2012/2

Foru funtsa nola itzuli erabakitzeko bozeramaileen bilera eskatu du PSE-EEk

Joan den astean udalaren eta aldundiaren arduradunek foru funtsaren inguruan eginiko bileraren ostean, Pasaiako Udaleko Bozeramaileen Batzordea deitzeko eskatu du PSE-EEk. “Oso garrantzitsua da lehen eskutik jakitea zeintzuk diren aldundiak propo...

admin

Minervaren Foroa izango da larunbatean Oiasson

Oiasso Erromatar Museoak Minervaren Foroa antolatu du larunbaterako. Baskoien meatzaritza hitzaldia emango du Mertxe Urteaga museoko zuzendari eta arkeologoak, 18:00etatik aurrera. Ondotik, Arditurri: itzal eta argi hizketaldia izango da, Itxaro Borda ...

admin

Stop Deshaucios-ek hitzaldia emango du bihar

Stop Deshaucios taldeko kideek hitzaldia emango dute bihar udalerrian. Reina Aretoan izango da solasaldia, 19:30etik aurrera. Stop Deshaucios taldetik herritar guztiak deitu dituzte hitzaldian parte hartzera.

admin

Elurra eta hotz handia iragarri dute datozen egunetarako, gauetik hasita

Gaur gauean elurra egin dezake Oarso Bidasoan, eta antzerako iragarpena egin dute biharko ere, mendietan zein itsas mailan. Ez omen du asko zurituko, baina elur maila kostalderaino jaitsiko da. Tenperaturak zero azpitik kokatuko dira eta gauero izoztu dezake, baita bihar egunez ere. Larunbata arte ez dute termometroek goranzko joera hartuko. Ostegun goizean elur malutak botatzen hasi zenetik, denboraleak buruhauste bat baino gehiago eragin ditu han eta hemen. Hala, Oarsoaldean batez ere, larunbat eguerdian hasi zen elurteak errepideak kolapsatu egin zituen Trintxerpe eta Oiartzun bitartean. Antxon, N-1 errepidea itxita egon zen hainbat orduz, eta barrutiaren saihesbide berria ez zuten zabaldu elurra kentzeko makinak agertu ziren arte. Errenteria-Orereta ere ederki zuritu zen, eta goialdeko auzoetako maldetan —Beraunen batez ere— arazoak izan zituzten herritarrek. Oiartzunen eta Lezon ere ederki asko zuritu zituen bazterrak elurrak. Larunbat goizean elur dezente bota zuen ere Hondarribian, eta eguerdirako hiriko auzo guztiak zurituta zeuden, baita hondartza ere. Horregatik, ezin izan zuten abiatu Euskal Herriko Arrantza Txapelketa. Musika Eskolako ikasleek ere ezin izan zuten santa eskean atera. Irunen ere elurra egin zuen, baina ez zuen arazo gehiegirik sortu. Iragarpenak betetzen ari zirela ikusita, aldez aurretik bertan behera utzi zituzten, esaterako, asteburuko eskola kirol ekitaldi guztiak. Gainera, izotzak afizionatuen kirol gehienetako [...]

admin

Sanferminetako egitaraua prestatzen hasteko bilera

Bihar arratsaldean Antxoko Jai Batzordeak bilera egingo du, Azokan, San Fermin jaiei begira egiten ari diren eztabaida prozesuarekin jarraitu eta 2012ko egitaraua prestatzen hasteko. Herritarrei dei egin diete eztabaidan parte har dezaten. 20:00etan ha...

admin

Bixi-Bixik bertso eskola sortu du, gaztetxoentzat

Bixi-Bixi Kultur Elkarteak gaztetxoentzako bertso eskola osatzea lortu du. Ostiralero elkartuko dira, 17:00etan; elkartetik esan dutenez dagoeneko sei neska-mutilek eman dute izena bertso eskoletan. Irakaslea Arkaitz Oiartzabal Xamoa da, eta Bixi-Bixik...

admin

Abu-Jamalen gaineko filma, Zine Txiroaren eskutik

Nire bizitza osoa espetxean, Mumia Abu-Jamal kazetari, pantera beltza eta 1981. urtetik preso dagoen estatubatuarraren gaineko filma emango dute Mikelazulo Kultur Elkartean. Zine Txiroaren barruan antolatu du emanaldia Mikelazulok eta etzi, 19:30etatik aurrera ikus dezakete lana elkartera bertaratzen diren lagunek. Marc Evans zuzendariaren filmean, Willian Francome, “erdi mailako zuri arrunta” antolatzaileen arabera, Ameriketako Estatu Batuetako (AEB) sistema judizialaren itzalen barnerantz abiatuko da, heriotzaren korridorean dagoen preso famatuenaren nondik norakoak ezagutzeko: Mumia Abu-Jamalenak, hain zuzen ere. Francome berak azaldu du bera eta Mumia Abu-Jamalen arteko harremana. 1981. urteko abenduaren 9an jaio zen Francome, Londresen: “Egun horretan bertan, 5.000 kilometrora, pantera beltz eta kazetari iraultzaile zen aktibista bat polizia bat hiltzea leporatuta atxilotu zuten Filadelfian. Bere errugabetasuna defendatu zuen arren, heriotza zigorra ezarri zioten, eta ordutik bere exekuzioaren zain dago”. Mumiaren lagun taldea Filmaren emanaldiaren ostean, solasaldia antolatu dute. Bertan, Euskal Herriko Mumiaren aldeko taldeko kideak izango dira . Mumiak 30 urte bete ditu espetxean, eta abenduaren 7an heriotz zigorra behin betiko ezeztatu ziotenetik, isolamendu guneetan izan dute. “Azken sei asteetan, korridorean baino baldintza okerragoetan” izan dutela salatu dute Mumiaren askatasunaren aldeko taldeek. Mahanoy (Pensilvania, AEB) espetxean aurkitzen da egun Mumia Abu-Jamal, eta bizitza orokorreko gunera aldatzeko agindua eman dute agintariek, “mundu [...]

admin

Nuendo erabiltzen ikasteko aukera, Gaztelekuan

Nuendo audio edizio eta masterizazio programa bat da. Hori erabiltzen irakatsiko dute Altzibarko Gaztelekuan, gaurtik aurrera. Interesa dutenek 19:00etan agertu behar dute gaur bertara. Eskolak astearteetan eta ostegunetan emango dituzte, 19:00etatik aurrera.  

admin

Bi urte eta sei hilabeteko kartzela ustez sei hondeamakina lapurtzeagatik

2009an egin zituen lapurretak Oiartzunen eta Langraiz Okan; 2.813 euro eskatzen dizkio enpresa batek Bi urte eta sei hilabeteko kartzela zigorra eskatu du Gipuzkoako Fiskaltzak ustez sei hondeamakina lapurtu dituen gizonezko batentzat. Horrekin batera,...

admin

Ihes egin dio partidak Bidasoa eskubaloi taldeari

Puente Genil taldearen etxean aritu zen Bidasoa eskubaloi taldea asteburuan. 25-20ko emaitzarekin iritsi zen partida bukaerara. Irundarrak ondo hasi arren, baina lehen zatiaren azken hamar minutuetan partidatik kanpo gelditu ziren. Irungo Gaztiak bere ...

admin

Elurra eta hotza, gaur gauetik hasita

Gauerako zein biharko elurra iragarri dute, itsas mailaraino. Tenperaturak zero azpitik ibiliko dira, eta izotza egingo du gauetan, eta baliteke egunez ere egitea. Hala, arretaz ibiltzeko deia egin dute. Aurreko asteburuan ere, denboraleak hainbat buru...

admin

Emakumeenganako indarkeria gaitzesteko puntu lilak jarriko dituzte

Errenteriako Berdintasun Kontseilua puntu lilak banatzen hasi da herriko denda, jatetxe, ile-apaindegi, taberna eta komertzio guztietan. Ostiralean bidali zituzten eskutitzak komertzio guztietara, eta aste honetan zehar hasiko dira emakumeenganako indarkeria gaitzesteko puntu lilak euren establezimenduen atarian jartzen. Errenkoalde merkataritza elkartea ere dagoeneko batzuk banatzen hasi dela jakinarazi du kontseiluak. Hain zuzen, emakumeen kontrako indarkeriak “kezkatzen” du Berdintasun Kontseilua, eta horren aurrean “zerbait” egitearren erabaki du pauso hori ematea. Izan ere, “emakumeenganako harreman oldarkor eta bortitz horrekin amaitzeko” ezinbestekotzat jo du herriak “indarkeria hori salatu eta bere konpromisoa eskaintzea aurrerantzean horrelako indarkeriarik eman ez dadin”. 2008ko abenduan Agustinetan hil zuten Clara Rangel Romeroren hilketaren auziak ere eragin du erabaki horretan: “Bere bikotekidea hurrengo hilabeteetan epaituko dute, eta herri honetan horrelako gertaerarik ez dugula onartzen ozen eta aho batez adierazi behar dugu”. Ildo horretatik, Garazi Lopez Etxezarreta Berdintasun zinegotziak jakinarazi du oraindik ezer erabakita ez dagoen arren, udala aztertzen ari dela akusazio partikular gisa aurkeztea. Aukera badago “prest” egongo dela adierazi du. Isilpeko indarkeria Berdintasun Kontseiluak gogorarazi du emakumeen hilketa gehien nabarmentzen den arazo soziala baldin bada ere, “egunero isilpean indarkeria jasaten duten emakume asko” daudela Errenteria-Oreretan. Establezimendu guztiei eskatu die euren atarietan puntu lila jartzeko. Espero dute datozen egunetan emakumeenganako indarkeriaren [...]

admin

Ihoteak asteburuan ospatuko dituzte herrian

Gaur goizean aurkeztu dituzte udaletxeko areto nagusian. Bertan izan dira Asier Legorburu Kultura zinegotzia, eta Ihote Taldeko hainbat kide.

admin

Literatur solasaldiak, gaur eta bihar, Xenpelar Etxean

Literatur solasaldiak egingo dituzte Xenpelar Etxean gaur eta bihar. Gaur, 19:00etatik 21:00etara, Lluis Maria Tordo idazlearen El mal francés liburuaren gainean ariko dira, Jose Luis Canchok koordinatuta. Bihar, berriz, ordu eta leku berean, Karmele ...

admin

Larunbatean Iruñerriko itzulia hasiko dute Jaizkibeleko mendizaleek

Jaizkibel Mendizale Taldea Iruñerriko Itzulia egiten hasiko da datorren larunbatean, hilaren 11n, Zabaldikatik Ardanatzerako bidea eginez. Errenteriatik joan nahi duenak 07:15ean har dezake autobusa, eta Antxon hartu nahi dutenek, 07:30ean. Txangoaren prezioa 15 eurokoa izango da. Iruñerriko Itzulia GR-220 ibilbide historikoak egiten duen bide biribila da, 114 kilometrokoa eta zailtasun handirik gabekoa. Estraineko egunerako 15,4 kilometroko jardunaldi bat prestatu dute, Zabaldikatik Ardanatzera doana. Tartean Irotz, Altzuza eta Egues herrietatik igaroko dira. Informazio gehiago eskuratzeko 943 51 47 00 telefono zenbakira dei dezakete interesdunek, edo elkartearen webgunea bisitatu: www.jaizkibelmt.tk.

admin

Aranburuk ez du eskuz banakako txapela lortu

EPLEko Antton Aranburuk ez zuen lortu azkenik Gipuzkoako Eskuz Banakako Txapelketa irabaztea. Larunbatean Irungo Artelekun jokatutako finalean, 40-21 galdu zuen Hernaniko Alvarezen kontra. Alvarezek ez zion aukerarik eman EPLEko pilotariari. Beraz, txa...

admin

Oiartzungo bi bikote, Euskal Herriko Mus Txapelketako Gipuzkoako kanporaketan

Larunbatean jokatu zuten Girizia elkartean Euskal Herriko Mus Txapelketaren barneko herriko kanporaketa. Hamabost bikotek hartu zuten parte. Gehiago ere espero zituzten antolatzaileek, baina ordubete lehenago elurra hasi zuen, eta hainbat muslari etxean geratu ziren. Hala, 16:00etan hasi ziren jokatzen, eta 20:30ean bukatu zuten. Jesus Manzisidor Xardiña eta Iñaki Ercibengoa izan ziren txapeldunak, eta Jon Goikoetxea eta Mikel Odriozola txapeldunordeak. Bi bikote horiek sailkatu dira Gipuzkoako kanporaketarako. Hilaren 25ean izango da, 15:00etan Segurako Larresoro pilotalekuan. Oiartzungo kanporaketako antolatzaileek eskerrak eman dizkiete larunbateko saioa antolatzen lagundu zieten guztiei.

admin

Bihar aurkeztuko du Kukaik ‘Out/In’ ikuskizuna

Kukai dantza konpainiak bihar goizean aurkeztuko du Out/in ikuskizuna, nahiz eta estreinaldi ofiziala, igandean izango den, 19:00etatik aurrera, Errenteria Hiria Kulturgunean. Sarrerak dagoeneko salgai daude Errenteria Hiria Kulturguneko lehiatilan, 7 ...

admin

Bana egin du Allerruk Zumaian

Eguraldia izan da protagonista asteburuko partidetan. Izan ere, herriko taldeek jokatu behar zituzten bost partidetatik bi bakarrik jokatu zituzten, eta besteak bertan behera utzi zituzten. Emaitza positibo bakarra Allerruko nesken futbol taldekoek lortu zuten. Izan ere, herenegun eguerdian Zumaiakoren zelaian jokatu zuten, eta puntu bat urratzea lortu zuten. Bana berdindu zuten zuri-berdeek. Gipuzkoako Emakumeen Ligako Igoera Faseko bosgarren puntua urratu dute horrela lezoarrek. Lau jardunaldiren ondoren, laugarren postuan daude Allerrukoak (zortzi dira multzoan). Hala ere, atzetik dituzten hiru aurkarik partida bat gutxiago jokatu dute.   Saskibaloikoek, ia Bestalde, Allerruko saskibaloi taldeak puntu bakarragatik galdu zuten Donostian, Easo Zahar taldearen kontra: 67-66. Denboraldiko bederatzigarren porrota da lezoarrentzat. Bestalde, herriko hiru taldek ez zuten partidarik jokatu: Erregional Preferenteko eta Lehen Erregionaleko Allerruk, eta areto futboleko Allerru-Jaizkibelek. Lehenengoek Andoainen jokatu behar zuten, eta beste biek Errenteria-Oreretan.

admin
Gehiago