Errenteria Garatuz udal enpresa desegiteko eskatu du ezker abertzaleak
Ezker abertzaleko zinegotziek, Errenteria Garatuz udal enpresa desegiteko eskatu dute. Egindako agerraldian, enpresaren egoera ezagutzeko egin dituzten auditoria txostenek (bi guztira) Errenteria Garatuzen egoera ekonomikoa larria dela ondorioztatu dutela azaldu dute Carlos Murua, Santi Angulo eta Iñaki Queralt zinegotziek. Lehenengo txostenak “galerak 1.100.000 eurokoak izan zirela zioen eta horrek kontseilarien kezka sortu zuen.Ondorioz, kontseiluaren ez ohiko bilera egin eta bigarren txosten bat eskatzea erabaki zen” azaldu dute ezker abertzaleko zinegotziek. Bigarren txostenak, 2009 urtean Errenteria Garatuzek 1.384.745 euroko galera izan zuela dio “hau da lehenengo txostenak baino defizit handiagoa” gaineratu dute. Proposamenak Gainera, auditoriak dionez jarduerarekin jarraitzeko zailtasun ekonomikoak ditu udal enpresak “eta aurrera jarraitzekotan, galerak handiagoak izango dira. Horren ondorioz, udalak ekarpen ekonomiko handiagoa egin beharko luke” esan dute zinegotzi abertzaleek.Hala, enpresa desegiteko eskatu du ezker abertzaleak “gero eta zulo handiagoa egingo digulako” eta Errenteria Garatuzek ematen dituen zerbitzuak udalak bere gain hartzea proposatu du talde abertzaleak “horrela, zerbitzuen bikoizketa desagertzea eta gastu arruntaren gutxitzea lortuko genukelako” Elkarlanerako borondate eza Egoera ekonomiko larriaren berri ematearekin batera, Errenteria Garatuz enpresak “bere lehentasuna ahaztu duela” esan du talde abertzaleak. Babes Ofizialeko Etxebizitza sustatzeko sortu bazuten ere egun, aparkalekuak sustatzen dihardu “eta guk ez dugu gai hau lehentasuna dutenen artean kokatzen, udalak [...]
Ezker abertzaleko zinegotziek, Errenteria Garatuz udal enpresa desegiteko eskatu dute. Egindako agerraldian, enpresaren egoera ezagutzeko egin dituzten auditoria txostenek (bi guztira) Errenteria Garatuzen egoera ekonomikoa larria dela ondorioztatu dutela azaldu dute Carlos Murua, Santi Angulo eta Iñaki Queralt zinegotziek. Lehenengo txostenak “galerak 1.100.000 eurokoak izan zirela zioen eta horrek kontseilarien kezka sortu zuen.Ondorioz, kontseiluaren ez ohiko bilera egin eta bigarren txosten bat eskatzea erabaki zen” azaldu dute ezker abertzaleko zinegotziek. Bigarren txostenak, 2009 urtean Errenteria Garatuzek 1.384.745 euroko galera izan zuela dio “hau da lehenengo txostenak baino defizit handiagoa” gaineratu dute.
Proposamenak
Gainera, auditoriak dionez jarduerarekin jarraitzeko zailtasun ekonomikoak ditu udal enpresak “eta aurrera jarraitzekotan, galerak handiagoak izango dira. Horren ondorioz, udalak ekarpen ekonomiko handiagoa egin beharko luke” esan dute zinegotzi abertzaleek.Hala, enpresa desegiteko eskatu du ezker abertzaleak “gero eta zulo handiagoa egingo digulako” eta Errenteria Garatuzek ematen dituen zerbitzuak udalak bere gain hartzea proposatu du talde abertzaleak “horrela, zerbitzuen bikoizketa desagertzea eta gastu arruntaren gutxitzea lortuko genukelako”
Elkarlanerako borondate eza
Egoera ekonomiko larriaren berri ematearekin batera, Errenteria Garatuz enpresak “bere lehentasuna ahaztu duela” esan du talde abertzaleak. Babes Ofizialeko Etxebizitza sustatzeko sortu bazuten ere egun, aparkalekuak sustatzen dihardu “eta guk ez dugu gai hau lehentasuna dutenen artean kokatzen, udalak dituen ahalmen ekonomiko eskasak, behar sozialetara zuzendu beharko lituzke” esan du Angulok.
Errenteria Garatuzek erakutsi duen elkarlanerako borondate eza nabarmendu dute amaitzeko: ” batetik,ez du behar bezala jokatu informazioa emateko garaian; bestetik, kontseiluak erabaki gabe beste txostena eskatu du kudeatzaileak eta otsaila amaierarako egina behar bazuen ere oraindik ez dugu ezer jaso”.
