
Sutea izan zen Irungo Arbesko Errotan, atzo gaueko 23:30ak aldera. 30 lagun euren etxeetatik atera behar izan zituzten eta ondorioz, horietako batzuk hotelean igaro behar izan dute gaua. Zauriturik izan ez den arren, lagun bat Bidasoako erietxera eram...

Bihar, larunbatean, Euskal Herriko Mus Txapelketako kanporaketak egingo dituzte, Antxon, San Pedron eta Trintxerpen. San Pedroko kanporaketa Antxeta elkartean egingo dute, Trintxerpekoa Trintxer elkartean eta Antxokoa, Basari elkartean. Basarin herri b...

Hondarribiko Udaleko Hirigintza sailak 1,3 milioi euroko aurrekontua du aurten. Zati bat, Domingotxonea Udal hilerriko jardin gunean egingo duten Udal beilatokiaren aurreproiektua idazteko izango da. Hala azaldu zuen herenegun Aitor Kerejetak, Hondarri...

Hondarribia-Irun emakumeen saskibaloi taldeak oso garaipen garrantzitsua lortu zuen herenegun arratsean Hondartza kiroldegian: Nafarroako Obenasa taldea 73-55 emaitzarekin gainditu zuen Euskal Herriko taldeen arteko derbian. Azken laurdenean lortu zuten errenta bidasoarrek. Horrenbestez, sailkapen nagusian jaitsiera postuetan egotetik, bi koska gora egin dute Pepelu Mujikak entrenatzen dituen jokalariak, eta bost garaipen eta 23 puntu dituzte Emakumeen Ligako sailkapen nagusian. Obenasaz gain, Celta taldea ere atzean utzi dute. Nafarrek eta galiziarrek lau garaipen eta 22 puntu dituzte. Gainera, gainean duen taldearekin —Caja Rural Vinos de Toro— puntuetan berdinduta daude berdeak. Beraz, herenegungo garaipena oso garrantzitsua izan zen jaitsiera saihesteko bidean. Aldea, azken laurdenean Hondarribia-Irunek lortu zuen hemezortzi puntuko aldea, ordea, engainagarria da. Izan ere, partida osoan zehar emaitza orekatua izan zen. Horren erakusle da bi taldeak atsedenaldira 31-31 emaitzarekin joan zirela. Hirugarren laurdenaren hasieran bederatzi puntuko aldea lortzera iritsi ziren berdeak, baina laurden hori bukatzerako, Obenasak neurketa orekatzea lortu zuen, eta azken laurdena bi puntuko aldearekin hasi zuten etxekoek.Laugarren zatiaren bukaeran, ordea, 19-4ko partziala lortu zuten Mujikak entrenatzen duen taldeak, eta horrenbestez, uste baino lasaiago iritsi ziren partidaren bukaerara. Etxekoen artean puntu gehien sartu zituen jokalaria Igerabide izan zen, 16 punturekin. Quinterok, Garciak eta Keshlerrek hamabina puntu sartu zituzten.

Herenengungo prentsan agertu zen informazio bat gezurtatu du Eusko Jaurlaritzak, argitaratu eta hurrengo egunean. Horren arabera, Aitor Kerejeta alkateak esan zuen Jaurlaritzak ezingo zituela erosi, espero bezala, Muliaten alokairu sozialera bideratuko dituzten 25 etxebizitzen multzoa. «Informazioa okerra da, eta ez dauka inongo oinarririk», adierazi du Etxebizitza, Herri Lan eta Garraio Sailak. Gaineratu duenez, etxe horiek erosteko sinatua du hitzarmena udalarekin, eta momentu honetan erosketa bideratzen ari dira: «Akordioa normaltasun osoz ari da betetzen». Etxebizitza horiek martxoa eta apirila aldera bukatuko dituztela jakinarazi du, eta saileko zerbitzu teknikoek ikuskatu ostean, esleituak aukeratzeko prozesua martxan jarriko dutela. «Etxebizitza Sailak mantendu egiten du Hondarribian alokairu sozialaren alde egindako apustua, eta ez da inoiz atzera bota etxebizitza horiek erosterakoan», adierazi dute. Lehenak alokairu sozialean Horrez gain, Etxebizitza Sailak gogorarazi du Hondarribian egingo diren lehen alokairu sozialeko etxebizitzak direla, eta Eusko Jaurlaritzak jarri dituela etxebizitzak finantzatzeko eta erosteko baliabideak eta aurrekontua. Muliaten babes ofizialeko etxebizitzekin batera ari dira eraikitzen alokairu sozialekoak.

Gaur, Abaraxka ludoteka 16:30etik 18:30era egongo da irekita. Ohi baino ordubete lehenago itxiko dute, intxixu eta sorginen festa dela eta.

Joan den asteburuan izotzagatik jokatu gabe geratu eta gero, lehiara itzuliko da bihar Erregional Ohorezko Mailako Pasaia futbol taldea. Etxean jokatuko dute, Anaitasuna liderraren kontra. Publikoaren berotasuna baliatu nahi dute antxotarrek partida irabazteko, aurretik dituzten taldeek ihes egin ez dezaten. Ohorezko Mailako taldearen partidari segidan, Lehen Erregional Mailako Pasaiak jokatuko du, Añorgaren kontra. Partida hori ere Don Bosco zelaian izango da, 18:45etik aurrera. Klubeko gainontzeko taldeei dagokionez, aipatzekoa da eskualdeko bi derbi jokatuko dituztela, kadeteek Touring Bren aurka, eta Gazte Mailako A taldeak Allerruren kontra. Pasaia klubeko taldeen partidak Erregional Ohorezko Maila. Pasaia-Anaitasuna, bihar, 16:30ean, Don Boscon. Lehen Erregional Maila. Pasaia-Añorga, bihar, 18:45ean Don Boscon. Gazteen Lehen Maila. Orioko-Pasaia, bihar, 16:30ean, Menzibeltzen (Orio). Kadeteen Lehen Maila. Pasaia-Touring B, bihar, 10:00etan, Don Boscon. Haurren A Maila. Pasaia-Allerru, bihar, 12:00etan, Don Boscon. Haurren B Maila. Sanse-Pasaia, bihar, 10:30ean, Felix Garin zelaian (Donostia).

Erregional Ohorezko Mailako Trintxerpe futbol taldeak Hondarribiko Ondartza futbol zelaian jokatuko du bihar, 15:45etik aurrera, 21. jardunaldiari dagokion partidan. Bi taldeen artean puntu bakarreko aldea dago; irabazten duenak jaitsiera postuetatik u...

Bularreko eta ginekologiako minbizia duten emakumeen elkarteak, Katxalinek, hitzaldia antolatu du astelehenerako, 18:00etan, Manuel Lekuona Bibliotekan. Arrate Plazaolak emango du, Donostiako Onkologiko Institutuko doktoreak. Bularreko minbiziaren arra...

Eskola Pilota ekimenerako erreserbatuta daude bihar arratsaldean Kontzejupeko, Elizaldeko eta Haurtzaroko pilotalekuak, 16:00etatik 18:00etara. Errotazioa amaituta, benjaminek larunbat arratsaldean topaketa bat egiten dute. Pilotaleku horiek ezin izang...

Garai batean umeak zapata berriekin bezala daude Patata Tropikala talde sanpedrotarreko kideak. Larunbatean estreinatu zuten antzezlana Aretxabaletan, Pirata Garrapataren istorioak, eta harrera ona izan zuen. Iker Etxarri kidearen arabera, haurrek “oso ondo” hartu zuten, “istorioa ondo jarraitu zuten, eta oso ondo pasatu zuten”. Hotza eta elurra zituzten hasiera batean arerio nagusiak, baina jendea animatu zela azaldu du. Antzezlan horretan magia, antzerkia eta txotxongiloak tartekatuko dituzte. Elementu horiekin guztiekin, kutsadurak naturan duen eraginaz hitz egingo dute sanpedrotarrek. Pirata Garrapata izango da istorio horren protagonista. Bidaia izugarriak egingo ditu mundu osoan zehar, eta hainbat abentura biziko ditu. “Indian, esaterako, txirula magikoa aurkitu zuen, Australian poltsa magikoa eta Errusian era guztietako edalontzietan sartzea lortu zuen. Baina inoiz bizi izan duen abenturarik izugarriena itsaspean bizitakoa izan da”. Era horretan aurkeztuko dute Pirata Garrapata. Itsasoan murgilduko dira, eta han lagun berriak ezagutuko dituzte: Plakton, Pulpi olagarroa eta beste asko. Bixigu Begigorrirekin ere egongo dira, eta itsasoan arazo izugarri bat dagoela kontutatuko die ikusleei. Posible izango al du Pirata Garrapatak arazo izugarri hori konpondu? Maiatzean Donibanen Pixkanaka Pirata Garrapataren istorioak antzezlana herrietan aurkezten joango dira. Hilaren 26an, adibidez, Azpeitiko liburutegian izango dira. Herrian ere aurkeztuko dute, baina maiatzera arte itxaron beharko dute pasaitarrek antzerki taldearen azken [...]

Ibon Goieaskoetxea euskal presoa Villefranche-surSaoneko (Rhone, Frantzia) espetxera lekualdatu dute aste honetan. Hala, Euskal presoen egoera salatzeko eta Euskal Herrira hurbiltzeko eskatzeko xedearekin, elgarretaratzea izanen da bihar, Pausuko birib...

Musikari beteranoek osatutako Back laukote bidasoarrak kontzertua emango du bihar, Amaia KZn (20:00). Taldeak beren abesti propioak eta 60, 70 eta 80. hamarkadetako hainbat bertsio eskainiko ditu. Sarrerak 3,30 euroan salgai dira.

Areto futbolean aritzen diren herriko hiru taldeek etxean jokatuko dute asteburuko jardunaldiari dagokion partida (hamabosgarren jardunaldia da). Oiartzunek Bar Ignacio Hondarribiaren kontra jokatuko du bihar, 18:30ean. Power Rangersek, Gamonen kontrak...

Traineru denboraldia hasi aurreko bigarren proba egingo dute bihar, 16:00etatik aurrera, Hondarribian. Ziaboga bakarreko bidea egingo dute traineruek, beraz, itsaso zabalera aterako dira. Hondarribia Arraun Elkarteko kideek esan dute denera 29 traineruk parte hartuko dutela proban: hogei Senior Mailakoak, bost Beterano Mailakoak, hiru emakumeenak eta bat Gazte Mailakoa. Oarso Bidasoko traineruen kasuan, gizonen Senior Mailan Trintxerpe-Illunbek, Hondarribiak (hiru trainerurekin), San Juanek (bi trainerurekin) eta San Pedrok parte hartuko dute. Gazte Mailako traineru bakarra Hondarribikoa izango da, eta beteranoen bosten artean Endaika dago. Horiez gain, Gipuzkoako arraun elkarte guztietako ontziak izango dira Hondarribian, eta Bizkaiko, Kantabriako eta Kataluniako (REM Badalona) ordezkariak ere izango dira. Erlojupekoa izango da estropada, eta traineruak minuturo aterako dira. Gipuzkoako Batel Liga Traineruak denboraldia prestatzen ari diren bitartean, batelak bete-betean daude lehian. Asteburuan, Gipuzkoako Batel Ligako bi estropada izango dira. Bertan izango dira Oarsoaldeko laukoak. Bihar, ligaren barruko laugarren lehia egingo dute Zumaian. 16:30ean hasiko dira maila ezberdinetako batelak arraun egiten. Etzi, berriz, Pasaiara iritsiko da betelen lehia. 11:30etik aurrera, eta Trintxerpe-Illunbek antolatua, ligako bosgarren estropadada puntuagarria jokoan izango dute. Joan den asteburuan hirugarren estropada ziren egitekoak Orion. Eguraldiagatik bertan behera utzi zuten lehia, eta ez dute berreskuratuko.

Datozen bi hilabetetan Bekoerrota Euskal Herriko judoaren hiriburua izango da. Izan ere, hainbat txapelketa jokatuko dituzte bertan. Lehenengoa Kadete Mailako Euskadiko txapelketa izango da, bihar, 15:30etik aurrera. Etzi zonaldeko alebinen eta Gipuzko...

Herenegun arratsaldean jokatu zuen Erregional Preferenteko Allerruk pasa den larunbatean bertan behera gelditu zen partida. Herenegun ere hotz handia egin arren, zuri-berdeak ez ziren izoztu, eta 2-4 irabazi zioten Andoainen Euskalduna taldeari. Lortut...

Hondarribiko gobernu taldea Amuteko bizilagunekin bildu zen herenegun arratsaldean. 40 lagun inguru izan ziren bertan. Batzarraren bukaeran auzokoek egindako galderak erantzun zituzten gobernu taldeko kideek: bertako auzo elkartekoek trafiko aldetik h...

Lehenengo fasean eskas ibili ondoren, emakume seniorren taldeak Beasainen hasiko du bigarren fasea. BKLren kontra ariko da bihar, 16:30ean. Gizonen senior taldeak, berriz, hurrengo egunean jokatuko du partida, 11:45ean, Oriokoren kontra, Galtzarabordak...