
San Jose Langilea futbol zelaiaren inguruko berriritartze lanengatik bertako hainbat landare eta zuhaitz kendu beharko dituzte, Txikillo kalekoak hain zuen ere. Hala, egunotan landareak hori kimatzen ari dira, eta ondoren lurretik atera eta Osinbiribil eremuara eraman, bidegorriaren alboetan aldatuko dituzte. Zuhaitzak, berriz, Dolores Salis kaleko jolas parke ingurura mugituko dituzte. Udaletik esan dute “hau bezalako ekimenekin dauden landareak aprobetxatu nahi dituztela, hiri barruko iraunkortasunaren adibide izateko”.

Amaia KZk 2012ko antzerki denboraldiari irekiera emango dio Caramala konpainiaren Caramelo (Gozoki) antzezlanarekin, etzi. Urteko lehen antzerkia umore gazi-gozoz betetako interpretazio lana izango da. Izan ere, hainbat urtean harremanik eduki ez duten hiru ahizpen istorioa modu barregarrian lantzen saiatzen da konpainia. Sergio Rubio dramaturgo eta gidoigilearen zuzendaritzapean, Noemi Ruiz, Virginia Muñoz eta Carmen Baquero antzezleak protagonista moduan oholtza gainean ariko dira, ahizpen paperak betetzen. Hala, horietako batek giltzurrun bat behar duelako elkar ikusi beharko dute berriz ere hirurek, eta urteek markatutako distantziari aurre egin beharko diote gazteek. Pixkanaka, umetako oroitzapenak gailentzen joango dira nesken artean, Errege Magoen gaua iritsi arte. Izan ere, gau horretan hartutako gozokiak oroitzapenak bezala dira: horien benetako zaporea zein den jakiteko, irekitzeko, begiratzeko eta dastatzeko denbora hartu behar da. 2008tik umorea landuz Caramala konpainiaren ibilbidea luzea ez bada ere, 2008. urtean Malagan (Andaluzia, Espainia) sortu zenetik ekoiztutako bigarren antzezlana da Caramelo. Hala ere, eta umorea ardatz hartuta, La hora feliz (Ordu pozgarria) antzezlanarekin 60 emanaldi baino gehiago egin zituen konpainiak Andaluzian zehar. Horiek horrela, antzezlan horri esker Andaluziako hainbat lehiaketetan eta antzerki mostretan parte hartu zuten, eta Desencaja 09 izeneko lehiaketa irabazi zuten.

Stop Desahucios mugimenduaren hitzaldia izango da igandean, 17:00etan, Lakaxitan. Gaztetxekideen arabera, “kanporaketen aurkako eta etxebizitza eskubidearen aldeko mugimendu bat osatzeko lehen urratsa izan behar du” hitzaldiak. Bestalde, au...

Alzukaitz eremuko salmenta libreko, babes ofizialeko eta tasatutako etxebizitza gehienak dagoeneko prest direla jakinarazi dute Irungo Udaletik. Hala, babes ofizialeko 74 etxebizitetatik 71 banatu dituzte dagoeneko, eta tasatutako 37etatik, 35. Juan An...

Irun Dastatu egitasmoak, hiriko gastronomia eskaintza sustatzeko helburuarekin, saboreairundastatu.com webgunea abiatu du. Webguneak, Irungo jatetxeen kokagunea jakinarazteaz gain, eskaintzen dituzten menuen berri ere ematen du. Halaber, egitasmoak hai...

Euskarazko Ipuinaldia berriz abiatuko dute Hendaiako Mediatekan. Hala, Xan Errotabehere kontalaria bertan izango da larunbatean, 11:00etan. Otsoaren ordua hautatu du Mediatekak hilabeteko gai gisa, eta horienganako beldurra gainditzeko gakoak emango di...

Makina handi bat jarri zuten herenegun anbulatorioaren ondoko aparkalekuan, eta atzo beste txikiago bat erdiko kale txikian kabitzeko. Jesus Mari San Roman arduradunak jakinarazi duenez, teilatuko hodiak garbitzen ari dira. San Romanek zehaztu duenez, hodi horiek garbitzeaz gain, konpondu ere egingo dituzte. Izan ere, zulo batzuk zituzten, eta sarrera nagusian, esaterako, ura erortzen zen. Lanen arduradunaren arabera, bizpahiru egun iraungo dute lanek.

Lezoko Jai Batzordeak urteko lehenengo bilera egingo du datorren asteartean, hilaren 17an. Kultura Aretoan elkartuko dira, 19:30etik aurrera. Jai batzordeak bost puntu jorratuko ditu bertan. Ohi bezala, herriko hainabt eragile gonbidatu dituzte bertara: kirol arlokoak, kulturakoak, hezkuntzakoak eta beste hainbat Gai nagusia Inauterien prestaketa izango da. Otsailaren 16an hasiko dira inauteriak. Horrez gain, pasatu berri diren Gabonen balantzea egingo dute bertan bildutakoek. Ohiko beste hiru puntu ere izango dituzte hizpide: Udalaren aportazioa, parte hartzaileek eramango luketena eta aurreko akten sinatzea. Aurreko bilera, urriaren 27an Iazko urriaren 27 egin zuten jai batzordearen azkeneko bilera. Bertan Gabonak prestatzeko elkartu ziren, eta 2010ekoaren balantzea egin zuten. Urtean hiruzpalau aldiz biltzen da jai batzordea.

Egoiliar txartela berritzeko epea zabaldu du Errenteriako Udalak. Hori dela eta, txartel berria eskuratu ez duten herritarrek, TAO zerbitzuak Iztieta kaleko 8. zenbakian duen bulegotik pasa beharko dute hura jasotzera, otsailaren 18a baino lehenago. TA...

Igande eguerdian Tomas Garbizu Musika Eskolakoek danborrada egingo dute herriko kaleetan, San Sebastian Eguna ospatzeko. Igandeko Danborradan musika eskolako ikasleek hartuko dute parte, eskolako bandakoek lagunduta. 12:00etan irtengo dira, eta honako ibilbidea egingo dute: Musika Eskola, Ijurko, Atzekoate eta Kale Nagusia. Danborrada osatzen dutenek kontzertua emango dute Gurutze Santuaren plazan, hasi eta ordu erdira, gutxi gora behera. Antolatzaileek jakinarazi dutenez, eguraldi txarra egiten badu, Karlos Saldise plazan egingo dute bukaerako kontzertua.

Urdaburu Mendizale Elkartekoek hilabete honetan amaituko dute Urumeako bira. Hilaren 21ean egingo dute zortzigarrena eta azkena izango den etapa, Artikutzatik abiatuta. Kausoko lepoan hasiko dute, zehazki, zeharkaldia eta sei ordu beranduago Donostian ...

Giriziak bizikletan ibiltzeko asegurua egiteko eta arropa eskatzeko aukera zabalduko du gaur Aurten ere izango da Girizia elkartekin bizikletan ibiltzeko asegurua egin eta 2012 urteko arropa eskatzeko aukera. Horretarako hitzordua gaur jarri dute, Girizia Mendi Taldearen lokalean, 18:30etik 20:00etara. Zikloturista taldeko kideek jakinarazi dutenez, aurten diseinu berria izango du arropak (beheko irudietan). Internetetik ere bai Gaur Giriziara bertaratu ezin dutenek, saretik ere izango dute bizikletan ibiltzeko arropa eskatzeko aukera. Horretarako, interesdunek honako webgunean sartu behar dute: www.girizia.org, Zikloturista taldea jartzen duen gunean sakatu, eta ateratzen den zerrendan Arropa online erosi aukeratu. Bertan, excel orri bat deskargatu behar da. Excel orri horretan norberak erosi nahi duena zehaztu behar du, eta baita arroparen neurria ere. Gero, excel orri hori webgunera igo, eta izen-abizenak zehaztu behar dituzte txirrindulariek, helbide elektronikoa eta telefono zenbakia ere bai. Informazio gehiago Dudaren bat duena edo informazio gehiago nahi duena, telefonoz edo helbide elektroniko bidez jar daiteke Giriziako kideekin harremanetan. Telefono zenbakia honakoa da: 686 65 43 81. Eta helbide elektronikoa, hau: aiakoharriabtt@gmail.com.

Igandean antzezlan bat estreinatuko dute Errenteria Hiria Kulturgunean: Ados Teatroren Wilt panpina puzgarriaren hilketa. 19:00etan hasiko da emanaldia. Taularen gainera aurpegi ezagunak igoko dira: Mikel Laskurain, Miren Gojenola, Aitziber Garmendia, ...

Euskararen kinkak: euskararen herria biziberritzeko gako batzuk hitzaldia emango du Jon Sarasuak, bihar, Beltzenia pilotalekuko ostatuan. Era berean, hizketaldia bukatuta, euskalgintzaz eta Euskal Herriaz eztabaida irekia ere izango da. Jon Sarasua (Ar...

Klink elkarteak Kontsumo Solidarioa bularreko minbiziaren kontrako kanpaina martxan jarri zuen abenduan, eta 890 euro biltzea lortu dute. Hainbat hornitzailerekin akordioak lortu ondoren, produktuetan beherapenak lortu zituzten, eta erositako produktu bakoitzeko euro bat kanpainara bideratu dute. Ia 900 euro lortzea «positibotzat» jo dute elkarteko ordezkariek. Iragan astelehenean eman zioten Klink elkarteko kideek 890 euroko txekea Kattalin taldeko Maria Emma Soto ordezkariari, eta Sotok dirua jaso, eta asko eskertu zuen hiriko elkarteak egindako lana. Klink-ek, hilabeteko kanpaina solidarioak egiten ditu, eta oraingo honetan, bularreko minbiziaren kontra kopuru garrantzitsua biltzea lortu dute. Gainera, kanpainak iraun duen bitartean, liburuxkak eta kartelak jarri dituzte elkartera bertaratzen diren bazkide, lagun eta gonbidatuek informazioa jasotzeko. 1.010 euro azaroan Klink elkarteak Hondarribian premia gehien dutenentzako azaroan egin zuen Zorioneko Saltoak Eman kanpaina solidarioan 1.010 euro bildu zituen. Caritaseko Mertxe Ancisar eta Txaro Berrotarani eman zieten diru hori Klink elkarteko Mikel Obeso eta Toño Gonzalezek. Hortaz, urtean zehar horrelako kanpaina gehiago egiteko konpromisoa dute hiriko elkarteko kideek.

Kasino Zaharra adinekoen etxeak XXIII. urteurreneko jaia ospatuko du hilaren 29an. Eguerdiko hamabietan meza egingo dute Portuko elizan eta ondoren, eguerdiko ordubietatik aurrera, bazkaria egingo dute Ardora jatetxean. Bazkalostean, eta urtero bezala, 2011. urtean 80 urte bete dituzten Kasino Zaharreko bazkideek eta urrezko ezteiak ospatu dituzten bikoteek omenaldia jasoko dute. Hala, ospakizunean parte hartu nahi dutenek, izena eman behar dute hilaren 25a baino lehen, Kasino Zaharrean. Iaz omendutako hondarribiarrak ikus daitezke irudian.

Hondarribiko Rio Bidasoa hotela Euskal Herriko establezimentu turistikoen artean bere kokapena hiru dimentsiotan eskaintzen duen lehenengo hotela da. Google Maps eta Google Earth sistemen bidez, eraikineko instalazioak klik batean bisitatzeko aukera da...

Irungo Juncal taldeko Alkoholiko Anonimoek, Pilar Oronoz psikiatraren laguntzarekin, hitzaldia antolatu dute etzi arratsaldeko seietarako Zuloaga Etxean.

Hilabete pasatu da azkeneko aldiz Zine Txiroko pantaila piztu zenetik, eta orain, urtarrileko filmaren txanda da: Vecinos, bandurrias y guateques. 40 minutuko dokumental horretan, kostan eta mugan dagoen herri bat izango da protagonista, eta bertako musika izango da ardatza: “Toki horri betidanik askotariko musika interesatu izan zaio. Hala, pelikulak musikarekiko pasioa jorratzen du, eta kameraren bidez gazte batzuengana hurbiltzen da”. Bihar izango da emanaldia, 19:30etik aurrera, Mikelazulon. Herritik gertu egindako filma izango da, gainera, Sandra Cuesta hondarribiarrak eta Larraitz Torres irundarrak zuzendu baitute, eta Bidasoan ekoiztutakoa baita: Hondarribiako Psilocybenea musika elkartean. Cuesta eta Torresek Colombina’s izengoitiarekin sinatzen dute. Antolatzaileen arabera, Vecinos, bandurrias & guateques dokumentalean “diskurtso artistikoa, musika, zinea, erakusketa, dokumentala eta hitzaldien arteko harremanak” sakonean aztertu dituzte. Gaineratu dutenez, bi zuzendariek identitate bakar bat osatzen dute, “euren identitateak nahastuz”. Eduki guztiak ere zentzu handiz nahasten dituztela esan du kultur elkarteak, “istorio nahasiak biltzeko”. Elementu horiek guztiak kontuan hartuta, lana ibilbide subjektibo bat dela adierazi du; aurrerapausoak, maitasuna, eguneroko bitxikeriak eta memoria nahastuko dituen ibilbidea, hain zuzen. Zine Txiroan eduki sozialak dituzten dokumentalak proiektatzen dituzte hilean behin. Mikelazulok jakinarazi duenez, Euskal Herriko zenbait herritan dago martxan ekimen hori. Mikelazulon, esaterako, orain arte emandako lanekin bideoteka bat osatu dute, eta nahi [...]