Atez ateakoaren azterketarik ez dela egin dio EAJk
Udal gobernu taldeak gaiaren gaineko bozeramaileen batzordea deitu ez duelako kexu da EAJ EAJk ez du gustuko izan gobernu taldearen erantzuna. Atez atekoari buruz azalpenak eskatzeko bozeramaileen batzordea deitzea eskatu zioten jeltzaleek udal gobern...
Udal gobernu taldeak gaiaren gaineko bozeramaileen batzordea deitu ez duelako kexu da EAJ
EAJk ez du gustuko izan gobernu taldearen erantzuna. Atez atekoari buruz azalpenak eskatzeko bozeramaileen batzordea deitzea eskatu zioten jeltzaleek udal gobernu taldeari lehengo astean. EAJren arabera alkateak ezezkoarekin erantzun die, eta «zentzugabetzat» jo du erantzuna.
Jeltzaleen bozeramaile Nahikari Oterminek azaldu duenez «eskaera horretan, gure herrian atez atekoa ezartzeko eta honen bideragarritasuna aztertzeko egin ziren txostenak, gainontzeko taldeei zuzenean azaltzea eskatzen» zuen Pasaiako EAJk.
Oterminek dioenez, erantzunean alkatetzak «inongo azterketarik ez dagoela» onartzen du. Are gehiago, EAJren arabera, udal gobernu taldeak maiatzean ekingo dio atez atekoaren bideragarritasuna aztertzeari, «udalbatzarrean erabakia hartu ondoren». «Ikuspuntu logiko baten aldetik, erabakiak honen ondorioak zeintzuk izango diren jakinda hartu behar dira, kasu honetan, ondorio praktiko eta ekonomikoak zeintzuk izango diren jakinda», kexatu da EAJ.
«Gezurretan»
Horrez gain, Bildu «gezurretan» ari dela uste du EAJk, eta beren hauteskunde programan atez atekoaren aldeko apustu garbirik zegoenik ukatu dute jeltzaleek. «Bilduren programan ez da gai honi buruzko inongo aipamenik egiten», salatu du EAJk, gobernu taldeak esandakoak ukatuz.
1pasaia@hitza.info
