Ondartxoko parte-hartze prozesuaren ondorioak ez dituela ezagutzen salatu du Hamaikabatek
“Sorpresa handiarekin hartu dugu otsailaren 22an alkateak egindako ebazpena. Ez du publizitatu, eta Gipuzkoako Aldizkari Ofizialean ere ez da agertu. Eta Ondartxoko proiektuaren esleipenaren hasiera onartuta dagoela azaltzen da ebazpenean”,...
“Sorpresa handiarekin hartu dugu otsailaren 22an alkateak egindako ebazpena. Ez du publizitatu, eta Gipuzkoako Aldizkari Ofizialean ere ez da agertu. Eta Ondartxoko proiektuaren esleipenaren hasiera onartuta dagoela azaltzen da ebazpenean”, azaldu du Miriam Cano Hamaikabateko kideak. Hori horrela, Ondartxoko etorkizunaren inguruan egindako parte-hartze prozesuaren ondorioei buruzko informazioa falta duela salatu du.
“Urtea hasi zenetik Udalean ez dute hirigintza batzorderik deitu eta alderdiek prozesu horren ondorioak ezagutu nahi ditugu eta bide batez proposamenari gure ekarpenak egin”, adierazi du Canok.
Udalak beste erakundeekin gestiorik egin ote duen ez dakiela nabarmendu du: “Ebazpenean Foru Alduko Kultura Saila aipatzen du, egun inguru horren kudeatzailea dena, besteak beste. Egoera berean daude Portu Agintaritza eta Itsas Kapitaintza”.
