Espainiako Txakurkros Kopako azken lasterketa jokatuko dute igandean
Igandean, 11:00etatik aurrera, jokatuko dute Errenteriako V. Txakurkrosa, eta aurten berritasun gisa Espainiako Kopako lasterketa egingo dute. Txakurkrosa Oarsoaldean lasterketaren antolatzaileak zehaztu duenez, iaz ere saiatu ziren lehia hori ere herrian antolatzen, baina arazo teknikoak medio ez zuten lortu. Aurten eskaera garaiz egin dutenez, bertan egingo dute. Espainiako lehiarekin batera, II. Gipuzkoko Txakurkros Txapelketa izango da jokoan. Iaz, azken hiru urteetan bezala, Pedro Etxeberria izan zen garailea. Hala ere, Txakurkrosa Oarsoaldean taldeko Iban Angulo lezoarrak Gipuzkoako Txapelketa irabazteko aukerarekin edo, behintzat, podiumera igotzeko aukerarekin ikusten du taldeak. Horiek izango dira parte hartzaileetako batzuk. Oraingoz, 53 korrikalarik eman dute izena, baina azken unean kopuru hori igotzea espero dute antolatzaileek, eta iazkora hurbidu. “80-100 korrikalari izanez gero, pozik egoteko moduan gaude”, adierazi du Patxi Azpiazu Txakurkrosa Oarsoaldean taldeko kideak. Izan ere, Gipuzkoan jokatu diren sei lehietan azken orduko izen emate ugari ikusi dituzte, eta hori Errenterian ere gertatuko delakoan dago. Hala ere, etzi baino lehen izena ematen dutenentzako oroigarria eta poltsa prestatu dituztela jakinarazi du. Iazko ibilbide berbera egingo dute, 6,3 kilometrokoa, eta Susperregin hasi eta bukatuko dute. Toki hori ikusle zein korrikalarientzat aproposa dela iritzi dio Azpiazuk. Aurten, ordea, errepidea itxiko dutela azaldu du, iaz arazoak izan baitzituzten autoekin. Horrenbestez, trafikoa [...]
Igandean, 11:00etatik aurrera, jokatuko dute Errenteriako V. Txakurkrosa, eta aurten berritasun gisa Espainiako Kopako lasterketa egingo dute. Txakurkrosa Oarsoaldean lasterketaren antolatzaileak zehaztu duenez, iaz ere saiatu ziren lehia hori ere herrian antolatzen, baina arazo teknikoak medio ez zuten lortu. Aurten eskaera garaiz egin dutenez, bertan egingo dute.
Espainiako lehiarekin batera, II. Gipuzkoko Txakurkros Txapelketa izango da jokoan. Iaz, azken hiru urteetan bezala, Pedro Etxeberria izan zen garailea. Hala ere, Txakurkrosa Oarsoaldean taldeko Iban Angulo lezoarrak Gipuzkoako Txapelketa irabazteko aukerarekin edo, behintzat, podiumera igotzeko aukerarekin ikusten du taldeak.
Horiek izango dira parte hartzaileetako batzuk. Oraingoz, 53 korrikalarik eman dute izena, baina azken unean kopuru hori igotzea espero dute antolatzaileek, eta iazkora hurbidu. “80-100 korrikalari izanez gero, pozik egoteko moduan gaude”, adierazi du Patxi Azpiazu Txakurkrosa Oarsoaldean taldeko kideak. Izan ere, Gipuzkoan jokatu diren sei lehietan azken orduko izen emate ugari ikusi dituzte, eta hori Errenterian ere gertatuko delakoan dago. Hala ere, etzi baino lehen izena ematen dutenentzako oroigarria eta poltsa prestatu dituztela jakinarazi du.
Iazko ibilbide berbera egingo dute, 6,3 kilometrokoa, eta Susperregin hasi eta bukatuko dute. Toki hori ikusle zein korrikalarientzat aproposa dela iritzi dio Azpiazuk. Aurten, ordea, errepidea itxiko dutela azaldu du, iaz arazoak izan baitzituzten autoekin. Horrenbestez, trafikoa zuzentzen ariko dira, eta Listorretako aparkalekua betetzen denean, bertaratzen direnek oinez egin beharko dute azken tartea.
Helduen lasterketaren ostean haurrena izango da. Egunean bertan izena emateko aukera izango den arren, aurretik egiteko gomendatu dute antolatzaileek, arroskenea[a bildua]telefonica.net helbidean.
