Euskaldunan izango da Andra Mari Abesbatza bihar eta etzi
Bilboko Orkestra Sinfonikoaren 90. urteurrenaren harira Euskalduna Jauregian antolatu duten programazioaren barruan parte hartuko du Andra Mari Abesbatzak. Easo eta Araba abesbatzetako kideekin batera ariko dira Andra Marikoak bihar eta etzi Euskalduna...
Bilboko Orkestra Sinfonikoaren 90. urteurrenaren harira Euskalduna Jauregian antolatu duten programazioaren barruan parte hartuko du Andra Mari Abesbatzak. Easo eta Araba abesbatzetako kideekin batera ariko dira Andra Marikoak bihar eta etzi Euskaldunan, eta bertan, Arnold Schonbergen Gurre-Lieder (Gurreren abestiak) lana taularatuko dute.
Bakarlari handiekin batera
Guztira, 160 ahotsekin osatutako abesbatza ariko da bihar eta etziko emanaldietan, “Bilboko Orkestra Sinfonikoarekin eta bakarlari handiekin”, zehaztu dute Andra Marikoek.
Besteak beste, Anne Swanewillms sopranoa, Torsten Kerl tenorea, Lilli Paasikibi mezzosopranoa, John Frederik West narratzailea, Arnold Bezuyen tenorea eta Fernando Latorre baritonoa ariko dira emanaldian hiru abesbatzetako kideekin eta orkestrarekin batera.
Gurre-Lieder lanak, musika eta abesbatza talde zabalak eskatzen dituela zehaztu dute Andra Mari Abesbatzako kideek eta hori dela eta, oso gutxitan jotzen dela.
