Real Unionek beste itxura bat eman eta puntu bat ekarri du Ipuruatik
Azken asteotako bolada txarrari agur esan zion larunbatean Real Unionek, sailkapeneko hirugarren den Eibarren etxean puntu bat lortuta (1-1). Txuribeltzek partida serioa jokatu zuten, eta azken minutuetan adore handia erakutsi zuten; izan ere, Eibarrek...
Azken asteotako bolada txarrari agur esan zion larunbatean Real Unionek, sailkapeneko hirugarren den Eibarren etxean puntu bat lortuta (1-1). Txuribeltzek partida serioa jokatu zuten, eta azken minutuetan adore handia erakutsi zuten; izan ere, Eibarrek 89. minutuan ireki zuen markagaiua, baina Union, lur jota geratu ordez, berdinketaren bila joan zen eta, minutu bat beranduago, Arzamendik berdinketako gola sartu zuen.
Puntu bakarra lortuta ere, sailkapeneko hamargarren postuari eutsi dio Unionek, aurrekoek ez dute tartea zabaltzeko aukerarik izan —Alavesek eta Sestaok berdindu zuten eta Gimnastikak galdu, Guijueloren aurka—.
Sailkapeneko aurreneko biek, berriz, sendo jarraitzen dute; biek etxean irabazi zuten, Mirandesek Zamoraren aurka (1-0), eta Ponferradinak Segovianaren kontra (5-0). Horrenbestez Mirandakoek hamabi puntu ateratzen dizkiete bosgarrenari (promozio postuetatik kanpo dagoen lehenengoari) eta leondarrek sei.
Heldu den asteburuan Gasteiza bidaiatuko dute irundarrek, beste aurkari zuzen baten kontra jokatzeko, Alabesen kontra. Irabaziz gero promozio postuetara hurbiltzeko aukera izango dute.
