Gernikako Akordioaren sinatzaileek Bilbora joateko deia egin dute

admin

Bidasoa

2011/10/19

Gernikako Akordioaren sinatzaileak

Behe Bidasoko Gernikaren Akordioaren sinatzaileek larunbatean Bilbon egingo den manifestaziora joateko eskatu diete herritarrei. «Euskal herritar gehiengo zabalak konponbidea nahi du. Bakea nahi dugulako. Normalizazio politikoa behar dugulako. Giza eskubide guztiekiko begirunea nahi dugulako. Guztiok Euskal Herriak aspalditik ezagutu ez duen bake egoera iraunkorra nahi dugu», esan dute akordioaren sinatzaileek. Testuinguru horretan kokatu dute larunbateko manifestazioa. Gaur egin dute agerraldia Behe Bidasoko Gernikako Akordioaren sinatzaileek Irungo Alkartetxean. Bertan, hainbat talde, eragile eta alderditako ordezkariak izan dira: Bilgune Feminista, Amnistiaren Aldeko Mugimendua, Etxerat, Gazte Independentistak, LAB, Eusko Alkartasuna, Aralar eta ezker abertzalea. Euren konpromisoa berretsi dute, «are gehiago, astelehenean Donostian egin zen Gatazkaren Konponbiderako Konferentziaren eta ondorengo adierazpenen ondoren. Euskal Herriak urrats garrantzitsuak eman ditu, eta orain urrats horiei babesa agertzeko garaia iritsi zaigu». Konpromisoa Gernikako Akordioarekin bat egin dutenen arabera, Euskal Herrian eraikiko den bakeak integrala, demokratikoa, galtzailerik gabekoa eta elkarrizketatua izan behar du. Hala, bide horretan, preso politikoen egoera hobetzea, alderdien legeztatzea, epaiketa politikoak geldiaraztea, pertsona guztien aurkako jazarpena geldiaraztea, eta biktima guztien errekonozimendua bultzatuko dituzte. Horregatik guztiagatik, eta bide horri sostengua emateko, larunbateko Bilboko manifestaziora joateko deia berretsi dute Behe Bidasoko eragileek. 17:30ean hasiko da martxa Bizkaiko hiriburuko Kasillatik, eta bertara joateko autobusetan izena emateko aukera akordioa sinatu duten alderdien egoitzetan eman daiteke. Hondarribiko autobusa 15:30ean aterako da etzi Miramarretik, eta Irungoa, ordu berean, Bixeratik.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Gernikako Akordioaren sinatzaileek Bilbora joateko deia egin dute

Gipuzkoa

Harun Farockiren begirada zorrotza

Itxasok uste du beharrezkoa dela etxe eskaintza handitzea tentsio eremuetako egoerari aurre egiteko

Coltrane eta Davis, 1926an jaiotako izarrak

Donostiako Karmengo jaietan jasandako «jazarpen poliziala» salatu dute dozenaka herritarrek

Jon Sarasua euskaltzain oso izateko hautagai izendatu dute

Donostiako Piratek bertan behera utzi dituzte abuztuaren 14ko kontzertuak

Memoria historikoari begiratzeko bi proposamen bateragarri egin dituzte Carla Filipek eta Taxio Ardanazek

Uholdeak gertatu aurretik abisu emateko sistema bat sortu dute Pasai Donibanen

Hernani eta Irun lotzen dituen Renfeko tren zerbitzua etengo dute uztailaren 25etik irailaren 6ra

Bergarako eta Zarauzko autoen ikuskapen zentroetan greba mugagabeari eutsiko diote

Beasaingo Urkiola jatetxeak irabazi du Jakitea elkartearen Juan Manuel Garmendia gastronomia saria

Torreko Hodia ikusgai jarriko dute Ekainberrin, duela 12.000 urte grabatutako pieza bat