2011/11/17

PSE-EEk larrosak banatuko ditu gaur eta bihar

Igandeko hauteskunde kanpainaren barruan, Jose Antonio Santano alkatea eta hainbat zinegotzi sozialistek larrosak banatuko dituzte gaur eta bihar Irunen. Gaur Olaketan, Euskal Herria etorbidean eta Larreaundin egingo dute kanpainia, 17:00etatik aurrera...

admin

ELAk sei ordezkari lortu ditu SNA-Europeko langileen batzordean

ELA sindikatuak SNA-Europe lantegian egindako hauteskunde sindikalak irabazi ditu, bigarren geratu den UGTren boz kopurua ia bikoiztuz. SNA-Europe lehengo Palmera da, eta hiriko enpresa pribaturik handiena da, 300 langile ingururekin. ELAk sei ordezkar...

admin

Gora doan jarduera gehiago ezagutarazi nahi dute XI. Herri Eskalada Txapelketan

“Aurten Oiartzungo XI. Herri Eskalada Txapelketa antolatzera goaz, eta goraka doan jarduera hau are eta ezagunagoa egiteko asmoari eutsi nahi diogu”. Helburua argi dute Oiartzungo Eskalada Taldeko kideek. Aurtengoaz gain, beste hamar urtez antolatu dute txapelketa. Lehenengo alditik, parte hartzaile kopurua eta komunikabideetako oihartzuna areagotu egin dira. Eskalatzaileei dagokienez, maila guztietakoak hurbiltzen dira herriko txapelketara. Horrek, lehiaren herri izaera nabarmentzen duela azaldu dute Oiartzungo Eskalada Taldeko kideek: “Gure ustez, badaude beste eskalada frogak ere, baina maila handiko eskalatzaileei begira antolatzen dira”. Horregatik erabaki zuten herri txapelketa antolatzea. “Horrelako txapelketa baten falta nabaritzen genuen eta hutsune hori betetzen saiatzen gara”, diote. Parte hartzaileak, gainera, Euskal Herri guztitik etortzen direla gogorarazi dute: Donostiatik, Zumaiatik, Azpeititik, Hernanitik, Urnietatik, Irundik, Iruñeatik, Bilbotik, Baionatik, “eta Oiartzundik, noski”. Baina parte hartzaile kopuruak eta oihartzunak ez ezik, ikusle kopuruak ere egin du gora: “Eskalatzaileentzat ez ezik, ikusleentzat ere ohitura bihurtu da egun honetan Oiartzunera inguratzea. Eskalatzera animatzen ez direnek ere ondo pasatzeko aukera izaten dutek eskalatzaileak animatuz eta beraien igoerekin hunkituz”. 20 urteko lana Oiartzungo Eskalada Taldeak 20 urte daramatza herri inguruan eskalada sustatzen. Horren harira antolatzen dute txapelketa urtero. Lehenengoa 2000. urtean antolatu zuten: “Orduan eraiki berria zen Elorsoroko rokodromoak eskaintzen zuen beta zela eta, Oiartzungo [...]

admin

Euskal dantzak, Elizalde eskolako curriculumean

Ikasturte honetan esperientzia berria jarri dute martxan Elizalde Herri Eskolan: euskal dantzak hezkuntza curriculumean sartu dituzte. Ikastetxeak gogorarazi duenez, bertako hezkuntza proiektuak euskal kultura sustatzea eta bizitzea du xedeetako bat, eta helburu horri jarraituz, eskola orduz kanpoko ekintzetan bertsolaritza eta euskal dantzak bultzatu dituzte betidanik. Baina eskola orduz kanpoko ekintzak hautazkoak izanik, ez dira ikasle guztiengana iristen. Bertsolaritza: astean saio bat Bertsolaritza bultzatzeko Lehen Hezkuntzako bosgarren eta seigarren mailakoak eskola orduetan badute ikasturte osoan zehar astero saio bat, Bertsozale Elkartearen eskutik. Euskal dantzekin ez zen gauza bera gertatzen. Hala, eskola orduz kanpo soilik ez, eskola orduetan ere lekua izatea ahalbideratu nahi dute proiektu horrekin. Dantza: Haur Hezkuntzan Horretarako ikasturte honetan Haur Hezkuntzako 4 eta 5 urteko ikasleek euskal dantzako saio bat dute astean, dantzako irakasle batekin eta tutorearekin. Ikastetxearen helburua ikasle guztiek euskal dantzen oinarri bat izatea da, “Euskal Herriko dantza tradizionalak ezagutzea eta honekin gozatzea”. Maila horietan ikasleek dantzak ikasiko dituzte, eta helduagoek “eskolako ospakizun eta jaietan nahiz gorputz hezkuntzako hainbat saiotan praktikatzeko aukera izango dute”. Gehiago sakondu nahi dutenek eskola orduz kanpoko ekintzetan izango dute aukera.  

admin

Autokarabana bat eta kotxe bat kiskalita Juan Inazio Iztueta kalean

Suhiltzaileak atzo arratsaldean Akartegi auzoan autokarabana bat kiskali eta beste ibilgailu bat kaltetu zuen sua zerrek eragin zuen ikertzen ari dira. Arratsaldeko seiak aldera izan zen gertakaria, Juan Inazio Iztueta kalean. Bertaratu ziren ertzainen esanetan, sua Mantzinenea kaleko etxe baten lorategian piztu zen, Juan Inazio Iztueta kalera ematen duen aldeko hesian. Su garrek ondoan aparkatuta zegoen autokarabana bat hartu zuten, eta haren atzean zegoen autora iritsi ziren. Larrialdi zerbitzuan arratsaldeko seiak baino minutu batzuk gutxiago zirela jaso zuten abisua, eta bi suhiltzaile kamioi joan ziren gertakariaren lekura. Ertzainek Baserritar etorbideko sarrera itxi zuten autoentzako, eta Juan Inazio Iztueta kalearen erdialdetik Donostia kaleraino oinezkoentzako kordoia ezarri zuten, jende ugari elkartu baitzen sutan zeuden ibilgailuak ikustera. Ertzainen arabera “seiretan hartu du suak indarrik handiena”. Autokarabana erabat kiskalita geratu zen, baita autoaren aurrealdea ere. Nolanahi ere, suhiltzaileek sua gehiago zabaltzea galerazi zuten. Anbulantzia bat ere bertaratu zen, baina ez zen zauriturik egon. Goizaldean kaltetutako ibilgailuak erretiratu dituzte, eta gaur goizean suhiltzaileak gertatutakoa ikertzen ari dira, sua nola piztu zen argitzeko.

admin

Mystery Trainek Cafe Irunen joko du bihar, Tribute Fridays ekimeneko bigarren saioan

Elvis Presleyren bertsioak egiten dituen Mystery Train taldeak kontzertua eskainiko du bihar Cafe Irunen, Letxunborro etorbideko tabernak joan den astean abiatutako Tribute Fridays programaren barruan. Hasiera batean AZ/DZren kontzertua zegoen iragarri...

admin

Bazkide Eguna egingo du Aljarafek

Larunbaterako Bazkide Eguna antolatu du Aljarafe kulturguneak. Ekitaldi nagusia afaria izango da, eta afalostean musika eta dantzak ez dira faltako. Parte hartzeko aurretik izena eman beharko da honako telefono zenbakian: 615 76 97 19. Egitaraua 20:30e...

admin

Argindarraren horniketa Iberdrolari esleitzea eztabaidatuko dute

Bihar goizean Tokiko Gobernu Batzarraren Ohiko Bilkura egingo dute, eta hiru puntu izango dituzte eztabaidatzeko. Gobernu Batzarrak hilaren 4an egindako akta irakurri eta onartzeaz gain, argindarraren horniketa Iberdrola Generacion SAUri esleitzea ezta...

admin

Santa Zeziliaren harira, Lartaunek bi emanaldi antolatu ditu iganderako

Lartaun Abesbatzak bi emanaldi antolatu ditu iganderako. Berez, hilaren 22an (datorren asteartean) da Santa Zezilia eguna, musikarien zaindariarena, baina Lartaunek igandean ospatuko du. Lehenengo emanaldia 11:30ean izango da. Kantu kantari aterako dir...

admin

Azken auzo bilerak egingo ditu udalak gaur eta etzi

Azken auzo bilerak egingo ditu udalak gaur eta etzi

admin
Gehiago