Legegintzaldiaren lehen lau hilabeteen balantzea egin du EAJk
Lezoko Udaleko oposizioko talde nagusiak, EAJk, Gobernu Taldearen lehenengo “ehun eta piko” egunen balantzea egin zuen atzo. Hiru zinegotziek (Kepa Garbizu, Xubero Ubillos eta Enrike Figueroak) agerraldia egin zuten epe horren balorazioa egiteko. Hauteskunde kanpainarekin hasi zuten errepasoa. Garbizuren esanetan, Bilduren kartelak herriko hamalau paretatan agertu ziren. “Dirudienez”, esan zuen Garbizuk, “herriko lau panelekin ez dute nahikoa. Gainera, kola likidoarekin zikindu zituzten monumentu diren etxeetako paretak”. Horrez gain, aurreko udal gobernuak Bilduri “tratu berezia” eman ziotela, “megafonia eta pleno aretoko banderak utziz”. Orain arteko funtzionamendua ere aztertu zuten. Ekainetik hona bi pleno berezi (“bat bost minutukoa, alferrikakoa”) eta bat arrunta egin direla nabarmendu dute, eta irailean Gobernu Batzarrik ez dela egin. Horrez gain, Kultura Batzordea eta Gizarte Zerbitzuen Batzordea oraindik ez direla elkartu adierazi dute. Legegintzaldiko hainbat erabaki ere salatu zituzten. Kargua hartzeko plenoan bukaeran publikoan zegoen pertsona batek botatako bertsoa ez isilarazi izana egotzi zioten alkateari. Horrez gain, uztaileko Lezo aldizkaria aurreko gobernuari eskaini izana gaitzetsi zuten, “eta oposizioari ezer ere ez ez zioten dedikatu”. Aldizkariaren edukia “auto-laudorioa” izan zela adierazi zuen Garbizuk: “Trapu zikinak gorde dituzte, baina agertuko dira”. Gainera, Bilduk parte hartzea bultzatzeko bideak bultzatuko zituela esan zuen kanpainan, eta jeltzaleen ustez, hori ez da hala izan. [...]
Lezoko Udaleko oposizioko talde nagusiak, EAJk, Gobernu Taldearen lehenengo “ehun eta piko” egunen balantzea egin zuen atzo. Hiru zinegotziek (Kepa Garbizu, Xubero Ubillos eta Enrike Figueroak) agerraldia egin zuten epe horren balorazioa egiteko.
Hauteskunde kanpainarekin hasi zuten errepasoa. Garbizuren esanetan, Bilduren kartelak herriko hamalau paretatan agertu ziren. “Dirudienez”, esan zuen Garbizuk, “herriko lau panelekin ez dute nahikoa. Gainera, kola likidoarekin zikindu zituzten monumentu diren etxeetako paretak”. Horrez gain, aurreko udal gobernuak Bilduri “tratu berezia” eman ziotela, “megafonia eta pleno aretoko banderak utziz”.
Orain arteko funtzionamendua ere aztertu zuten. Ekainetik hona bi pleno berezi (“bat bost minutukoa, alferrikakoa”) eta bat arrunta egin direla nabarmendu dute, eta irailean Gobernu Batzarrik ez dela egin. Horrez gain, Kultura Batzordea eta Gizarte Zerbitzuen Batzordea oraindik ez direla elkartu adierazi dute.
Legegintzaldiko hainbat erabaki ere salatu zituzten. Kargua hartzeko plenoan bukaeran publikoan zegoen pertsona batek botatako bertsoa ez isilarazi izana egotzi zioten alkateari. Horrez gain, uztaileko Lezo aldizkaria aurreko gobernuari eskaini izana gaitzetsi zuten, “eta oposizioari ezer ere ez ez zioten dedikatu”. Aldizkariaren edukia “auto-laudorioa” izan zela adierazi zuen Garbizuk: “Trapu zikinak gorde dituzte, baina agertuko dira”.
Gainera, Bilduk parte hartzea bultzatzeko bideak bultzatuko zituela esan zuen kanpainan, eta jeltzaleen ustez, hori ez da hala izan. “Plenoaren ordezkariak organo kolegiatuetan denak Bildurenak dira. Udalbatzaren eskumena da ordezkari horiek hautatzea, eta ez da Udalbatzaren ordezkaritza proportzionalki bete. Gure ustez, Bilduk sei ordezkari behar zituen, eta beste bi oposizioak. Alperra zer den badakite eta ederki pasatzen dute”.
“Aholkulariaren figura suntsitu behar da”
Irailaren 29ko plenoan gobernukideak udalaren egoera ekonomiko larriaz “jabeturik” zirela esan zuen EAJko bozeramaileak, eta “arrazoi hori erabili zuten Musika Eskolako irakasle eta langileei lan ordu eta diru murrizketak egiteko. Baina ekainaren 30ean, oraindik ez ziren egoera ekonomikoaz jabetu, ez baitzuten arazorik izan alkatearen aholkulari lanpostua sortzeko. 34.616 euro dira urteko”. Euren ustez, lanpostu hori sortzeko dirua Musika Eskolatik kendu dutena izan da, eta figura hori “suntsitzeko” galdegin dute.
Santakrutzetako programa ere kritikatu zuten, argazkiak Bilduko zerrendakide guztiak agertzen zirelako. Azkeneko osoko bilkuran barkamena eskatu zuen Udal Gobernuak, baina jeltzaleentzat “politikan ez dago barkamenik”, eta dimisioak eskatu dituzte. “Partidua eta instituzioa nahastea totalitarismoaren ezaugarri bat da”, gaineratu dute. Horrez gain, euskara bultzatzeko plana Jaurlaritzari bidali ez izana kritikatu dute, eta agintaldirako programa prest ez edukitzea egotzi diote Udal Gobernuari.
Horrela, hiru eskakizun egin dizkiete gobernukideei, aholkulariaren figura kentzeaz aparte: Lezo aldizkariaren bosgarren alearen kostuak Bilduk ordaintzea; santakrutzetako programa Bilduk ordaintzea eta Bilduren kartelak paretetatik kentzeko ordaindutako diru kopurua koalizioak berak ordaintzea.
