
Hondarribiko Udaleko Gizarte Zerbitzuetako departamentuak laguntza ekonomikoak eskatzeko 2011ko deialdia ireki du aste honetan. Gobernuz Kanpoko Erakundeei zuzendu dituzte laguntza hauek, garapen bidean dauden herrien baldintza sozio-ekonomikoak garatu...

Udalak eskatuta Aztiker Ikerguneak egindako inkestaren emaitzaren arabera, “hamar oiartzuarretatik ia zortzi (%77,1), ongi edo oso ongi moldatu dira atez ateko bilketara”. Atez atekoa martxan jarri eta zortzi hilabetera inkesta egitea erabaki zuen Udalak, herritarren asebetetze maila ezagutzeko. Urtarrilaren 28tik otsailaren 11ra egin zituen galdeketak Aztikerrek. Oiartzungo 504 etxeetarako deitu zuten telefonoz, zoriz aukeratuta, eta inkestatu guztiei galdera sorta bera egin zieten: nola moldatu diren, ordutegiaz, egutegiaz, hobetzeko proposamenak… 15 urtetik gorakoak izan dira elkarrizketatuak, eta sexu eta adinaren araberako oreka ziurtatu du Aztikerrek. Aztikerren arabera, %95,5 konfiantza maila du inkestak: “Edozein azterketa soziologikori eskatzen zaion ziurtasun maila. Egin den azterketa soziologikoan erabilitako laginarekin, Oiartzungo unibertsoaren argazki fidela lortu da”. Datu nagusienak Inkestatik ondoriozta daitekeenez, oiartzuarren %77,1 ongi edo oso ongi moldatu da atez ateko bilketara. %12,3k erdipurdi moldatu dela adierazi du eta %10,5k gaizki edo oso gaizki. Hala, sistemaren alde dago oiartzuarren %71,4 eta kontra 22,9. Bestalde, banatu den informazioaren kalitatea ona edo oso ona dela diote herritarren %73,3k; erdipurdikoa %20,1k eta txarra edo oso txarra %5,6k. Moldatu eta herrian lortu dituen emaitzak ikusita, ahaleginak merezi izan duela uste du herritarren %79,3k. Datuak onak direla, baina eskatzen duen ahalegina gehiegizkoa dela eta, beraz, ez duela merezi, diote %4,6k. Gainera, [...]

Irungo Jaizubia Hipikak Elkartearen Ligaxkaren bigarren jauzi txapelketa antolatu du iganderako, hilaren 10erako. 10:00etan hasita, lehiaketa egun osoan ospatuko da.

Datorren asteartean, genero indarkeriari buruz jardungo dira Rafaela Romero Gipuzkoako Batzar Nagusietako presidentea eta Maite Peña Errenteriako Gizarte gaietako zinegotzia. Hain zuzen, Telleri Alde ikastetxean (Bittor idiazabal, 1)izango da, 18:00et...

Judoa izango da protagonista etzidamu Galtzarabordako Udal Kiroldegian. Egun osoan zehar kirol mota horrekin lotutako hainbat saio egingo dituzte, tartean, Espainiako Judoko Kata Txapelketa eta 23 urtez azpiko Euskadiko Judo Txapelketa. Ekitaldian 300 lagunetik gora biltzea espero dute antolatzaileek, Kirolkide Errenteriako Kirol Patronatuak eta Euskadiko Judo Federazioak. Hain zuzen, bi aldeetako ordezkariek etzidamuko egunaren gaineko xehetasunak eman dituzte gaur goizean, Jose Angel Rodriguez Kirolkideko presidenteak eta Sergio Bello eta Juango Etxebeste Euskadiko Judo Federazio presidente eta idazkariak, hurrenez hurren. Goizean goiz, 09:30ean hasiko dira jarduerekin. Ordu horretan hasiko da, hain zuzen, 23 urtez azpiko Euskadiko Judo Txapelketa gizonen eta emakumeen mailetan. Horrekin batera, Haur Mailako proba bat ere egingo da, Espainiako Txapelketan sailkatzeko balioko duena. Kata txapelketa, arratsaldean 15:30etik aurrera, kata lehiarekin hasiko dira. Bost kategoriatan ariko dira 56 bikote: Nage No Kata (hamalau bikote), Katame No Kata (bederatzi bikote), Kime No Kata (11 bikote), Juno Kata (hamabi bikote) eta Kodokan Goshin Jutsu (hamar bikote). Antolatzaileen esanetan, judokak ez dituzte kategoriaren arabera banatuko, eta bikoteak emakumeenak, gizonenak edo mixtoak izango dira. Oarsoaldeko eta Bidasoko ordezkariek ere ez dute hutsik egingo lehian. Kata txapelketa horretan ekaineko Munduko Kata Txapelketarako (Frankfurten, Alemania) eta urriko Europako Kata Txapelketarako (Pragan, Txekiar Errepublika) hautagaiak zehaztuko [...]

Andra Mari Abesbatzak pasa den urteko jarduera aztertu eta aurtengo urterako egitaraua eta egitasmoak eztabaidatuko ditu etzi egingo duen batzar nagusian. Horrez gain, aurrekontuak onartu eta erakundearen zuzendaritzako kargu berritzeak erabakiko dituz...

Groenlandiaren karraska goiburuko hitzaldia emango du Ander Izagirre (Donostia, 1976) abenturazaleak gaur osteguna, 19:30ean Amaia KZn. Lurralde izoztuan ateratako argazkiak proiektatuko ditu, eta haien inguruan mintzatuko da. Iaz bidai kontaketen Essery saria jaso zuen bidai hartan izandakoei buruz idatzitako lanarengatik. Zer erakutsiko duzu gaur Amaian? Batetik, Groenlandiako paisaia eder eta ikaragarria: itsaso izoztua, izebergak, glaziarrak, uharte elurtuak… Maiatzeko eguzkiarekin itsasoa urtzen eta pitzatzen hasten da. Bestetik, gizartea ere kraskatzen ari da nolabait: historiaurretik globalizaziora hiru belaunalditan egin dute salto ekialdeko inuitek, eta horrek arazo sozial oso larriak ekarri dizkie (bizimodu aldaketa erabatekoa, langabezia, alkoholismoa, tratu txarrak, abusu sexualak, suizidio tasa beldurgarria…). Estatu independente bat osatuko dute laster eta erronka handia dute: nola fundatu XXI. mendeko gizarte bat izotzezko mundu batean. Zure lanetan paisaia ederrez gain, bisitatzen dituzun lekuetako biztanleen bizitza azaltzen da. Gizakiak interesatzen zaizkizu… Paisaiak gozatzen ditut, noski, baina benetan interesatzen zaidana da guretzat herrialde horietan jendea nola bizi den. Beti harritu izan naiz gizakion aniztasunarekin, zein desberdinak diren Groenlandiako inuit baten, Boliviako meatzari batean edo Afrikako nomada baten bizitzak. Horren berri ematen saiatzen naiz. Munduko leku askotan ibili zara. Groenlandian zerk harritu zintuen? Historiaurrea eta globalizazioa teilatu beraren azpian bizi direla. Aitona izotzetan jaio zen urteroko emigrazioan, bere [...]

Jean Olharan zesta puntista gazteak profesional gisa debutatuko du bihar arratsaldean Jai Alive enpresarekin, Jostaldi pilotalekuan. Hondarribia-Biarritz Pro-Am Txapelketaren semifinaleko protagonista izango da bihar, arratsaldeko 18:00etatik aurrera G...

Xabier Leteren omenezko jaialdia egingo dute datorren larunbatean, hilaren 16an, Elorsoro kiroldegian, 21:30ean. Udalak eta AM Kultur Promotorak antolatu dute kantaldia, eta kantari eta musikari ezagunek hartuko dute parte. Hala jakinarazi dute eguerdian Donostian egindako agerraldian, Antton Valverde musikariak, Larraitz Lasa Girizia Kultur Taldeko kideak, Aitor Etxeberria alkateak, Arantxa Lete Xabierren arrebak eta Joxe Angel Arbelaitz AM Kultur Promotorako kideak. Ordu pare bateko jaialdia izango da, eta “denetarik” izango duela iragarri du Joxe Angel Arbelaitz AM promotorako kideak. Abeslarien artean eta taldeen artean, honakoek hartuko dute parte: Antton Valverdek, Erramun Martikorenak, Oskarbik, Petti, Pier Paul Berzaitzek eta Arantxa Irazustak. Herriko kantariak ere izango dira: Jon Bergaretxe eta Lartaun Abesbatza. Musikariei dagokienez, guztiak ariko dira Karlos Gimenez piano jolearen zuzendaritzapean. Honakoak izango dira: Joxan Goikoetxea eskusoinuarekin eta teklatuekin, Txema Garces baxuarekin, Franciso Herrero bibolinarekin, Luis Fernandez biolontxeloarekin eta Xanet arozena oiartzuarra gitarrarekin. Abeslariak zein musikariak, guztiak dira Xabier Leterekin kolaboratu zutenak, lana elkarrekin egin zutenak edota adiskideak eta lagunak. Antton Valverdek azaldu duenez, abeslari edo talde bakoitzak hiruna abesti kantatuko ditu emanaldian: “Nik, Gabriel Celayaren El Retorno abestuko dut, Letek Itzulera bezala itzuli zuena eta nik musika jarri niona; kanta berri bat ere abestuko dut, Xabierren azken liburutik hartutako poema bat. [...]

Gizon bati urtebeteko kartzela zigorra ezarri diote beste bati labanarekin erasotzeagatik Errenteria-Oreretan, taberna batetik ateratzerakoan. Hala ere, kartzela zigorraren ordez, isunak soilik ordaindu beharko ditu, 1.040 eurokoak guztira. 2008ko uzta...

Gaurko programazioa FM107an: 10:00etan, Arguyuan: 10:30ean: Arguyuan saioa Trebiñutik (Arabatik) zuzenean emitituko dute. Izan ere, Korrika 17 hasiko da gaur eta Korrikaren gaineko saioa burutuko dute. 11:30ean: Zulotik deiadarka. 12:10ean: Oiartzuarr...

Bihar hasiko da Lesoinu, Lezoko musika aste pedagogikoa. Aurten, gainera, zilarrezko ezteiak ospatuko dituzte. Atzo egin zuten ekimenaren aurkezpena. Xanti Espina Tomas Garbizu Musika Eskolako zuzendariak aipatu zuenez, kontzertu pedagogikoekin hasiko ...

Aralarreko legebiltzarkide Mikel Basabek Herri Eskolako ordenagailuak itzultzeko eskatu dio Isabel Zelaa Hezkuntza sailburuari. Gaur goizean Hezkuntza Batzordea egin dute Gasteizko Legebiltzarrean. Eskola 2.0 programaren eskatu dio ordenagailuak itzult...

Hamaikabatek (H1!) Garbitania Zero Zabor enpresa publikoak egin dituen kontratazioen prozedurari buruzko informazioa eskatu du berriro, eta enpresa eratu zutenetik informazio falta eta iluntasuna nagusi izan direla salatu du. H1ek argitu duenez, enpres...

Mikelazulo Elkarteak Internet eta sareen gaineko gosari-solasaldia egingo du hurrengo igandean, hilak 17, goizeko hamarretatik aurrera. Hala, parte hartzen duten lagunek horien gainean izan ditzaketen zalantzak argitzen saiatuko dira Bakhalau taldeko k...

Bihar jarriko da martxan Trebiñun Korrika, eta Zintzilik Irratiak zuzeneko kontakizuna egingo du, Arrosako irratiekin batera. Hurrengo egunetan, egunero eskainiko diote tarte bat euskararen aldeko ekimenari 21:00etan. Korrika herritik pasatzen den egu...

Bansky britainiar graffiti egilearen Exit trought the gift shop film luzea proiektatuko dute ostiralean Cinema Paradiso programan.

Stephane Garciak, 20 urteko Hondarribiko Laia Erretegiko sukaldariak, Grenoblen (Frantzia) ospatu duten XIV. Europako Erdi Aroko Sukaldari Profesional Gazteen Txapelketa irabazi du. Txapelketan 24 urtez beherako sukaldariek parte hartu dute eta Garcia sukaldariak Landetako ahatea aurkeztu zuen, kanela eta hiru saltsaz lagunduta. Sukaldari gazteak, 20 urteekin, sukaldaritza munduan hainbat sari eskuratu ditu jada; Frantziako Anne-Sophie Pic jatetxeko lehiaketa profesionala, besteak beste, eta Europako azken hau orain. Garcia sukaldariak, bere jaioterriko, Toulusseko (Frantzia) Hostalaritza Eskolan ikasi zuen. eta ikasketak Zarautzeko Aiala Eskolan bukatu zituen, master batekin. Jarraian Donostiako Ni Neu jatetxean praktikak egin zituen, eta gaur egun, Jon Ayalak zuzentzen duen Laia Erretegiko sukaldaria da. Txapelketa zaila Txapelketak plateraren konposizioari dagokionez, oinarri zorrotzak eskatzen ditu. Laiako sukaldariak osagai eta teknika bereziak erabili zituen zapore eta textura ezberdinak lortzeko. Ahatea gutxi egosita egin zuen, eta izterrak aldiz, kanela, ardo, ezti eta mahats zaporearekin. Txapelketa honetan, Brouet de canelle Erdi Aroko errezetaren bertsio berritua eskatzen zuten. Carlos Nuez, laugarren Hondarribiko sukaldaritza maila altua bertako sukaldariek lortu dituzten sariek eta hirian bertan ospatzen dituzten sukaldaritz jardunaldiek ziurtatzen dute. Gran Sol taberna eta Sugarri jatetxeko Bixente Muñoz, herritar sukaldarien erreferente bihurtu da, eta oraingoan, Hondarribiko Goxodenda Jatetxeko Carlos Nuez sukaldaria, laugarren izan da Espainia mailako [...]