1958. urteko kintoek hilaren 29an ospatuko dute euren eguna
Kinto festa antolatu dute 1958. urtean jaiotakoek hilaren 29rako Irungo Atalaia hotel-jatetxean. Oiartzunen jaiotakoek zein Oiartzunen bizi direnek parte hartu ahal izango dute. Egun horretan, 13:00etan elkartuko dira eta bazkaldu aurretik luntxa izang...
Kinto festa antolatu dute 1958. urtean jaiotakoek hilaren 29rako Irungo Atalaia hotel-jatetxean. Oiartzunen jaiotakoek zein Oiartzunen bizi direnek parte hartu ahal izango dute.
Egun horretan, 13:00etan elkartuko dira eta bazkaldu aurretik luntxa izango dute. 14:30ean izango da bazkaria, eta jarraian, dantza egiteko aukera izango dute Modesto musikariarekin. Ondoren zer egingo duten, “auskalo”, antolatzaileen hitzetan.
Festara joateko interesa dutenek 60 euro sartu behar dituzte hilaren 15a baino lehen, izen-abizenak adierazita, Kutxako honako kontu korrontean: 2101 0001 10 0126461664.
Autobusa
Jatetxera joan-etorrirako autobusa izango da: 12:30ean ikastolan, 12:35ean Iturriotzen, 12:40ean Ugaldetxon eta 12:45ean Arraguan (azken horietan, autobus paradetan). Bueltakoa 20:00etan edo 21:00etan izango da, “giroaren arabera”.
Zerbitzua erabili nahi dutenek, izen-abizenak eta geltokia jakinarazi behar dituzte hiru antolatzaile hauetakoren batekin harremanetan jarriz: 670 40 76 01 edo mitxelena.i[abildua]euskalnet.net (Joxe Mari Mitxelena); 635 20 72 89 edo gorozti[abildua]teleline.es (Joxe Mari Gezala); eta 651 70 68 81 edo mitxelenagarazi[abildua]telefonica.net (Pako Mitxelena).
