Hirugarren postua eskuratu du Ama Guadalupekoak Palermoko txapelketan
Hondarribiko judokek hirugarren postua eskuratu zuten iragan asteburuan Sizilian (Italia) jokatu zuten Taldekako Palermoko Nazioarteko txapelketan. Italia, Belgika, Frantzia eta Poloniako taldeekin lehiatu ziren hondarribiarrak, eta guztira 14 talde iz...
Hondarribiko judokek hirugarren postua eskuratu zuten iragan asteburuan Sizilian (Italia) jokatu zuten Taldekako Palermoko Nazioarteko txapelketan. Italia, Belgika, Frantzia eta Poloniako taldeekin lehiatu ziren hondarribiarrak, eta guztira 14 talde izan ziren.Txapelketaren sistemak borroka asko egiteko aukera eman zuen, eta denak denen aurka jokatu zuten. Horrela, liga bakoitzeko lau talde onenek, igandeko play off-a jokatu zuten.
Semifinalean kanpora
Ama Guadalupekoako judokek Marsella, Liguria, Lazio eta Calabria garaitu zituzten, Toscana eta Piamonteren aurka jokatzeko. Semifinalean, Toscanako taldeak finaletik kanpo utzi zituzten bidasotarrak. Hala ere, hondarribiarrek Espainiako Txapelketa prestatzeko Roman (Italia) entrenatzeko gonbidapena jaso zuten, txapelketan egin zuten joku onarengatik.
Irene Diaz, Amets Sarasua, Adrian Oliver, Martxel Eizaguirre eta Asier Bargallo judokek ekarri zuten brontzezko domina etxera, eta Irene Peinada arbitroa eta Daniel Palavecino entrenatzailea izan ziren judoka gazteekin Sizilian (Italia).
Galizian eta Frantzian
Larunbatean eta igandean Ama Guadalupekoako judokak Vigo (Galizia) eta Frantzian izango dira. Galizian Jon Gainza, Iñaki Lekuona, Aritz Sagarzazu eta Ander Palavecinok Euskal Herriko selekzioarekin arituko dira. Hondarribiko beste 12 judoka, Sauvagnonera (Frantzia) joango dira, bertan egingo duten XXI. txapelketan parte hartzeko.
