Bi hilabetean behin egingo dituzte auzo batzarrak
Auzo elkarteekin izandako batzarren gaineko irakurketa egin ostean, udaleko eta auzo elkarteetako ordezkariek bilerak bi hilabetean behin egitea adostu dute. Horrez gain, udalak eguneroko mantenu lanen berri emango die elkarteei. Hala, hurrengo topaket...
Auzo elkarteekin izandako batzarren gaineko irakurketa egin ostean, udaleko eta auzo elkarteetako ordezkariek bilerak bi hilabetean behin egitea adostu dute. Horrez gain, udalak eguneroko mantenu lanen berri emango die elkarteei. Hala, hurrengo topaketa martxoaren 19an izango da. Auzo bakoitzean ere bilera puntualak egiteko aukera zabalik utzi dute, horiek urtean behin edo gehiagotan izan daitezke.
Udalak jakinarazi duenez, batzarretan gehien tratatu diren gaiak honakoak izan dira: trafikoa, auzolana, garbiketa zerbitzua, gazte lokalen segurtasun neurriak, etxebizitzetatik gertu dauden transformadore elektrikoen egoera, eta zakur gorotzen kontrola.
