
Emakumeentzako 2010/2011 ikasturteko ikastaro eskaintzaren barruan, Gure emozioekin lanean izeneko ikastaroa antolatu du Killirikupek emakumeentzat. “Garrantzitsua da norberaren emozioak lantzea, bakoitzak dituen baliabideak ezagutzea, inguruko p...

Golik gabe bukatu zen larunbatean Trintxerpek Aloña Mendi taldearen kontra jokatutako partida. Kostata ari dira puntuak gehitzen zuri urdinek, baina hala ere sailkapeneko erdialdeari eusten jarraitzen dute. Hurrengo partida, larunbatean, etxean, eta a...

Sailkapenean gora begira jarraitzen du Hondarribia-Irunek iragan larunbatean 101-48 irabazi ondoren. Olesa izan zuten aurkari etxean bidasoatarrek eta partidu ikusgarria jokatu zuten. Zortzigarren sailkatu dira etxeko neskak garaipen berri honekin, eta...

Nahiko gaizki jokatu arren hiru puntu gehitzea lortu dute Pasajes taldeko zuri-gorriek eta horri esker sailkapeneko goialdeari eusten diote. Datozen bi partidak etxetik kanpo dituzte antxotarrek eta beren jokoa hobetu beharko dute puntuak gehitzen jarr...

Moreak izan dira nagusi Trintxerpen jokatutako Gipuzkoako Batel Ligako bederatzigarren jardunaldian. Senior Mailan, San Pedroko B ontzia izan zen azkarrena. San Juanek hirugarren eta laugarren postuak lortu zituen. Gazteen Mailan, mutiletan, San Pedroko A ontziak irabazi zuen, eta aldiz, maila berean baina nesketan San Juan. Kadateetan, arrosek irabazi zuten baita ere, eta, azkenik, Haurren Mailan, Hibaikako neskek irabazi dute estropada beste behin. Zazpi punturekin sailkapeneko lehenbizikoak dira.

Gaurko programazioa FM107an: 10:00etan, Arguyuan: 10:30ean: Kirol informazioa. 11:30ean: OARSO BIDASOKO HITZA-ren zuzendaria den Uro Etxebesteren eskutik, informazioa. 12:10ean: Elkarrizketa. 13:15ean: Joxe Migel Lopez. Asteko kirol emaitzen errepasoa....

Herriko Etxe parean bildutakoen artean poza nabaria zen, batetik, parkarten atzean Euskal Herrian gutxitan lortutako aniztasun politikoa bildu delako, eta, bestetik, azken asteetan Hendaian zerbait handia egin delaren sentipena nabaria delako.

Hainbat herriko taldek antolatuta elkarretaratzea egingo dute bihar japoniar herriari elkartasuna adierazi, eta energia nuklearrari ezetz esateko. Horrez gain, Garoñako zentral nuklearra ixteko eskatuko dute. 13:00etan Xabier Olaskoaga plazan agertzer...

Lezoko Udalbatzak ezohiko plenoa egingo du asteazken arratsaldean, 19:30etik aurrera. Bertan lau puntu jorratuko dituzte. Lehenengo puntuan aurtengo aurrekontuaren hasierako onarpena emateko diktamena aztertuko dute udal ordezkariek. Bigarren puntuan e...

Aralarrek alkatetzarako bere hautagaia aurkeztu du gaur goizean Pasaian. Joseba Bernal izango da. Portugaletekoa, zazpi urte ditu Pasaian bizitzan. “Politika egiteko beste modu bat badagoela erakutsi nahi diegu herritarrei. Parte hartzean oinarritutako politika egiteko modua, herritarren eguneroko arazoei erantzuna ematea bilatzen duena eta politikak galdu duen sinesgarritasuna berreskuratzea bilatzen duena”, esan du aurkezpenean.

Uraren Nazioarteko Eguna da bihar (Hilak 22) eta Itsas Gela elkarteak kudeatzen duen Mater ontzian doako tailerra antolatu dute 8-14 urteko gaztetxoentzat. Tailerrean uraren ezaugarri fisikoak ezagutzera emango dituzte jolas eta esperimentuen bidez eta uraren analisi fisiko kimikoa egingo dute uraren hainbat lagin aztertuz. Parte hartzeko aurrez hartu behar da tokia, 619 81 42 25 telefono zenbakira deituta, edo eta itsasgela@itsasgela.org helbidera idatzita. Jarduera arratsaldeko 18.00tan hasiko da eta ordu bateko iraupena izango du. “Ura hirientzat: hiritar erronka bati erantzuten” lelopean, gobernuek, elkarteek, eta norbanakoek uraren kudeaketa egokian inplikatu nahi dituzte.

Hilabeteak dira bere lehen hamarkada ospatzeari ekin ziola Antxeta Irratiak, eta ekitaldi anitz antolatu dituzte. Antxeta gauarekin hasi eta Ahotsak kolektiboaren hitzaldiarekin bukatuz. Bertso afaria, ate irekiak eta Europa Mailako Irrati Elkarteen Lehen Topaketa tarteko. Euskara, gizarte aniztasuna eta parekidetasuna ardatz izan dituen kanpaina landu dute. “Polita izan da oso, irratiaren baitan mugitu eta bere alde inplikatzen den jende kopurua anitza dela ohartzeko balio izan baitigu, lan talde bat dugu Antxeta Irratian baina ez gara sekula aspertuko laguntzaile, kolaboratzailerik gabe, inor ez garela esatez”, azaldu zuen Aitziber Zapirainek, Antxeta Irratiko koordinatzaileak. Behe Bidasoako irrati komunitario eta euskaldun bakarra da Antxeta, horrek bere alde baikor eta ezezkorrak dituelarik. Herritar, instituzio, mugimendu… jendartea osatu, eraiki eta biziarazten duten eragile ororen konfidantza irabazi du irratiak. “Ez da lan erraza izan, eguneroko indar eta esfortzuak aldiz, bere fruituak eman ditu”. Itxiera ekitaldia iragan ostegunean Hondarribiko Arma Plazan egin zuten, eta ez da kasualitatea, bertan entzun eta erabiltzen baita euskara gehien. Horrez gain, Antxeta Irratiak Hondarribian ditu bere entzule gehienak. “Gure eskualdea euskalduntzea da Antxeta Irratiaren erronka nagusienetariko bat, ibilbide horretan, ahalen araberako ekarpena egitea behintzat bai”, gehitu zuen Aitziberrek. Estibalitz Alkorta Gipuzkoako Foru Aldundiko ordezkaria eta irratiaren laguntzailea, ere itxiera ekitaldian izan zen, “Kezkaz [...]

Oiartzungo tanatorio berria inauguratuko zuten Udaleko ordezkariek larunbatean: “Azkenean, herriak badu legeak eskatutako araudi guztiak betetzen dituen beilatokia, lehengoa baino handiagoa eta gainera, publikoa”. Udalak 2010 urterako aurreikusitako proiekturik garrantzitsuenetarikoa da tanatorio berria. Orain arte tanatorioa zerbitzu publikoa izan da, eta izaera publiko hori mantentzea oso garrantzitsua izan da Gobernu Taldearentzat: “Zerbitzu publiko onak dituen herriak, bizi kalitatean islatuta sumatzen baitu hori”. Udal teknikariek diseinatu dute beilatoki berria. Lehengoa baino handiagoa da eta bi gorpurentzako tokia du. Bi gela horiek izena ere badute: Egiar eta Errenga. Udalerrian dauden mairubaratzak dira biak. Egiar, Pikoketarako bidean dago eta Oiartzungo mairubaratzen artean, altuera baxuenean kokatua dagoena da. Errengako mairubaratza, berriz, Aritxulegitik Bianditzera bidean dago, Nafarroarekin mugan eta altuera gehienera dagoen Oiartzungo mairubaratza da. Gainera, beilatokia bere ingurunean integratu eta “guztiari zentzua” emateko ahalegina egin dute. Horren adierazle dira gelei jarritako izenak; izan ere, antzinako garaietan mairubaratzak heriotzarekin harremana zuten eraikuntzak ziren. Azkenik, kanposantuaren eta tanatorioaren bazterrean dagoen Anton Mendizabalen Sutar eskulturak inguruneari “osotasuna” ematen dio. Oiartzungo inguruko mairubaratz guztiak sinbolizatzen ditu. Udaletik gogorarazi dutenez, tanatorio publiko berria egin ahal izateko ezinbestekoa izan da arau subsidiarioak onartzea. 579.295 euroko aurrekontua izan du proiektuak eta Espainiako Estatuaren E-Planaren diru-laguntzarekin finantzatu da. Iazko uda hasieran hasi [...]

Korrika batzordea bilduko da bihar, lehenbizikoz, Donibanen. Itsas Mendi elkarteko liburutegian bilduko dira, 19.00etan. Antolatzaileek parte-hartzeko deia zabaldu dute.

“Beren jabearen ahotsa” izateari uzteko eskatu dio ezker abertzaleak Pasaiako PSE-EEri. Pasaiako PSE-EEk Miguel Buenek Portuaren kudeaketan egindakoen defentsan esandakoak eta gobernu taldearen kontra adierazitakoak erantzun ditu ezker aber...

Gaurko programazioa FM107an: 10:00etan: Hiru kortxea. 16:50ean: Zuzenean, Santanderreko (Kantabria) futbol zelaitik, Racing-Reala partidaren kontakizuna. Hizlariak: Urtzi Argibay eta Alioxia Rodriguez.

22 milioi euro. Horixe San Pedroko lonja berria eta ingurua urbanizatzeko lanen kostua. Hala eman du aditzera Portu Agintaritzako buru Miguel Buenek gaur goizean eman duen prentsaurrekoan. Esan duenez, 16 milioi euro Portu Agintaritzak jarriko ditu. Lanak datorren hilean hasiko direla esan du eta bi fasetan egingo dituzte, hiru urteko epean.

Martxoko urtebetetzeak ospatuko dituzte gaur, 16:30etik aurrera, Abaraxka Udal Ludotekan.

Batek baino gehiagok galdegin zuen astelehen eguerdian zergatik jotzen ari ziren Oiartzungo Doneztebe parrokiako kanpaiak eguerdi partean. Sutea? Hileta? Jaia? Ez zen horietako bat ere. Egun kanpaiak jotzen ari diren boluntarioek erakustaldia egin zuten Elizaldeko ikasleentzat. Datorren hiru astelehenetan ere gauza bera egingo dute. Elizalde Eskolak interesa agertu zuen, Lehen Hezkuntzako 5. eta 6. mailako ikasleek egun kanpaiek nola funtzionatzen zuten ezagutu zezaten. Hitzaldi bat eman ordez, kanpai joleek ikasleak elizara eramatea erabaki dute, kanpaiak eta jotzeko moduak bertatik bertara ezagutzeko. Talde txikietan banatu dituzte ikasleak, eta martxoko eta apirileko lau astelehenetan zehar, hitzalditxoaz gozatuko dute. Lehena astelehenean egin zuten. Lorena Zalakainek eta Joseba Zabaletak, kanpaien funtzioa, erabilera eta hainbat datu ezagutarazi zizkioten ikasle talde bati. Eta nola jotzen duten erakutsi. Egun, Oiartzunen, urtean 20 aldiz jotzen dituzte kanpaiak, egun berezietan. Bestela, orduak ematen dituzten kanpai joaldiak automatizatuta daude (ordenagailu bidez). Egun berezietan, berriz, lau pertsona aritzen dira jotze lan horretan boluntario: Lorena Zalakain duela bost urte hasi zen; Joseba Zabaleta eta Larraitz Mitxelena duela 11 urte, eta Joxe Mari Eguesek duela 30 urte jotzen ditu. Lan hori gustatzen zaielako egiten dute eta badakite jarraitzen duten tradizioa gutxienez XIX. mendekoa dela. Garai batean, elizako sakristauak jotzen zituen kanpaiak, familia batzuen [...]