Herriko futbol taldeek garaipen batekin ahaztu nahi dituzte azken porrotak
Herriko taldeek jardunaldi gazi-gozoa izan zuten. Bik irabazi egin zuten (Allerru Bk eta saiskibaloi taldeek), beste bik galdu (herriko futbol talde nagusiek) eta Allerru-Jaizkibel areto futboleko taldak berdindu egin zuen. Horregatik, asteburu honetan aurreko asteburuko akatsak emendatu eta irabazi egin nahi dute. Erregional Preferente Mailako Allerruk Kostkas-Miren Bihotza taldea jaso zuen Plazetan. Gol bakarrarengatik galdu zuten lezoarrek, 0-1. Donostiako taldea atzean uzteko aukera ezin izan zuten aprobetxatu. Sei puntu dituzte, beste horrenbeste jardunaldietan lortutakoak, eta 11. postuan jarraitzen dute. Datorren partida derbia izango da, Touringen kontra jokatuko baitute Fanderian, larunbatean. Emakumeen Ligako taldeari dagokionez, Irunen jokatu zuten, Mariñoren kontra, eta bi gol sartu zizkieten irundarrek. Liderra da Mariño, orain arteko lau partidak irabazi baititu. Allerruk bost punturekin jarraitzen du, azkenaurreko postuan. Amara Berriren bisita jasoko dute etzi, 16:00etan. Lehenengo Erregionaleko gizonezkoen taldeak, berriz, 1-2 irabazi zion Irauliri. Bigarren postuan jarraitzen dute, eta horri eutsi nahi diote, larunbatean EAS 08 taldeari irabazita. Plazetan izango da partida, 18:00etatik aurrera. Saskibaloi taldea, ondo Iaz ez bezala, aurtengo denboraldia ondo hasi du Allerru saskibaloi taldeak. Easo Zaharri irabazi zioten Bekoerrotan, 74-67. Lau partidetan bakarra galdu duteberdeek, eta bolada horrekin jarraitu nahi dute larunbatean Irunen, Carnicas San Marcial Erroibide taldearen kontra. Azken Portu kiroldegian izango [...]
Herriko taldeek jardunaldi gazi-gozoa izan zuten. Bik irabazi egin zuten (Allerru Bk eta saiskibaloi taldeek), beste bik galdu (herriko futbol talde nagusiek) eta Allerru-Jaizkibel areto futboleko taldak berdindu egin zuen. Horregatik, asteburu honetan aurreko asteburuko akatsak emendatu eta irabazi egin nahi dute.
Erregional Preferente Mailako Allerruk Kostkas-Miren Bihotza taldea jaso zuen Plazetan. Gol bakarrarengatik galdu zuten lezoarrek, 0-1. Donostiako taldea atzean uzteko aukera ezin izan zuten aprobetxatu. Sei puntu dituzte, beste horrenbeste jardunaldietan lortutakoak, eta 11. postuan jarraitzen dute. Datorren partida derbia izango da, Touringen kontra jokatuko baitute Fanderian, larunbatean.
Emakumeen Ligako taldeari dagokionez, Irunen jokatu zuten, Mariñoren kontra, eta bi gol sartu zizkieten irundarrek. Liderra da Mariño, orain arteko lau partidak irabazi baititu. Allerruk bost punturekin jarraitzen du, azkenaurreko postuan. Amara Berriren bisita jasoko dute etzi, 16:00etan.
Lehenengo Erregionaleko gizonezkoen taldeak, berriz, 1-2 irabazi zion Irauliri. Bigarren postuan jarraitzen dute, eta horri eutsi nahi diote, larunbatean EAS 08 taldeari irabazita. Plazetan izango da partida, 18:00etatik aurrera.
Saskibaloi taldea, ondo
Iaz ez bezala, aurtengo denboraldia ondo hasi du Allerru saskibaloi taldeak. Easo Zaharri irabazi zioten Bekoerrotan, 74-67. Lau partidetan bakarra galdu duteberdeek, eta bolada horrekin jarraitu nahi dute larunbatean Irunen, Carnicas San Marcial Erroibide taldearen kontra. Azken Portu kiroldegian izango da partida, 20:00etatik aurrera.
Bestalde, areto futbolean, Allerru-Jaizkibelek bina berdindu zuen Gure Txokoa taldearen kontra. Orain arteko hiru partidetan lau puntu atera dituzte. Larunbatean derbia jokatuko dute Oiartzunen kontra, Bekoerrotan. Arratsaldeko bostetan hasiko da eskualdeko bi taldeen arteko partida.