunbatera, 18:00etatik 21:00etara, eta igande eta jaiegunetan, 11:30etik 13:00era. Gurutz Albisu, irundar zuzendariari buruzko liburuaren egilea da erakusketako komisarioa. Auditorioan: Martxoak 16: 20:00etan. Suburbios (1950) 11 min.; También hay cielo sobre el mar (1955) 72 min. Martxoak 30: 20:00etan. Tragedia muy… muy íntima (1951) 12 min.; Entierro de un funcionario en primavera (1958) 75 min. Hitzaldi-aretoan: Martxoak 7 eta 28: 19:30ean. Julieta engaña a Romeo (1964). Martxoak 8 eta 27: 19:30ean. Yo no soy un asesino (1963). Martxoak 13 eta apirilak 12 19:30ean. Homicidios en Chicago (1968). Martxoak 14 eta apirilak 11: 19:30ean. Camerino sin biombo (1965). Martxoak 21 eta apirilak 19: 19:30ean. Plomo sobre Dallas (1969). Martxoak 22 eta apirilak 18 19:30ean. La Furia del hombre [...]

Genealogia topaketa izango da ostiralean, Meakako bizilagun elkartean. Informazioa lortzeko artxiboak nola kontsultatu eta zuhaitz genealogikoak nola osatu azalduko dute bertan.

Hamabi partida jarraian, horiek dira Real Unionek irabazi gabe daramatzanak. Larunbatean, aspaldiko partez, partida ona jokatu zuten irundarrek goiko postuetan dagoen Amorebietaren aurka, baina ezin izan zuten bizkaitarren atea zulatu eta puntu bakarra...

Irungo Leka Enea mahai tenis taldeko Endika Diez jokalari gasteiztarrak urrea lortu du asteburuan, Almerian (Andaluzia, Espainia) binakako Espainiako Mahai Tenis Txapelketan, Alvaro Robles madrildarrarekin bikotea osatuz (San Sebastian de los Reyes taldean jokatzen du). Diezek eta Roblesek, Jose Luis Machadori eta Jesus Canterori irabazi zieten finalean, 2-3ko emaitzarekin. Horrela, Leka Eneako gazteak 2010ean Antequeran (Murtzia, Espainia) lortutako lehen postua bererretsi du. Iaz Diez eta Robles txapelketa horren finalera iritsi ziren, baina Marc Duran (Borges) eta Oriol Monzonentzat (Olesa) izan zen urrea (3-2). Almeriako banakako lehian Diezek eta Roblesek brontzezko domina lortu zuten. Urrea Carlos David Machadorentzat (Priego) izan zen, eta zilarra Marc Duranentzat (Borges). Astebete lehenago, bestalde, 23 urtez azpikoen txapelketa egin zuten Almerian bertan, eta hor lortu zituzten Irungo jokalariek emaitzarik onenak, taldekako lehen postua irabazi baitzuten. Leka Eneak Caja Granadaren aurka jokatu zuen finala, eta irabazi (3-1). Maila horretan ere, helduetan bezala, lehen postua lortu zuten Endika Diezek eta Alvaro Roblesek, CajaSur Priegoko Moises Alvarez eta Ivan Cuevasi irabazita. Banaka ere Endika Diezentzat izan zen urrea, iaz bezala. Aurten Marc Caymel (Falcons Sabadell) garaitu zuen finalean Diezek. Errege Kopan ere ondo Espainiako Txapelketarekin batera Espainiako Errege eta Erreginaren kopak jokatu diztuzte asteburuan Almerian. Gizonetan Leka Enea finalerdietara [...]