Joan den asteburuan Lezon saio bikoitza egin ondoren, aste honetan Errenteria-Oreretan ikusteko aukera izango da Orratx! antzerki taldearen Hemen da kabareta! antzezlana. Bihar izango da, 18:30etik aurrera, Errenteria Hiria Kulturgunean, udal euskalteg...
Pasaiako film laburren jaialdiaren testuinguruan, Euskadi eta Akitaniako hainbat ikus-entzunezko eskola arteko topaketa izan da. Zinealdea eta Mont-de-Marsan-eko Cinemagis zinema eskolek akordioa izenpetu dute, eta horren harira, ikus-entzunezko formazio arloan diharduten hainbat eskola elkartu dira Pasaiako alkateordetzan. Cinemagis eta Zinealdea gestio taldeaz gain, Baioanako BTS audiovisuel, Huhezi Mondragon unibertsitatea eta Iparraldeko Studio Comedia hartu zuten parte topaketan. Profesionalek nabarmendu dutenez, ikasleek formazio praktikoa behar dute, “nazionalitate askotako gaur egun, eta horrez gain, ikasleek nazionalitate profesionalen gidaritzapean”. Koprodukzioak nazioartean lehiatzeko aukera gehiago dituztela defendatu dute, eta talde multinazionalek ekoizpenaren azken emaitzari aberastasun handia ematen diotela defendatu dute. Esan dutenez, “eskolen arteko komunikazioa eta elkarlana garatzeaz gain, produkzioak garatu eta erakartzeko jarriko dira lanean”, modu horretan ikasleen formazioa praktikoa bultzatzeko. Iragarri dutenez, formazio eta produkzioaren inguruko kongresu bat antolatuko dute Zinealdean, datorren urteko maiatzaren lehendabiziko hamabostaldian. Udaleko harrera Mont de Marsan herriko agintariei Zinealdea Poloko Ordezkariek eta Cinemagis zine eskolako arduradunek elkarlanerako hitzarmena sinatzen zutela aprobetxatuz, Mont de Marsan herriko agintariek bisita ofizialean gerturatu ziren Pasaiako udalera. Amaia Agirregabiria Pasaiako alkateak eta Juan Ramon Cano kultura zinegotziak egin zieten harrera eta hitzarmen sinaduraren inguruko gaia izan zuten hizpide, hau da, bi herriek duten ikus-entzunezkoen aldeko interesaz eta konpromisoaz. Udalak esan duenez Cinemagis ikus-entzunezko [...]
Urdaburu Mendizale Elkarteak Urumeako biraren seigarren etapa antolatu du larunbaterako. Zubietan hasi eta Arantzan (biak Nafarroan daude) bukatuko duten seigarren ibilbidea egiteko bost ordu eta erdi erabiliko dituzte Urdaburukoek, eta Loizate, Arainb...
Errenteria Musikali ere egin diote txokoa Andra Mari Abesbatzaren Santa Zezilia zikloan, eta hain zuzen, gaur emango du kontzertua koruak Fatimako parrokian, 20:00etan. Kontzertuarekin batera, omenaldia ere izango da, eta Ignacio Tardio erretiratu berri den irakaslea izango da protagonista nagusia. Horrekin batera, musika eskolako irakasle bezala 25 urte bete dituzten honako langileak ere omenduko dituzte: Mari Mar Medina, Nerea Luzuriaga, Itziar Busselo eta Cele Barros. Horrez gain, bigarren eta hirugarren mailako ikasketak eta maila profesionala bukatu duten ikasleei diploma emango diete. Omenaldian eta diploma banaketan izango dira udaleko ordezkariak: Julen Mendoza alkatea eta Irune Balentziaga Errenteria Musikaleko presidentea. Emanaldi horretarako programa berezia prestatu dute. Errenteria Musikaleko orkestrak Francisco Herrero (biolina) eta Maider Zapirainekin (biolontxeloa) batera, Hayden eta Christian Bachen sinfoniak joko dituzte. Sergio Zapirain izango da zuzendaria. Ondoren, ikasleen bandaren txanda izango da, eta Dixie & swing eta Jurassic Park kantak joko dituzte; euskal dantzako ikasleek eta ikasleen bandak, berriz, Goizueta; eta berriro ikasleen bandak Forever ABBA gold eta Everybody needs somebody.
Itsas Etxea handitzeari eta leku erabilgarrien barne antolaketari dagokien obren aurrekontua gehitzeari buruzko poposamena onartu zuten astelehenean Hondarribiko Udalean egin zuten ez ohiko Udalbatzan. Landu zuten puntu bakarra izan zen, eta proposamen...
Zaharren egoitzan eta herrian 80 urtez lanean aritu ondoren, Petra Lekuonan dagoen komunitate erlijiosoa erretiratu egingo da. Geratzen diren azken mojak (lau) abenduaren 10ean joango dira bertatik. Hala, abenduaren 3rako agur ekitaldiak antolatu dituz...
Oarsoaldea Igeriketa Kirol Elkarteak ordezkaritza izango du hilaren 26an Gasteizen jokatuko den Euskal Herriko Haur Mailako selekzioen arteko txapelketan. Guztira, igeriketa talde horretako zazpi igerilari ariko dira Gipuzkoako selekzioarekin: Mikel Be...
Bere autoan 40 kilo haxix gordetzen zituen gazte bat atxilotu du Ertzaintzak Pasaian. Polizia iturriek azaldu dutenez, atxiloketa honekin bukatutzat eman dute lehengo abuztuan hasitako operazioa. Abuztuan, 31 eta 35 urteko bi lagun atxilotu zituen Ertz...
Ttur-ttur Euskaltzaleon Bilgunearen eta Oiartzungo Udalaren arteko hitzarmenari esker, martxan da Oiartzungo merkataritzan eta ostalaritzan euskararen erabilera areagotzeko egitasmoa. Egitasmo horri esker, euskaraz zertxobait badakiten merkatari eta ostalariei zuzendutako euskara ikastaroa eskainiko dute aurten ere. “Ikastaroari buruzko informazioa eskainiz eta izena ematera animatzeko gutuna bidali diegu merkatari eta ostalari guztiei”, zehaztu du Ttur-tturrek. Bezeroekin ohiko elkarrizketak izaten ikastea da ikastaroaren helburu nagusia, eta horregatik, ziur daude bezeroek beren merkatari edo ostalariak euskara ikasteko egindako ahalegina eskertuko dutela. Ikastaroa hilaren 28ko astean hasi eta ekainaren 21eko astean bukatuko da. Taldea Oiartzungo Intxixu AEK euskaltegian bilduko da astean lau orduz, eta ordutegia izena ematen dutenen arabera zehaztuko dute. Diruaren %70 bueltan Ikasleek 168,48 euroko matrikula ordainduko dute. Hala ere, Oiartzungo Udalaren beka sistemari esker, Oiartzungo merkatari eta ostalariek matrikularen %70 arte jaso ahal izango dute bueltan; horretarako, ikasturte bukaeran ikasleek %85eko asistentzia beteta izan beharko dute. Azken eguna: hilaren 22a Ikastaroan izena emateko azken eguna hilaren 22a da. Merkatari eta ostalariek, ikastaroan izena emateko edo informazioa eskatzeko hainbat bide dituzte. Pertsonalki, Fermiñene etxera joanda.Aialde kaleko 2. zenbakian dago, eta lehen solairura joan behar dute interesa dutenek. Telefonoz deituta ere informazio gehiago eska dezakete: 943 26 01 82 da Ttur-tturren zenbakia. Helbide elektronikoa [...]
Tomas Garbizu Musika Eskolako Eskola Kontseiluko gurasoen eta ikasleen (hamasei urte baino gehiago dituztenenak) ordezkariak hautatzeko prozesua abian da. Horrela, hautagaiak aurkezteko epea herenegun ireki zuten eta 25era bitartean egongo da zabalik. ...
Ostiral gauean kontzertua entzuteko aukera izango dute Sotxo tabernan. Izan ere, Lezoko eta Pasaiako taldekidez osatutako Okensay taldeak kontzertua emango du taberna horretan. Emanaldia 23:00etan hasiko da. Okensay ikus-entzuteko ez da ezer ordaindu b...
Futbola Akitaniako Promozio Liga Hend. Eglantins-Langon 2 4-0 Errugbia Federale 2 Maila Stade Hendayais-Mougerre 36-13 Eskubaloia Departamentuko Txapelketa (gizonak) Madiran-Stade Hendayais 25-38 Departamentuko Txapelketa (emazte...
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
